Usbawaris Islamic Centre

2011-05-08T16:16:00.000-07:00

                               ULAMA' USBAWARIS ISLAMIC CENTER.
HEAD and FOUNDER OF THE USBAWARIS GROUP

BY: Ustadz. Mohammad Gafour IndalaL,

1-Elementary graduate Sumisip Municipality,
2-High School Graduate Basilan State College,Isabela city
3-3rd year Custom Administration Sauthern City College, Zamboanga City 1992,
4-Officer Citezen Military Training graduated (C.M.T)WMSU Zamboanga City.
5-High School Graduate (Rabie Sanawi) Bouos Al-Islamiya, Azhar,Egypt
6- College,Graduate, Azhar University, Egypt,2010 Usuludeen,Major in Tafseer.

1-Ustadz, Murseed Sanuuk   Islamic law..riyad Saudi Arabia
2-Utadz, Al jadeer Abdullah, Usuludeen riyad Saudi arabiya
3-Ustadz, Merhan Kabulut Islamic law. Sudan Republik
4-Ustadz, Hatta Esmail Dahwa madina saudi arabia
5-Ustadz, Ghani Arabain saut Africa
6-Ustadz, AbulGais Isnal Habibun,,,jordan
7-Utadz, Ippan sacor, serya
8-Ustadz,Jul Asrie Samir
9-Ustadz, Abu Ruwaim
10-Ustadz, Abu yusof
11-Ustad,Refai'e Munir Abih

Atamanna lakum jamian majid minattawfik Wassadad,

Nas aluullaha taala an yazmaana maa habibi mustafa s.a.w. fil firdawus ahla minal JANNA.allahumma ameen.

inin taman katauhan kun duk bang niya pe luu saddi ahlan wasahlan,tuu si USBAWARIS ISLAMIC CENTRE.

                       Kasilasa si kaam kemon Usbawaris kami.

      USBAWARIS.

   MOHAMMAD   GAFOUR INDALAL

Nasihat si Kadendehan.

2011-04-27T03:34:00.000-07:00

Nasihat si taga ellah

وعن ابي هريرة رضي الله عنه قال: ان رسول الله صلي الله عليه وسلم: قال إِذ دَعَا الرَّجُلْ إمْرَإتَهُ إَليَ فِراشِهِ فَلَمْ تَاُتِهِ فَبَات غَضَانَ عَلَيها لَعْنَتُهَا الملائِكَتِه حَتَّي تُصبِحُ : متفق عليه
Amban abi huraira kinalasahan weh allahutaalla bennal teed rasulullah sallallahu alaihi wasallam magsabda: apabila Naabbit ne lellahin andane happabakan buh gey mabaya, sampay maka tuli dem astel pinagmurkaan iye weh malaikat sampay salung2 subuh.

Apabila ne ngalingan oh lasa tuli ne kite subey ne makahati kaam kadendehan bang gah du niya tekka (bisita)

إِذ دَعَاapabila الرَّجُلْ إمْرَإتَهُlellahin si anadane إَليَ فِراشِهِsi pabakan فَلَمْ تَاُتِهِ si gey mabayah فَبَات غَضَانَ taboone astel عَلَيها لَعْنَتُهَاpinagmurkaan iye الملائِكَتِه malaikait حَتَّي تُصبِحُ sampay subuh salung

Mohammad G. Indalal

Nasihat by:Ustadz Murseed Sanuuk.

2011-04-27T03:30:00.000-07:00

SI ALEN ALLAH SANGAT MAKASI DUK MALASA

Tagnaan te duk ayat allah tilew ley painne

(وتعاونوا على البر والتقوى ولا تعاونوا على الإثم والعدوان واتقوا الله إن الله شديد العقاب)

magtabang2 kaam si kahapan duk pagmatalew si allah duk dakaam magtabang2 bng si pagdusehan atawa si kalaatan duk sabab magkuntara si dumain kapatut sharah islam bennal in allah mkalanduh pain paniksah nen,
Amban pagtabang2 si kahapn magpaesseb panaesseb dambuwah ambn pagpaesseb koweh ne tasabbut sir asiddin miyaan sby ninasihatan meh kanakuraanin sah dumain si kamahalayakan atawa si harapan mahadjanah, bng tagees nu maesseb magbaymata hap teeran si gy tagees nu bisan sah sulatan tangan nu duk aturan hap si gy ne tagees nu bisan sah paangkat nu tangan nun tudju allah bng pain siye hindayatan..
Ubus koweh ne si sual ley muslim ne nakurah ten sah weey masi gy hap dem kawman in,,,sbey liling tebi bang ine hinang mahadjanain bng kniayaan nen nulang pamarinta allah paturunan lahat uen nakurah laat…koweh ne tsabbut weh malik bin dinar inin.

عن مَالِكِ بْنِ دِينَارٍ : أنه جَاءَ في بَعْضِ كُتُبِ الله: أَنَا الله مَالِكُ الْمُلْوكِ ، قُلُوبُ الْمُلُوكِ بِيَدِي ، فَمَنْ أَطَاعَنِي جَعَلْتُهُمْ عليه رحمة ، وَمَنْ عَصَانِي جَعَلْتُهُمْ عليه نِقْمَة ، فَلَا تَشْغَلُوا أَنْفُسَكُمْ بِسَبِّ الْمُلُوكِ ، لَكِنْ تُوبُوا أعطفهُمْ عَلَيْكُم

Amban anas bin dinar bennal iye niyah tekka amban kasindwehan diyalem kitab allah:pain allah aku allahu taala malik (nakura) amban kmon kamalik2 an (knakura nakuraan) pangateyan kmon nkurah in si tangan ku sine2 nuhut pngandaakan ku paniyaan ku siye nakurah hap makasi duk sartah malasa si meh raayat ne bu adapun sine2 nulang sharah ku hinangan ku sab siye nakurah laat,da pagkaalal bi baran bin missa2 han meh nkurah ien gy hap sumagauwah balik nekaam tudju allah atawa magtawbat kaam spaya paniyaan ne pabalik nkurah mkasulut kaamin labi2 bng islamin.
Pandak nen suby du kite bi mamindahan kahalan ten mattan teed allahu taala gey mindahan qawman uen malayingkan nen subey mismu siye maminda baran den sampay qawman de mindahan kahalan laat tudju hap nuhut pinturuh allah luu neke nakurah latun ne sampay mahadjanah pain )allah

إن الله لا يغير ما بقوم حتى يغيروا ما بأنفسهم)

Malik bin dinar inin dambuwah amban meh kapangandelan tabiin si hadith ne du dambuwah iye iye ambn saweh anas bin malik matey iye si tahun 127h.
Pain meh paha2dith in daip iye bakkas inin sabab niyah inalenan ibrahim bin rashid kaambanan iye magriyawat in altabraniy si (al awsat).
Pain dsab abdul aziz alrajihi si sarahan ne (alaqidat altahawiya): hatihan suwi2 amban malik bin dinar inin tumawwah bisan kaniyaan nen tasuwi2 weh meh israil duk magpain pe kasindwehan ambn meh ulamah,bakkas inin iye tasabbut weh malik bin dinar miyaan niyah asal2 ne.allahu ahlam
Tambahan bi sah sambung sual sir asiddin in inin amban akuhin bng saupama niyah kamalih amban pagsulat ku ley atawa pagpaliksah ku sikaam ley si tenged bissara allah uh dukaam matintul ne duk magmaap kaam bng niyah bissara ku pangkal si pakale bi,duk labi nen bng allah ngampun si kasaan ly..WASSALAM.

Arindaw By_Ustadz Murseed Sanuuk

2011-04-27T03:15:00.000-07:00

SI ALEN ALLAH SANGAT MAKASI DUK SANGAT MALASA

SALAM SI KAAM KEMON MABAYAH KU PASULEGBEN NAMBUNGAN PATILEW PASAL PAGSANDA SI GANTAH2 TAHATI KUN DUK MAKULANG PANGHATI NELEY…
PATAMBA KU JA ININ SI

Pasal pagsanda niyah gawang ne masi tabettad si padduman piqhi (الروض المربع) باب الرهن,magsandain jari si pagadarmbuwaan ulamah sabab nen niyh tanda ne ambat ayat allah si kitab ne painne :

{وَإِن كُنتُمْ عَلَىَ سَفَرٍ وَلَمْ تَجِدُواْ كَاتِباً فَرِهَانٌ مّقْبُوضَةٌ .

Bng kaniyaan bin magtulak2 bu ngutang kaam si sweh bi magbayed kaam si waktu tartantu bugah niyah magsulat pain ibnu abbas: (atawa nen niyah magsulat sah gh niyah panulatan katas atawa bolpen pangalukis paniyaun ne ganti sulat ley ((sanda pinaantan)) si pangutangan ley, payamun bisah tapsir ibnu kathir si tapsira ayat inin bng kaam bayah maluha2 ne duk saddi pe tapsir sab..

