Amban Huraira kinalasahan weh allahutaala bennal teed in rasulullah salallallahu alaihi wasallam, magsabda tiyap tiyap gawang amban kagawanggawangan langgal niya malaikat magsulat Alen dinambuwa dambuwa,(tagna tekka si langgalin) upamahan pahalah nen kuweh hinayep,ubus ngakulang sampay kuweh sah dikihdikian pugad,apabila ningkoh ne imamin taplek ne katasin pag susulatanin, duk pakale ne siye si hutba in,
(Salassayan sambahayang jumaat)
Pahati si kaam pungtinae ku si agama islam sambahayang jumaat dapahil pahil tebe hadje kalabiyan bang tahati tebe, kuitu hati te ko bang sainge kalabiyan sambahayang jumaatin, in waktu jumaat magtagna paasek in waktu fajr nah magsabda in nabi te mohammed sallallahu alaihiwasallam, niyah malaikat si tiyap tiyap gawang amban meh kagawang gawangan langgal magsusulat alen pinagsunuh magsunuh weh de bang in matimpranuhin pahala nen kuweh sapantun untah hadje pahala nen pasunuh sapih pasunuh kambing pasunuh kahantang pugad sah, bang nekko ne imamin song ne khutbah tinambel ne weh ne in katas pagsusulatanin pakale in malaikatin si maghutbah ley, nah bang matarasawin tantu gah ne niya pahala ne si matasabbut si hadisin
In kamalaikatan magsubli subli luu si langal malaikat sangem duk malaikat ellew magpunpun si waktu sambahayang subuh duk sambahayang asar pagpatalbang ne in malaikat sangemin si puwas subuh tinelew ne siye weh allahutaala ine be painne in hinang ipun ku si dunya ley, helling den lai siye magpunpun magsambahayang si langgal duk katekkahan kami damikyan lairu isab siye magpupun magsambahayang si langal, damikyan in malaikat ellew saih du isab, manjari hininang ih weh de si file nu atawa kan kitab nu lai kemon in kujjit kahibal nu nahut diki, aslag hadje gey ne key kapasuwey, pagtekka si ellew pagbista bang tasangka nu in kitab nun duk bibang oh bukut nu tantu lugi kew duk magkarukkaan ne kew sabab puru laat kemon tasulat si kauhin, nah tabilang kew amban narka jahannam nah bang tasangka nu duk kanawan nu nah makapas duk magkegkeg duk laksupipitu nekew sabab tabilang nekew amban aa surga,
Manjari nelew meh manusiya tanarkain si manusiya tasurgain, pain meh tanarkain sainge kaasekbi surga iyan, pain manusiya tasurgain,bang kami jinurih atawa kan inujju ujju mag ibadat weh pagkahi kami magsabar kami, duk bang kami pinakaat weh pagkahi kami atawa kan kinotokotohan kami nah landuh kami makasi si siye sarta nambung kami duk bissara lamma lambut hasupaya gey tahinang sagga duk siye,magpahap kami, duk bang kami sinagga weh pagkahi kami daa kaam painne nabang atawa kan daakam magsadakka si siye si pungtinae bi, gey pakalele kami sabab pungtinae kami si agama islam duk bang siye kinawugtu pakan kami duk tabang kami,nah laine siye magsusun sinusun meh dayahanin atawa kan meh nakura in iye makageessin, painde bang sadja kami pinabalik hap dunya pagsadakka kami kemon in arta kamihin, nah tuwan meh dayang gey nekite tabalik hap bulak dunya, hankan subey kite pakale si meh ulamah te siye iyan maut kaam amban kalindeman si kasahayahn,
0 comments