Sah iye mahadjehin pagbissahan ten naan si inin weh jari mamasandain…peggeh gy kew masandah bng gy sukal.sah taga aturan pain dumain koweh pagsandah kahekkahan si lahat te.ineddoh pe billihan lahing nen atawa goma nen ubus pinalekkat pe iye si mata sin taeddoh nen subey saktu inin sandah gy majarihin bng si islam.utang hep asal2 nen sah bng gy ngandel aa pangutanganin pnabettad si iye panyap in bu meke pabalik ne panyap ley bng ne kabayed,sah gah niyah labi2 bisan dakotteh na jari sanda inin koweh ne matasabbut si padduman piqhi dumain ne ja kaniyaan nen si kitab tasabbut ku ley agen kahekkahan kitab piqhi masi niyah tasabbut ((babur rahan)).

Papi te si jaman kuitu asal hunit kew uen panautangan si lahat te bng gah niyah taantan mamautangin weey kuien??
Peggeh sab mangutangin bisan ne niyah sin ne pagbayed uh pe wal maglibutan wal pe sipangiluk ngilukan weey iye gy sinukan, weey sab mautang sindwehin bng kuien tarabahuhin, gy ne sih kaine bng sab kew inkahan na niyah ituh sin2 ku sah gype makajkupan bng jari du sikau na tangguhin ku mke sah binaeran,iye be mahadjehin basta pag isun isunan.
Weey sab makautangin gy maglibutan bng mamautangin bisan peg gah taabut oras pabayed in wal ne iye sinukut gah ellew gah sangem bng talanggal wal ne ja ien panasbi nen bng takasuwah ne makautangin.wee sab kew gy sinukut bng kniyaan nun wal ngiluk2.

Duk tandah nen amban sunnat SAW weh jari
(توفي النبي صلى الله عليه وسلم ودرعه مرهونة)
Matey nabi tebi Muhammad SAW taming nen sumanda si yahudi…
Sandain tagasharat :

1 – subey katauhan gantaan nen duk pinasanddaanin bng ine duk sipat nen.
2 – suby kaniyaan mamasandain aa lintug duk subey si iye altah pinasandain duk bisan sab dumain si iye bng pain dapuh nen pihun ne.painte labey baid dehew.
Duk sby jari panyap pinasandh ley pinabelli kuingge hantang nen bng gy kabayed aa mamasanda in si waktu pagjanjianin bu nisi2ta aa pmasandaanin si alatah jari pabelli ne bng asal gah ne niyah sab pakasuwaan dapuh alatah masumandah ly saddi pangaganti ne,bng tapa belli weh aa makasanda ley alatah tasandah nen sartah taeddoh ne mata alatah nen bu niyah labi ne iye bellihan ley papi ne si dapuh nen iye hadja ineddoh nen ganta si iyehin gy iye ngeddoh labi.
UBUS PI KITE HAP PAGSANDAH LAHING ATAWA GOMA.
Si tenged sandah inin koweh ne kahekkahan teed si lahat te pagsandain saddi laboh si pamegesan sharah ine jan nen? bng kew masanda lahing atawa goma makasandah tu sab si iye pe bellihan lahingin atawa gomahin ubus pinalekkat pe magpasandain si alatah taeddoh nen sbey saktu ne mata sin in inin saddah sulang si sharah islam.

Bng be ie nanda lahing ley atawa goma ley tuhut ne inin inshaallah jari:
1 - Bng iye mangeddoh bellihan nen duk iye manarabahu iyehin bista ne hadja luug nen bu bista ne lebbi ne ambn luug neley bang maka jukupan ne si mata alatah taeddoh mamasandah ly pabalik nene lahing nen atawa goma nen.
2 - Bng kaniyaan mangahinang iyehin dapuh lahing ley atawa goma ly gadjihan ne hadja dapuh neley si gantaan pagslulutan den koweh gadji bng dsab maghinang si lahing sindwe atawa goma si gah sumanda bng saupama pain dapuh alatain bistahunne sampay luug kun patambahun ne si bellihan ne uen duk ne samet puwas gah dusab niyh sah ne sampay gy puwas bng jukup ne pabalikun ne si dapuh nen lahing nen atawa goma nen dakew ngeddoh labi ne bisan 1 pilak.
Sah hngkan nkew masandah peggeh gah niyah pangamay ngamayan sigpit iye pe niyah pngurung kmon sampay tarabahuhan maniyah niyah sumanda pe alatah in…sah na dipende si pag tawwaan bi bisan nekew magkoral peddel sandalan nune duk hadja samet puwas na kau nkoh ngarah2 ne si baran nu.
Ubus sab bng saupama pinsanda si sikauhin dumain koweh lahing ley atawa goma gy taporobetso magtuy bng gy sah pinabelli hangkan niyah sab pagjanjian bi bng umabut ne si oras miyaan lekkatun ne.pagtaabut lai gey pe makalekkat duwe nsab hinang aa maksandain:

1 - bng gey dusab kailangan ne alatain saruun duun na painne tanggu tene sab kew mas labi hap si iye bng kew pain tungbasan allah hap sakiyanan.
2 - Bang saupama asal kalagihan nu teed manamal alatain pabellihanun tasandah nun bng halgah nen labi amban pakasandaan nun eddoun hadja mata alaltah nley bu pabalikun lebbi nen si dapuh nen,,na bng gy umabut sab na masi pe iye kapikitan si gah kaumabutan nley,
Bilang taman kuien koweh kapanambung kuley bng niyah kulang gah tasabbut labi tau bin ambn aku tambahan bisah meh kaguruhan kmi kalasahan naan si usba waris inin,,duk labi2 nen maku ku kamaapan si kaam kmon bng niyah bissa kuley pangkal si pakale be gah tawwah si sharah maapun biku aku 1 manusiyah magkamalih dk magkasah,labi2 bng allahu taala ngampun si aku,duk sartah si kite bi kmon..WASSALAMU ALAYKUM WARAHMATULLAHI WABARAKATUHU.

Kahalan pag-ella.by:Ustadz Aljadeer Abdulla

2011-04-27T03:12:00.000-07:00

Salam si kaam,, misan neku dumain guru nambung neku si tagees2x kun duk si taabut pangadjih kun si pasalan patilew inin iyene dendehin sinegeh koweh meh kasinduwehan si lahat tebi hekka bissara meh ulamah naan si inin,,, niya mag pain bang ...pe dikih dendehin gah pe balig manjari pina ellahan misan dumain ijin ne duk dalil de du sab mag pain inin,, sah bang painde dendehin akil balik ne salih du budjang atawa bakas taga ellah gey painde manjari ileges subey teeran amban kaehlasan ne,,,, in pandak bissara salih du makanak abahi gey manjari pinaellahan bang gey ijinde inin bissara ( sheyk saleh usaymin ) dem kitab ne assarhul mumtih,,, bissara inin labi mabennalin,, sabab basag dalil den amban kabtangan rasul (saw

حديث أبي هريرة رضي الله عنه أن النبي صلى الله عليه وسلم قال: (لا تنكح الأيم حتى تستأمر، ولا تنكح البكر حتى تستأذن)، قالوا يا رسول الله وكيف إذنها؟ قال: (أن تسكت)3.
وحديث عائشة رضي الله عنها أنها قالت: يا رسول الله إن البكر تستحي قال: رضاها صمتها)
4.
Hatihan hadis sika tagnah lu gey kinawin iye ne dende bakas taga ellahin (salih du balu atawa bituwanen) sampay gey ngandaak iye atawa gey mag ridah duk gey du isab painne manjari pina ellahan in budjang (gah bakas taga ellah balig neke atawa gah pe ) bang gey du isab pandaak ne( ininen dalil den weh gah niya pagbiddaan budjang makanak duk bakas taga ellah) ubus missara meh shahabat nen painne saingge in kahantang pangandaak neley??? pain rasulin bang ne iye gey kebbutan ( hatinen bang ne dendehin tinilew weh usbane painne ine bayah nekew mag ellah?? ubus gey ne nambung hatinen bayah ne iye,,, hatihan hadis sika duwelu agen du mag salih,,

Duk ine pe tasabbut dem kitab fekhe dambuwah amban shatat si pag kawin (arridah bijjawjayni) hatinen tabettad weh meh aa tau amban sharat kawin subey mag ridah lellah dende hatinen bayah de dangan duwe,,, dumainne adja dendehin subey mabayain sampay hatih lellah gey du isab manjari kinawin bang gey kabayaan ne dendehin,,

Ubus mag ihtilap ne isab meh ulamain bang takawin meh makanak ley bug ah mag ridah dendehin??? dambuwah amban pag palabey de in kawin ley batal sabab nen alah dambuwah amban sharat niya isab mag pain kawin ley shaheh sah dipende ne si dendeley bang iye toloy neke pag dambuwah deley atawa papoleh ne ungsudin,,,,pandak bissara dumain dem sharah mag legesin peggeh dumain hinang ulah2x

Ubus kau dendehin isab bang kew asal gey bayah asal mag aka kew sabennal weh kau asal gey kew bayah dumain isab pinag bahasa gai2xhan dende mag pain gey bayah inekew bayah du hatih ( magpakipot ) peggeh bang ne kaam tapag dambuwah hunit nekew mekkus amban lella leys ah bang asal gey bayah si gey pe takawin puspus nu pag akahin weh kau gey kew bayah.

Ubus bang ne kaam tapag dambuwah lagih taga anak ne kaam nashihat ku si kaam misan nebe gey kabayaan nu ellanuley kalasahanun nebe lagih nen koweh tilew uen taga anak ne kaam dane inambanan,,, peggeh piye adja amban aa bun inekew ien hatih kinalasahan nen,,, duk subey pikil ten in dunyahin papas du gey du mag dambuwah sa kaumulan dapeke gey mag sapeh bang mag duwe baran misan nyawa duk baran niya waktu mag sapeh du hangkan mag shabar ne kew adakalah ien makahap kauhin dunya akhirat,,, hekka bissara meh ulamah naan si inin sah ineddoh kun adja iyene point deley mag maap kaam bang niya luu kamalih ne ambat sah patintul meh kaulamaan te diyalem iyuh peggeh hinang uen mag daih2x wabillahi attawfiq wassalamu alaykum warahmatullahi wabarakatu

Nasihat:by Ustadz Hatta (ziyad)Ismael

2011-04-27T03:05:00.000-07:00

PAG-PAESSEB SARTA PANUHUT SESSAH ALLAHU TAALA SI PANGHU MOHAMMAD (S.A.W) LATUN C KITEBI MUHMININ(MGTAG_IPUN C ALLAH)

قوله تعالى: وذكر فاءن الذكرى تنفع المؤمنين)

kulang mglabi mahna sin ayat,dinaak weeh allahutaala rasul s.a.w maesseb tantu in pag-paessebin mg mumpaat si kite meh muhminin.
tuu si inin peggeh gah ne rasul(s.a.w) iyuh meh kaulamaan ten bi gey du jumu maesseban kite sabab cye ne iyan ganti meh karasulanin mamaesseban kitehin

( العلماء ورثة الأنبياء)

manjari nagna ku si ginhawa baran ku maesseb latun si kaam usba waris, tiyah bang patekka kuweh bantuk lumandu pglolah ten duk sarta hekka si story ganah tantu kagunahan ne, andu kalasahan kiteBI allahu taala bang niya dapat kulang kulangan tebi ru meh tasabbut ien sabab subey esseb tebi niya mgjajaga si kemon kakahinang te amban pamissara te latun si anggawtah baran te, tanda nen pain allahu taala

(ما يلفظ من قول الا لديه رقيب عتيد)

gana ilapalan atawa kan ilagtigan weh della te amban meh bissara buwat malaingkat niya iyan mgjaga c iye, hekka manamal ayat manunjuki C IYAN iyuh meh kaguruhan ten.

duk damikkiyan nen nya dusab sessah nabi te mohammad S.A.W bang kaniyaan ten du mgkahagad weh tunggal allahutaala sinumba ten duk sarta mgkahagad kite weh nya hinapusan ellew(akhirat) dinaak hadja kite meneh bissara hap atawa bang weh gana ne kasuwa te bissara hap mas labi afdal pahali tene della ten

,(عن أبي هريرة رضي الله عنه أن رسول الله صلى الله عليه وسلم قال:من كان يؤمن بالله واليوم الآخر فليقل خيرا أو ليصمت, رواه البخاري ومسلم, وفي رواية أ ليسكت.

mg maaf kaam mura murahan bng pain tabebbeg mula mula ginhawa baran ku latun si kaam meh usba waris ku kalasahan, wallahu ahlam wassalamu alaykum warah mullah,

kASILASA SI KAAM USBAWARIS.

Panilew,Nurjanna Rhadi,Pasal Arindaw.

2011-04-27T03:01:00.000-07:00

Bismilla…panilew pasal arindaw magpasanda lahing…niya padduman fekhe

(الضرورات تبيح المحظورات).

Si waktu kite magkalagihan manamal gah niya pangoweh ngowean makajari kite magpasanda lahing, na kite bi isab manandain domain isab pinaanakan arta in dambahi isab lellekan tebi pinasigpit, andu maku kami kaamapan sine2 makahinang mag anak di anak in pagsanda subey magtawbat si waktu kuitu si gey pe iye patungkaga hap 6 feet below the ground (kubul)

lahing partandaan si panandaanin binettad si kau hasupaya isab niya pangandel iye pina utangan ley,,pegge bang maku sadja atawa ngindam kahekkahan gey isab mainddam atawa patapuk isab gey ne magbayed bang gah niya inantanan,sogo daa pina anakan atawa maku labi,

bang saupama maka indamin arta in painne nah maglilla ne ku minsan lumabi taeddo nu amban arta ku lahing iyan,,sabab landu ku painne magsukur si kau,sarta kau makatabang akuhin gah niya siggul saggah ne, pinagbarakat pe weh allahutaalla in arta nu sabab lasa nu isab si makatabang kau hin.

Kasilasa si kaam usbawaris duk labi kaam kagurahan kami bang niya kulang atawa lumabi andu maku ku kamaapan si kaam duk maglilla in aku sahawi bi

Mohammad G. Indalal

Pagdagang Tekke.by ustadz aljadeer Abdulla

2011-04-27T02:50:00.000-07:00

Pagdagang Tekke Haram.

hukuman pasal pag dagang haram duk pangeddoh paiddah

salam si kaam kemon,,, sambung kun si tilew nu ini dehellu2x kite aa basilanin mura kite kaakkalan duk tarupang,, sabab nen piye adja mag boo pu si lahat te amban lahat kasinduwehan mag taus kite naymah ne,,, tagnah pe mag apply mag pulis weh niya koh bahasa dinaak adja kite miha sin bune engket aa ten salih du taga school duk ganah matuk ne inekew akkal hatih sika duwe mag belli kule2x gah du sab too,,, ubus malamihin ne mag tanem laiye,,, aka adja si aku geh hinabuku tuu si Saudi,, duk taabut ku ne sinduwehin sampay diyawah lumah pah kupunganin iye ne ien kakahinang bangsa ten ine kew putting hatih du sab,,,, ubus iyuh ne sab mag belli tekkeh,,, min hekka ne kite kaakkalan,, bu aa bara akkalin gey kaakkalan mag balik2x,,,, bang saupama too iyuen inin sambung nen amban hadish kite ngeddoh ngiyas kite amban inin…..

ما رواه البخاري عن النبي صَلَّى اللَّهُ عَلَيْهِ وَسَلَّمَ أنه قال : إِنَّ اللَّهَ وَرَسُولَهُ حَرَّمَ بَيْعَ الْخَمْرِ وَالْمَيْتَةِ وَالْخِنْزِيرِ وَالْأَصْنَامِ، فَقِيلَ: يَا رَسُولَ اللَّهِ؛ أَرَأَيْتَ شُحُومَ الْمَيْتَةِ فَإِنَّهَا يُطْلَى بِهَا السُّفُنُ وَيُدْهَنُ بِهَا الْجُلُودُ وَيَسْتَصْبِحُ بِهَا النَّاسُ؟ فَقَالَ: لَا؛ هُوَ حَرَامٌ، ثُمَّ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ عِنْدَ ذَلِكَ: قَاتَلَ اللَّهُ الْيَهُودَ إِنَّ اللَّهَ لَمَّا حَرَّمَ شُحُومَهَا جَمَلُوهُ ثُمَّ بَاعُوهُ فَأَكَلُوا ثَمَنَهُ ... وثبت عنه صلى الله عليه وسلم أنه قال : وإن الله عز وجل إذا حرم أكل شيء حرم ثمنه ... رواه أحمد.
bennal2x in allahu taalah duk rasul ne,, hinaram mag pabelli kemon maka bungkus akkal salih du ininun atawa hinanggut atawa pina si injection,, atawa ine pe lai ginisan pangosal de iye,,, duk mag dagang matey iye ne upamanen meh kambing gah tasumbalih atawa manuk duk saddipe billai duk bawi duk kasantu santuhan,,, hatinen ien gey manjari dinagangan

ubus niya missa painne saingnge isab bang si kau ya rasuwlallah,, bang saupama in lemmek meh mamatey ien gah tasumbalih ley inosal iye koweh ne pag pintura neke atawa pangalekket si meh ka kappal kappalan atawa pag susut si kuwit atawa inosal pag tiyew( koweh be hinang gas) ,,, hatinen ineddoh be lemmek neley adjah gey du isab kinakan isi nen ubus inosal si saien,,, missa rasulin pain ne gey makanjari haram iye pag puwas missa ne sab iye ( katala) tabonoh sah naan si inin magsud nen bininsanah weh allahu taala in yahudihin bennal2x allahu taala si waktu hinaram weh ne in kalemmek lemmekan meh mamatey gah tasumbalih ien hininang weh ne pag puwas pina bellihan weh de duk kinakan weh de bellihan nen,,,,, muttapakun alayhi

duk riwaya amban iman ahamad : benal2x allahu taala bang haram kinakan si ine ine ne haram haram du isab bellihan nen,,, hatinen kemon haram iye ne gey takakan atawa misan dumain kinakan bang asak2x nen haram gey manjari pina bellihan peggeh haram du isab bellihan nen,,,

ubus mag ihtilap meh ulamain si damir (huwa) iyene huwa haramun ,

قال النووي في شرح مسلم عند شرحه للحديث السابق وقوله صلى الله عليه وسلم: لا؛ هو حرام. قال : وَالضَّمِير فِي ( هُوَ ) يَعُود إِلَى الْبَيْع ، لَا إِلَى الِانْتِفَاع ، هَذَا هُوَ الصَّحِيح عِنْد الشَّافِعِيّ وَأَصْحَابه أَنَّهُ يَجُوز الِانْتِفَاع بِشَحْمِ الْمَيْتَة فِي طَلْي السُّفُن وَالِاسْتِصْبَاح بِهَا وَغَيْر ذَلِكَ مِمَّا لَيْسَ بِأَكْلٍ وَلَا فِي بَدَن الْآدَمِيّ ، وَبِهَذَا قَالَ أَيْضًا عَطَاء بْن أَبِي رَبَاح وَمُحَمَّد بْن جَرِير الطَّبَرِيّ، وَقَالَ الْجُمْهُور: لَا يَجُوز الِانْتِفَاع بِهِ فِي شَيْء أَصْلًا لِعُمُومِ النَّهْي عَنْ الِانْتِفَاع بِالْمَيْتَةِ إِلَّا مَا خُصَّ، وَهُوَ الْجِلْد الْمَدْبُوغ ... انتهى.
missara imam annawawie si sharah muslim alen kitab ne inin ( minhazz ) damir huwa inin pabalik iye si pag pabelliley dumain si intipah duk ininen bissara mabennalin amban majhab assafiiyyah duk kasaweanne benanl2x manjari inosal iyene lemmek in patey tasabbutte dehellu miyaan koweh pag pintura atawa pag lekket meh kappal ( geh matuuhin gah be niya kapanyapan de ) atawa hinang pag tiyew duk saddi pe billai amban dumain inosal kinakan duk dumain inosal si baran manu siyah duk amban ien missadu isab si atah duk attabarie
missajumhur ulamah gey manjari kew ngeddoh paiddah amban ine2x asal2x nen sabab ne lamud iye diyalem peges iye ne ngeddoh paiddah amban meh patey ley malaingkan nen iyeru ti nartantu koweh ne kuwit ta dibag ( mas-alah kuwit inin tahah du isab manamal gey ne kite palapey ))

ien meh bissara meh kaulamaan ten si mas-alah ininen
manjari bang isab aku nuhut ku si bissara imam annawawiley duk meh kasaweanne koweh ne tabissara deley bang du isab dumain kinakan atawa binettad si baran manjari saingnge upamakun bang niya kambing matey manjari pa makan nu asunuh bang saupama niya si kau atawa bang niy bohe kalaboan nadjis ubus asal nadjis teeran iye gey ne taosal si pag inum atawa pag pandi atawa ail boheh ley manjari osal nu si pag tatah nu meh punglah goma nu atawa manjari pag katsaw nu samento bang kew mag hinang lumah saien kahan tang nen,,,
ubus patilew iyene pasal tekkeh ley kiyas tebi amban meh tasulat iyuenne,,, gah niya mag pain weh tekkein takakan,, mah na ne haram iye bu bang haram iye haram du isab bellihan nen ubus pasal isab ngeddoh kew paiddah gah niya lai taeddoh nu paiddah amabn tekkeh ley iye hep basah koh song hinang tambal,,, na masi du kinakan atawa pag susut na masi du manusiyah ma ngosal iyehin hatihan nen haram bellihan neley gey kappa bellihan misan pe piye laksah ne luu bang para amban aku duk meh dalil tasabbut miyaan gey jinarie

Kalabbiyan sambahayang jumaat

2011-04-27T02:38:00.000-07:00

Kalabbiyan sambahayang jumaat

Tarasaw tekka si langgal gah dem listahan malaikat alen ten bin

عَنْ أَبِي هُرَيْرَةَ، أَنَّ رَسُولَ اللَّهِ صلى الله عليه وسلم قَالَ ‏"‏ عَلَى كُلِّ بَابٍ مِنْ أَبْوَابِ الْمَسْجِدِ مَلَكٌ يَكْتُبُ الأَوَّلَ فَالأَوَّلَ - مَثَّلَ الْجَزُورَ ثُمَّ نَزَّلَهُمْ حَتَّى صَغَّرَ إِلَى مَثَلِ الْبَيْضَةِ - فَإِذَا جَلَسَ الإِمَامُ طُوِيَتِ الصُّحُفُ وَحَضَرُوا الذِّكْرَ ‏: رواه مسلم

Amban Huraira kinalasahan weh allahutaala bennal teed in rasulullah salallallahu alaihi wasallam, magsabda tiyap tiyap gawang amban kagawanggawangan langgal niya malaikat magsulat Alen dinambuwa dambuwa,(tagna tekka si langgalin) upamahan pahalah nen kuweh hinayep,ubus ngakulang sampay kuweh sah dikih dikian pugad,apabila ningkoh ne imamin taplek ne katasin pag susulatanin, duk pakale ne siye si hutba in,

Pahati si kaam pungtinae ku si agama islam sambahayang jumaat dapahil pahil tebe hadje kalabiyan bang tahati tebe, kuitu hati te ko bang sainge kalabiyan sambahayang jumaatin, in waktu jumaat magtagna paasek in waktu fajr nah magsabda in nabi te mohammed sallallahu alaihiwasallam, niyah malaikat si tiyap tiyap gawang amban meh kagawang gawangan langgal magsusulat alen pinagsunuh magsunuh weh de bang in matimpranuhin pahala nen kuweh sapantun untah hadje pahala nen pasunuh sapih pasunuh kambing pasunuh kahantang pugad sah, bang nekko ne imamin song ne khutbah tinambel ne weh ne in katas pagsusulatanin pakale in malaikatin si maghutbah ley, nah bang matarasawin tantu gah ne niya pahala ne si matasabbut si hadisin.

kasilasa si kaam usbawaris mura2han daran kite bi diyalem hidayat duk dem ibadat si kabilang waktu.

Mohammad G. Indalal

Kahalan Pag Sawal

2011-04-27T02:03:00.000-07:00

Kahalan sawal by:Ustadz Qurtubie Abdulla

PUDJI DUK SANGLIT TARTANTU SI ALLAH MURA MURAHAN TINUNGBASAN WEH ALLAH PGBASSA TEBI DUK PAG TILEW TUU DYALEM USBA WARIS ININ KARNA KABAYAH TEBI NGAHATI KAHALAN ISLAM

Dumain ku inin guru sah mabaya ku mg guru,niya mian tilew tabassa q pasal ...mgpataha sawal c kalellahan.manjari aku ne dahu nambungan ne ambat sah patawwa meh kaguruhan lu bng gah tumawwa duk tambahan de bng kulang, sabab manucya du kite tattap mgkamalih,

hukuman mgpataha sawal palabi amban buku dyataan tiked c kalellahan atas duwe ginis.

1.(اسبال لخيلاء)

mgpataha sawal karna pg abbu,atawa nen bang ien tettepan ne janan gey ne takilale weh maharga sawal nen sarta janan gey hap pa molma nen,
kite ne koh mgpeneh bang sine eddoh te manusiya nanglitan kite mayaman kite duk allahu taala.sabab tanda nen kabtangan rasul s.a.w.

(ما أخرجه البخاري و مسلم في صحيحهما من حديث ابن عمر رضي الله عنهما أنه قال: قال رسول الله صلى الله عليه وسلم: من جر ثوبه خيلاء لم ينظر الله اليه يوم القيامة.)

sine sine malabi sawal ne mban buku2 tiked ne tanda pg abbu ne atawa kwe ne tasabbut ley karna kaw janan gey takilale sawal nen weh branded atawa kan maharga, inin tungbas nen gey iye pnayam payam aseh weh allahu taala taabut si ellew qiyamah.hekka manamal bissara meh ulamah si hal inin sah inin kasabennalan nen.

2.(اسبال بلا خيلاء)

hatinen yene pgpataha sawal ley dumain tanda pg abbu, niya lai hallian ne maka mudarat si iye bng tettepan ne sawal nen,atawa bng niya meh katel atawa kan bakat.puwas billai gey kew manjari mgpataha sawal nu palabi amban buku tiked bng gah du niya saki nu subey tnambal duk mgpataha sawal ley.

gah pe hep uh ubus sah ta enter weh ku,, si hal umbul 2. lu manjari pinataha sawalin bng niya sababan ne yene kweh tasabbut ley.tanda nen jinari weh rasul s.a.w pusi ibun mas ud ngasek semmek harir buh binnaan asal asal nen haram si lella mangasek nen wey peggeh nya rison ne knatel iye.

Nangis Kamateyan

2011-04-27T01:52:00.001-07:00

Nangis kamatey,By Ustadz Mursid Sanuuk

slam to ambat kew kasambungan ku si tilew inin ambat sah patullus kaulamaan meh mluu uen, tangis in 2 1ngangis ne hadja buus boheh mata nen gah niyah sah ne tandah nabi SAW noheh mata nen nangis peggeh maty anak nenibrahim ambn haduth si an...as takite weh SAW nangis moeh mata nenduk sartah missa iye mattan teed allahu taala gy du minsanah sabab buus boheh mata nangis dk damikkiyan gy dsab iye minsanah si kasusehan pngateyen sumaguwah nen minsanah pain iye si ininen sartah tinoloh dellah nen(hati nen minsanah allahu taala bng missa aa kamateyan in laaat upama nen na weey nbe kuinin mpaatag si akuhin duk saddi pe billai ambn bissa gy jari ne si sharah sby heto ne sabab nen kuih ne taqdeer si iye weh allahin ien sbey inessb nen weh iye nsab mapasunuin na sbey kaniyaan nen sugataan ne kamatey nen dk hinang hap) duk (makaaseh dsab allahu taala bng kniyaan nen bissara nen makaaseh2 duk sartah intirigahan ne si allah pakradjaan mapaatg miyaan)

لقول أنس :رأيت النبي صلى الله عليه وسلم
وعيناه تذرفان وقال : إن الله لا يعذب بدمع العين ولا بحزن القلب ولكن يعذب بهذا- وأشار إلى لسانه- أيرحم))متفق عليه..

sika2-iyene tangisan paguwah swala nen iye pinagbahasa magmatey in magkilhapan wal sinambat2 weh ne mamateyin gy gy teed jari.koweh ne tabettad si sahih muslim mattan teed SAW panaglah lanatan painne dende magkilahapan si aa mamatey in latag ne gy sabbut2 ne weh tuu du miyaan diilew miyaaaaan hngkan tasabbut naan dendehin paggeh kahekkahan ngahinang ne duk magmatey karendehan na bng niyah dsab lella magtiyahuan lamud dsad lai si ien.pain shaikhul islam ibnu taymiya: iye matoohin mattan teed iye aa mamateyin sakkal si aa magtangsan iyehin koweh ne talukis si kahadit2 an sahiha.((mattan teed aa mamatey sabab bninsanah iye jan ambn tangis ahli pamilya ne)) si riyawat saddi sine magkilahapn nangisan aa mamtey ley ien pain niyah sabbab iye paniksaan iye

قول صللا الله عليه وسلم : أن الميت بعذب ببكاء أهله عليه)) وفي لفظ (من ينيح عليه يعذب بما نيح عليه))

sah kasindwehan tumpuakn painde mattan teed amban gawang paniksah aa ley iye duse ne saddi sab.gey ne patahah te taman kuien ne si bissara meh ahlil ilm,pandak bissara asal pamegesan magkillahapan si aa mamateyin subey ne pahallih amban uen duk pasampayan sah iye aa gah makahatihin bng iye du sabb ien paniksaan matattoe nun aa atwa anak nun bu masi du paatag si kau smiyan2 waktu mas labi kahap nen bng sandalan nu duk sabaran nu duk sartah magridah kew si gantaan allah si kau. iye du jinari tangisan buus ne hadja boheh mata ne uen iye (khulasa) nen atawa pandak nen eddoh ku sindwe meh bissara uen ambn kitab ((rawdul murbih)) bng niyah kamalih sahawihun bisah ku,labi bng allah ngampun si aku,magmaap ne ja..allahu ahlam..

Patahunan Bahau. By iyakan Puntukan

2011-02-23T05:24:00.000-08:00

Alhamdulillah, pudji duk sanglit si Tuhan Magpapanjari katilingkal alam. Duk salawat duk kasanyangan si panghu’ te bi Muhammad kahinapusan Nabi duk Rasul.

Dambuli;

Mag-indan patahunanin lamud amban me kalalagihan me manusiya dambuwa kawman atawa lahat, sarta tabilan fardou kifaya si me Muslim manuntut ilmu ne inin (ilmu falak) pegge’ niya parsugpatan ne duk kasinduwehan me’ ibadat, kuwe’ ne me’ pagtekka bulan puwase duk bulan paghadji ye ne tabilang siye amban me’ rukun Islam lime.

Elimu’ iyan pasulaput iye amban duwe labeyan pangahati iye; kaissa’ nen amban pagsahari bulan duk paglinep ne bulan-bulan duk ye inin asal-asal nen. Kaduwe nen amban pagsilak mata ellew duk pagseddep ne ellew-ellew (inin asal-asal nen mangkin iye pinda magkulang maglabi amban siyampu ellew). Amban sabab iyan, saplag si kalahat-lahat kaniya-kaniya maghinang kalindariyu de luu ne ke tinuhut labeyan mata bulan (lunar calendar pain bahasa inglisin) atawa isab labeyan mata ellew (solar calendar bang si bahasa inglis). Damikkiyan magbidda-bidda du isab pagtagnaan de pag-itungan patahunanin, me’ bangsa sinain dehellu siye ibuhan tahun mag-itung patahunan, damikkiyan me’ injanin duk me’ aa misir-in kaniya-kaniya siye iyan duk itungan patahunan de. Sampay manjari bawag si entero dunya sampay kuitu inin ne ye ne magtagna siye mag-itung amban kapanganak Nabi Isa alayhis salam duk tinenteman de inantananin ye labeyan pag-itung ellew ye ne ngabut ne siye kuitu duwe ngibu duk sampuk dambuwa (2011) tahun ye ne ginellal we bahasa inglisin (Gregorian calendar) atawa (Taqwim Miladi) sambat bahasa arabin. Puwas ien tekka Islamin si tangan Nabi Muhammad sallallahu alayhi wa sallam, sampay finardu we Allah subey kite muwase dambulan dem dantahun, duk kawajiban kite maghadji hap Makkah si waktu tartantu, apabila du isab tagees te mapihin, na billai maghajat agama ten subey mag-indan duk mag-itung patahunan, ye ne magtayakkup kemon me’ sahabatin magtagna’ amban bulan Muharram duk ngitung siye nagna' amban tahun paghijra Nabi te Muhammad sallallahu alayhi wa sallam amban Makkah tudju Madina, ye ne bantu si bahasa inglis (Hijrah Calendar) ngabut ne kite kuit dangibu ampat hatus duk tellumpuk duwe (1432) amban tahun ye paglalin Nabi tebi Muhammad sallahu alayhi wasallam ley.

Si dambuli masa, magsawuganti’ me’ manusiyain ngalibut katilingkal dunya pipitu si bidda-bidda aka duk hajat sampay magleggey-ileggey ne pangaddatin bangsahin hap saddi bangsa, maglawlamud ne pangadjiin, kulang ne amban siye makaliley duk makapinig panghati matumawwa duk manggain. Amban sabab ien, dambuwa ne tahinang pangaddatan si antara’ de pakaniya-kaniya ye ne magsagina siye si panagnaat tahun duk me’ ginis-ginis ne lalabetan. Upama nen, pain arabin “KULLU AM WA ATUM BI KHAIR” atawa kan “AAMUN JADID ASSAID” duk ekka pe billai. Me ien ga’ ien niya poon ne amban Agama te Islam we’ subey hininang me’ parkala’ ley, sali’ du kaniyaan nen Hijri atawa miladi. Sumaguwa’ wajib hadja isab subey niya’ ingat tau te we’ paasek ne isab tahun bahauhin.

Si kuitu, ekka teeran takite mata tebi duk takale taynge tebi, sampay bang patekka matuk pe kitebi magpain “HAPPY NEW YEAR” bang taabut si kahinapusan bulan Disembel sampay panagnaan bulan Janwari, ye ne patuhut si aturan pag-itung ellew. Inin me’ pongtinai ku si agama, subey kitebi anib duk pateng si parkala inin. Sabab nen, hininang pangaddatan duk pinahadje iye we’ me tumpukan manusiya dumain mag-agama Islam, sarta’ binilang pe we’ de lamud amban pangeh agama de, panuttukan ne kiristiyanin masaplag pangaddatan inin mula-mula ne si lahat Yurup (Europe) duk Mirika (America) sampay taboo ne hap Asya (Asia) kaekkahan nen tampal silangan sarta hadje tibungkelan nen si uttara (north) Pilipinas duk tengnga ne, lapey ne pitu si me’ kahadjehan lahat si satan (south) Pilipinas ye ne sampay tapale me’ bale-bale nen dem kakawmanan me’ Muslim. Amban sabab ien, tarrang teed si agama te Islam kaharam nen, pegge me inin sahadje-hadje pangilalehan te satru Islam si tenged pamahadje (celebration) de iye. Na subey kitebi paanib manamal matuk-matuk magsagina duk “HAPPY NEW YEAR” iyan, pegge binandaan kite we Nabi tebi sallallahu alayhi wa sallam: (sine-sine ninged-ninged si kakahinang me’ satru, na lamud ne siye lai).

Allahu Taalah du labi mangatauhan mabennalin.

Panilew Pasal Tomboy Mag-Ella Dende.

2010-05-22T05:43:00.000-07:00

Assalamu Alaikum Warahmatullahi Wabarakatuhu..

Jawab by:Ustadz Awal Ali Ajhanti.Libya Tripoli

Pasal Tilew nu inin, sarun baksa ne sambungan meh Guru te sinduwe hin, sartah gai ne kaliyuhan si siye ley...Bayah ku hadja ngangganap daahat...iye ne inin duk hap pamaham te iyehin kemon supaya tampal duk salassay..

1..Mag ittipak mag dambuwah meh ulamah si Agama Islamin, bune hukuman nen , Hukuman Jina ,,, Hatine katauhan be ne hukuman Jina hin iyuh ne bakas tasalassay weh de tuu si Website inin ..

2. inalenan bang si bahasa Arab, Liwat,,, bang lellah pag kasi mag kasi-kasi hin,,,,,bune bang dende pag kasi dende, ginellah weh de Sihaq,,,hatinen dende ngabayaan dende, sartah mag usah mag pahap parasahan,,,bu parahal taggahan sarah, Hukuman nen hukuman Jina duk Haram apoh2...

قال تهالى : أتأتون الذكران من العالمين * و تذرون ما خلق لكم ربكم من أزواجكم بل أنتم قوم غادون* سورة الشراء.

Hatinen,,Pain Tuhan te Rabbul Alamin: ine tekka kaam (ngusal) pagkasi be lellah amban kemon a'lam, * sartah kaipatan ne be atawa taikutan bi ye pinapanjari weh Tuhan bin para si kaamin amban meh kaandahan bi, kaam ne iyan meh manusiyah, subrahan bine atawa gantian bi ne teed mahalalin tudju meh kaharaman...

Pain Hadith nabi Muhammad SAW...

النبي صلى الله عليه و سلم: أنه قالأ : سحاق النساء بيهن زنا.

Hatinen, ::: Ye pag usahantarah meh karendehan,,,tabista duk tabilang jina...

Meh ummat islam, mag sukul si matelew inin, duk mag sukul si makabassa iyehin,,,kami hadja manulat iyah sah Sarah amban Tuhan te rabbul alamin,,,kissa pamintangan,,,kawman Nabi Luth,,,,inulan nan bato duk bulak panas maka eggas funishment duk ajab si meh siye jinari weh de,,,parkalah oiyan,,,

Kisa si America,,, sakay jinari weh de makajari Lellahin mag anda lelleh duyk dende hin damikkiyan,,tekka naus katrina duk seddi pe meh baliyu basag mag ginisan ne alen nen,,,

Damikkiyan si Philippine ninged du isab meh Yahudi duk Nasrani si lahat ten,,,,jinari du isab sartah ne ne mag pakawin,,,,gah du teggel tekka du isab si ondoy mag panen pe ekka siye...mag ginisan mag bayuan...

duk seddi pe lahat sinduwe tekkahan ajab weh Tuhan kunsentrate den meh Touris area si malaysia si Thailand,,,gah pinalampas weh Tuhan, pinabuuhan weh ne Balah, ganah makakoleh nangga ne parahal kew meh aa dayahan ne siye duk tege kawase, wal du siye melloh mata,...mag sauk piasak lumah de..

Warning hadja ih si Dunya sah bang si Akhirat tinape ne siye diyalem Narkah api Jahannam...

Tilewin ine niyah pe Muslim ngahinang meh parkalah iyan.? Masha Allah amban ne siye maka-pangadjih duk maka singed, si bisayah...auzubillahi minassaytan...

Mag dayih dayih teed pag sulat ku inin,,,gah ku kapag review pasal waktu zuhur ne... bang pain isab niyah taeddoh bi nasihat duk pangadjian amban sambag ku inin ,,,sartah mag mompaat si kite bi kemo dunya duk akhirat....wa billahi tawfiq wa ridaa...

Wassalamo alaikum jamian.

Nasihat ,By Ustadz Abdul-aziz Ating..

2010-03-17T08:32:00.000-07:00

Magsukur Kah Tuwan Ustaj Awal duk Admin duk dambuwah pongtinai mag post sin masallaah inin. Misan ku dumain Alim, palamud - lamud ne pain kalu ru pain talapey weh barakat ilmuh den.

Salingkat-lingkat ne sadakka lapal-kabtangan binangkil iye ne in hadith mulliya sin junjungan te Nabi Muhammad Sallallahu Alayhi Wasallam.
Magsabda Rasul ten Sallallahu Alayhi Wa Sallam:

(( اغتنم خمسا قبل خمس: شبابك قبل هرمك، و صحتك قبل سقمك و غناك قبل فقرك و فراغك قبل شغلك و حياتك قبل موتك))
حديث صحيح أخرجه الحاكم
Hatinen:(( Saut-sautanun in lime (5) parkalah, si gey pe tekka in lime parkalah: 1- Kabagumbatah nun si gey pe kew ngabahih. 2. Kahap pamaranan nun si gey pe kew saki. 3. Kadaya nun si gey pe kew magkamiskinan. 4. Kasamun-sayah nu si gey pe kew "Busy or bisi" lipaga or banes kaligapan nu. 5. Ka ellum nu si gey pe tekka kamatey nun.))

1. SAUTANUN KABATAH NUN si GEY PE KEW NGABAHIH: Daa isab in dawanun " Dakanak pe be ku, basag pe napsu kun, meke sah ku mag ibadat bang bahih ne". Weey enteh bakas niyah paljanjian bi duk malakal mawut meke kew pellusan ne nyawa bang kew bahih ne?

In kamakanak nu lu in keseg duk challenge sin pag-ibadat meh kapungtinaihan ku. Basag pe akkal duk memory nun mag memorize Qur'an bang kew batah pe, basag pe tuut nun magsujud, tengge duk tingkoh bang kew batah pe,basag pe kew magtawaf sin baytullah, basag pe kew ngantan bessi karnah pamebbeg nu Agama duk bangsa nu bang kew batah pe....luu si kabatah nu in keseg nunay sin pag ibadat,luu ru isab in banes points taeddoh nu si waktu sin kabatah peggeh basag napsuhin duk sassat saytanin bang ih katingkasan nu hadje pahalah nun.Hangkan ne tasabbut weh Rasul te mulliya amban bilangan meh Aa makasilung si lingew sin ALLAHU TAALA si ellew dambuli iye ne in bagumbatah nulig si diyem pagtaat hap ALLAHU TAALA.

2. KAHAP BARAN NU SI GEY PE KEW SAKI, daa isab ingge kew makaesseb tuhan nu bang kew binawtut ne si poon pigih nu. Daa isab meke maka esseb magtawbat bang diyem najah ne, peggeh si waktu lasig pe, lalihan , sasaban pi pitu ne,kindat si karendehan pi pitu duk langisan ne kuweh bakas dinelatan meyong gey ne katapuan misan langew. Ubus duk pag inglis ne pe "Enjoy Life".
Ka hekkahan manusiyah ingge makapikil mag ibadat bang diyem saki ne, bang inurungan keseg duk sihhat hap pabalik du maghinang mahsiat kasinduwehanin tabiyah pain isab.
3. KADAYA si GEY PE NGAMISKIN: Daa isab meke kew makapikil magpatengge masjid bang eggas ne barter trade nun. Ine sah masjid pinatenggehin bang ubus ne leleb altain? Ine sah panarakka si Aa barhajat bang misan kau barhajat ne? Hangkan bang niyah pe artah nu, naut kew maghinang kahapan, naut kew magpahekka project nu si hinang hap waktu banes pe artah nu peggeh misan kew ngamiskin kalu ru pain niyah maka esseb kau or peggeh dumain du ilih niyat nun at least niyah katekkahan nu si ellew kiyamat tapadehellu nu ta deposit nu si bangko sin ALLAHU TAALA takasuwah nu si Bank Account nu si ellew kiyamat.

4. KASAMUNSAYAH si gey pe kew BUSY or banes kaligapan nu: Saut-sautanun nasbih or massa-massa qur'an si vacant time nu. Daa isab ubus ne si pag chat duk web browsing or computer game kemon, niyah waktu sampay waktu sambahayangin palabey ne gey ne tasayu te.

Sambatan sin meh kaguruhan te, amban meh parkalah hadje pagsusunan manusiyain si ellew kiyamat iye ne in da sasaat waktu gah ta usal ne si pag dhikir pangesseb ne hap ALLAHU TAALA.
5. KA ELLUM SI GAI PE TEKKA IN KAMATEY: Alhamdulillah, tiyah pe kite masi inindaman weh Allahu Taala ka ellum, misan kite gah ne makapagtaat pahap si waktu sin karakanak, at least and most important tiyah pe isab kite ellum, hatinen niyah pe chance te magtawbat amban meh pardusehan lumabey ley. Magpabentel sin mundaan te bakas malepas amban lalan mabentelin. Magpahap sin kahalan te, bunglewan te sama sibuh in meh kasaan ley sin meh hinang hap mura-murahan pinapasan si kite weh ALLAHU TAALA in meh kalaatan te ley duk ginantian sin kahapan.

Mura-murahan maku-maku kitebi hap ALLAH,bang pain isab pinagbarakat du weh ne in Kaellum ten bi, tinunjukan kitebi kemon hap kabentelan duk kemon hinang hap.

اللهم اجعلنا من التوابين واجعلنا من عبادك الصالحين واختم لنا بالخير يا أرحم الراحمين والحمد لله رب العامين

Salam duwaa duk kasilasa si kemon USBAWARIS, magsukur.

Panilew Pasal munafik.

2010-03-10T04:53:00.000-08:00

Ine Hukuman moslim gey magsambahayang??

# 1-Itu jawab ne,,,hukaman nen bang gey magsambahayang kapil visaya,

Hadist:

قال النبى صلى الله عليه وسلم : بين العْبُد والكفر تَرْك الصَّلاَةَ .رواه مسلم وترمذي واحمد

Magdabda rasulullah sallallahu alaihi wasallam, pangila- lehan ipun duk kapil niggalan sambahayang,

Bang kaam gey mabayah bantuk bin kapil subey kaam nambahayang, supaya kaam lamud si tumpukan meh mohmeen, in muhmeen siye ne magduhul bayah dem surga, weey gey be kaam mabayah paasek surga? Jinajih si kaam sinaddiya para si meh magsambahayang, buh gey ru kaam kakkal si dunya, sumuh duk sumuddeh sinessekan du kaam dem kubul, ubus gey pe kaam magsambahayang.

# 2-Nambahayang jumaat pi c jumaat or haylaya pi c haylaya?

# Itu jawab nen ka usbawarisan gah magkahagad si qur-an duk hadis,duk lamma manamal pamaratsaya, tungbas ne manusiya sa inin narka jahannam patulihannen pabakan nen duk lahat nen,sabab sambahayang sa iyan matuk laku sadja.
Parman allahutaala:

مَا سَلَكَكُمْ فِي سَقَر قَالُوا لَمْ نَكُ مِنَ الْمُصَلِّينَ وَلَمْ نَكُ نُطْعِمُ الْمِسْكِينَ . وَكُنَّا نَخُوضُ مَعَ الْخَائِضِينَ وَكُنَّا نُكَذِّبُ بِيَوْمِ الدِّينِ :

(Pain Manusiya dem surga in) weey kaam iyan umasek dem narka jahannam, sambung manusiya dem narka jahannamin, gah kami magsambahayang (lime waktu) duk gah kami ngurung sadakka si pungtinai kami miskin, duk bimbang kami si kalalamihan dunya,(hatinen pinahadje weh de in pagdunyahin amban pag ibadatin, duk pinuting weh kami in ellew pagbista,( ellew qiyamah)

Saupama nen,,iyu kaam mag istory, magdagey,magsayehan, kemon ne be ka bimbangan dunya ubus iyu ne mag bang si langgalin sa ka ula ula gah takale bi in bang si langgalin,

Duk sainge mangkin kaalenan munafic in manusiya???

Munfik- Hatinen: Putingan,dustaan,gey kapangandelan,panipuh.

Munafik- Tampal pagparatsaya nen si manusiya sa ka ula ula in iye manusiya hap atawa kan kapangandelan atawa kan (Adil) duk bang si pagharapan hap bissara nen pagtaykut nu ih nekew hinambesan,bangsadja makasin atawa bang sadja maka eddoh kahapan dunya, ubus muting pe painne dumain aku magkakahinagan iyan,iyan bantuk meh manusiya munafikin.subey kite be halli amban naan si inin magparman allahutaalla.

Parman:

إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ

Bennal teed In Munafik narka jahannam lahat den pag abbut si ellew qiyamah lai siye pinakadiyawa narka jahannam,,,(iye ne tasabbut inin)

Subey kite halli amban pinag alenan munafik daa hinang tebi si pagkahi tebi moslim, hatinen subey kew (Adil) hap pe kite bi nandal kawugtu daa sadja kite bi nandal narka jahannam,ka usbawarisan in pa kahapan dunya addali du puwas billai taamban du, ih ne isab kite patakliad hap 6 feet below the ground inin subey sinaddiyahanin ka usbawarisan ine pagsaddiya hin ammal ibadat duk subey kite adil,si diki haje si kapungtinaihan, allahu ahlam

Mura murahan pinagbarakat si kite be kemon in website usbawaris inin,allahumma amen,

Kasilasa si kaam kausbawarisan

Ine sahap hap Lutuh:by Ustadz Bapa Aziz

2010-03-07T13:15:00.000-08:00

Panilew amban dambuwa pungtinae:Lukman Kabulut Addae

Ma Sha Allah, gey ne kaliyuhan sin kuweh aku in jawab sin tuan Admin si sual umbul 3 ley. Sawa duk tarrang ne in jawab nen SAMBAHAYANG sartah duk daleel nen amban hadith mulliya.

Adapun in panilew umbul duwe: Ine sahap hap lutu' manusiya mole' tudju hadarat ALLAHU TAALA?

Meh Ummat Islam, labi ne meh kapongtinaihan ku tiyah si guwah lahat. Hinang tebi upamahan in baran tebi.

Mula-mula, peggeh gah kitebi lai si lahat si masa inin, ine in maksud tebi mag-abroad?

Duwe ru hep hadje possible answer te malai ley . Bang dumain ngadjih or ngiskul, mag-usaha.

Tuu si tabiat hinang kami tu si abroad as Interpreter, mahumu tahinang kami case officer nabang mag resolve sin problema si antarah sin worker duk employer nen, ka hekkahan request meh worker in bang tinilew, bayah ne moleh hap lahat, sah in ka sinduwehan misan pe niyah ne exit visa ne duk tiket, masi pe palaksu amban diyem airport bayah mag TNT si guwah peggeh kulang pe koh income nen duk sigpit dahuh pamolean si lahat bang kulang taboo.

In hantang te si diyem sin dunya inin kuweh aa mag abroad, niyah tartantu lahat te pamolean te. Dunya ituh salih du kite bayah duk gai, asal ambanan teru moleh du kite hap lahat kakkal iye ne in elew qiyamat or ellew dambuli.

So, bang in mag aabroad leman moleh hap lahat ne bang kulang in lutuh taboo nen, atas peneh ne in mag TNT karnah suse ne bang gah niyah sukat taboo ne moleh. Saingge ne hatu in Aa mamoleh hap hadarat Tuhanin ALLAHU Subhanahu Wa Taala.

In mag aabroad bang tapoleh makajari pe pabalik hap lahat saddi pamihahan ne kaelluman. Adapun in mamoleh hap hadarat ALLAHU TAALA bang taabut ne jangkaan nen, na gey ne makabalik pe hap dunya.

Amban sababan ilih mag Parman in Tuhan te Rabbul Aalameen si kitab ne mahamulliya:

((وتزودوا فإن خير الزاد التقوى))
Maksud sin ayat: "Maglutuh kaam, in sahap hap ne lutuh iye ne in katalew hap ALLAHU-TAALA".

Ine in katalew hap Allah pinag bahasa?

Sambatan meh ka Ulamaan te;

التقوى: هو أن تأخذ الوقاية من غضب الله بفعل الأوامر واجتناب النوهي

In katalew pinag bahasa iye ne in ngeddoh kew taming amban murkah sin Allahu Taala,iye ne in hinang nu kemon pangandaakan nen, hallian nu kemon pamegesan nen.

In dakanak tinalew si matattoe ne, tuhut ne kemon pamanoh sai-sama nen, gey magbulaug.

In Aa taga kaltalew hap Allah, labi billai. Pasal heget diyem pangateyan ne in pamaratsaya in iye binista si ellew sumu, iye ne in ellew pinagbahasa diyem Qur'an mahamulliya:

((يوم يفر المرأ من أخيه وأمه و أبيه،وصاحبته وبنيه ))

Si ellew patapuk ne in dangan-parangan amban pongtinai ne, amban Inah ne duk Ammah ne, amban Anda ne duk meh Anak ne, tiyap-tiyap amban siye niyah ne parkalah harap ne si ellew iyan". Bang iye bakas makahinang kahapan labi kalagihan ne in meh kahapan ilih, tinalew iye takite pongtinai nen atawa sai sama nen bu maku amban iye sin meh kahapan ilih.

Amban sababan ilih, meh kakasi ku, tiyah pe kitebi masi inurungan weh Tuhan waktu duk pangummulan duk baran ballug- ballugan, alhamdulillah, nasihat ku si baran ku, lapey te ne kaam. Sautan te in meh waktu inin, magtawbat hap ALLAHU TAALA sin meh kasaan duk pardusehan bakas tahinang tebin duk nuhut si pamanduh ne, patala amban kemon pamegesan ne.

Mura-murahan pinag barakat si kitebi weh Allahu Taala in meh pangummulan tebin duk binilang kitebi diyem likesan sin meh Aa magmatalew si iye.

Allahummaj alna- minat tawwabeen waj alna min ibadika as-saliheen, waj al khayra ayyamina yawma an nalqa-ka fiyha.

O tuhan ku, paniyaun kami amban meh Aa magtatawbat amban kasaan de duk amban meh Aa hap, duk paniyaun in sahap-hap ne ellew kami iye ne in ellew pagkasuwah kami duk kau.

Ameen, walhamdulillahi rabbil Aalameen, tiyah ne mag bang Asar tuu si kami. maid ne ku rahuh si kaam. Salam dwaa duk kasilasa si kemon USBA-WARIS

Tagna Tinilew Ammal si Ellew Qiyamah.

2010-03-03T13:44:00.000-08:00

Jawaban ku Panilew # 5 inin lingkaan tene dahu sin duwe lu gey tagulpi magtuy subey dinambuwa dambuwa pegge umbul dambuwa in iyu ne ka sambungan weh guru te bi kalasahan, Ustadz Bapa Azizi.

Mula Mula Ka usbawarisan, panagnaan ellew qiyamat yene kubul, sumu duk sumudde masi iyan pabakan te bi kemon, gah niya dayahan, miskin, nakura,king,royal blood,tigas masi kite bi pabak luu diyalem bulak 6 feet below the ground semmek ten bi kakana pote,subey iyan tinagamahan paghapan lella ka usbawarisan,in arta atas duwe parkala du,bang dumain kau inambanan arta nu (bankrupt) atawa kan kau isab mangambanan arta nun mole nekew si hadarat allahutaalla,

Sisinong kemon kite bi patakliad hap 6 feet below the ground, Kubul,atas duwe parkala,1-(Narka jahannam) panagnaan sarang landu kalindem karukkaan,siksa 2-(Surga) sarang landu kasahaya duk kasanyang.

Panagnaan Ellew qiyamah Kubul,lahat tebi kemon,panagnaan tinilew si kitebi kemon Sambahayang Lime waktu,kuitu tilew tebi ginhawa baran tebi pakaniya kaniya,

Panilew si ka usbawarisan,malasa ku si kaam,

1-ka issa ine magsambahayang du kite bi lime waktu?

2-karuwe ine magsambahayang du kite bi si waktu bang ngalingan ne mag azan si langgalin?

3-ka tellu ine magsamabahayang du kite bi si langgal jamaa?

4-kaampat ine donga du kite bi nambayang subuh si waktu ne?

Nah tinelew pain kite bi iyan dem kubul enna tebi dem bigi jantung tebi,pasal tagna tagna tinanya si kite ammal ibadat sambahayang nah bang kite gey makapas amban sambahayang lugi ne kite bi duk magkarukkaan ne,binasa ne ngasang ne bang mangasangin,ngillahap ne bang mangillahapin sabab narka jahannam kubul nen pabakan nen patulihannen,

Nah bang isab kite makapas amban Tanya kubul, magparuntungan tumuli kite hinek duk makapas ne kite amban panagnaan ellew qiyamah,sainge pakapas te amban Tanya kubul,subey jinagahan sambahayang lime waktu,dumain pinahil pahil meke nambahayang subey ne kahinapusan waktu daa ka usbahan,jagahan tebi panagnaan waktu minsan ine ine ka bimbangan,daa kite bimbang si pangalta te bi duk si paglami lami dunya dehelluhan tebi in pagsambahayang antag antag tampat binayabayan.

Hadist.

قال رسول الله صلى الله عليه وسلم : أول ما يحَاَسَب عَليِه العبدِ يوم القيامة من عَمَلِهِ الصَّلاَة فَإن صَلَحِتْ فَقَدْ أَفلح واُنْجح وإنَ فَسَدَتَ و قَد خَابَ وَخَسرْ :اخرجه الترمذي

Magsabda rasululla sallallahu alihi wasallam tagna tagna binista si ellew kiyamah kakahinang ipun sambahayang, bang tumawwah mgparuntungan duk lappas,bang magkaat( magpettud pettud pagsambahayangin) larak duk lugi(Binasa)

Weey Kite Pinapanjari ? By:Ustadz Bapa Aziz

2010-03-02T22:38:00.000-08:00

Waalaykumussalam warahmatullahi wabarakatuhu. Magsukur tuwan Lukman, da alen kaam guru duk Anak kun. Lingkat hep tuan meh sual pinaguwah nu ley. Misan ku ih dumain guru, ambat ku isab palamud-lamud missa tenged meh sual ley si takoleh duk taabut-abut kun.

1. Weey kitebi pinapanjari we' ALLAHU TAALA(الله تعالى) ine maksud nen?

Panilew tu daran ne hep ituh maglatun-latun duk tabangkil si mata-taynge sin parangan parangan amban kite sah sambatan dambuwah pungtinai tu dambuwah amban meh masaallah subey daran sinabbut supaya ellum diyem pangisbat sin tiyap-tiyap manusiyah.

In kapapanjari si kite Manusiyah biddah amban kapapanjari sin binatang or ine ine makhluk pinapanjari weh ALLAHU Subhananhu Wa Taala in tandah nen si Ellew Qiyamat mag imangkan manusiyain pain ne si ayat tasabbut diyalem Qur'an Mahamulliya "Ya Laytani Kuntu Turaban",maksud nen: " Weey pe hatu ku tahinang manusiyah, sarun miyaan tahinang ne hadja ku bulak". Magkainagen manusiyain si waktu ley sarang tahinang bulak ne hadja iye peggeh bulakin gey ne hinukum.

Sambatan sin magtatarasul:

ولو أنا إذا متنا تركنا لكان الموت نهاية كل خلق، ولكنا إذا متنا حسبنا ونسأل بعدها عن كل شيئ

Hatinen: Bang hadja hep miyaan puas kite matey pinasagaran ne kite, tantu in kamatey hinapusan ne sin kemon pinapanjari. Sumeguwah tuwih bang kite matey palabey pe kite paghisab, pag ubus meke kite tinilew pasal kemon ine ine bakas tahinang ten.

In manusiyah special makhluk pinapanjari weh ALLAH si ellet sin nature sin Malaikat duk Hinayep. Weey hangkan si ellet? Pasal in malaikat binettaran akkal sah gah niyah napsu ne, lawan isab sin hinayep basag napsu nen sah ganah akkal ne. Adapun in manusiyah sinampurnah luu si iye in ine maniyah si duwe inin binettaran iye akkal duk napsu. Iye hep inenan napsu ley lai lamud ne napsu mamanganin, nginum,mag anda, tuli…etc.

In binatang or hinayep gey ne labey hinisab ellew qiyamat kuweh paghisab manusiyain, misan siye hinukum bang si antarah de hadja, saupama takomes meyong dambuwain danganin si mata ne binangun hadja siye karuwe hinukum males hadja ngomes meyong miyaan si mata bakas mangomes si iyehin ubus tadawhat de pain kaadilanin pinabalik ne siye hap bulak.

Pinapanjari sin Allahu Subhanahu wa Taala in meh hinayep inin supaya mag khidmat si manusiyah hangkan gah ne siye binettaran akkal supaya siye taguna te. Pihun koh bang kabettaran ne akkal kabewin bang kew yan gey boo ne maglugat, weey ku subey taraak nu maglalas pahagad bu salih du isab kite taga akkal?

So peggeh kite taga akkalin o kew pungtinai ku manusiyah, akkal inin subey guna te. Bintung te balik hap akkal te in panilew inin weey ku tiyah tuu si dunya inin? Ine kamaksuran pagpapanjari Tuhan si akuhin? Supaya hadja mangan? atawa tuli? Atawa mag anak-anda?

Bang in maksud nen magpaniyah manusiyah supaya hadja mangan, uy na mas expert in Etek mangan amban kite, peggeh etekin misan tepparan nu kinakan nen diyem pisak puwah ne ru: In kabew damikkiyan, gey magkalagihan laley duk basu ngaseb hadja sabet si higad higad sin lame esso ne iye.

Bang isab maksud nen magpaniyah si kite supaya hadja tuli, uy na in kabeg mas pandey amban manusiyah magtuli. Peggeh kabegin gey magkalagihan uan duk tepo atawa kama, kabegin mag exhibition pe bang tuli, pabowet bowet diyatah pange duk bettis pe diyatah kok diyawah, leddek pe tulinen misan pelah pelah ellew.

Bang isab kite pinapanjari supaya hadja mag-anak anda, mag iskul duk supaya ngasuwah hinang tanam duk makahinang lumah lingkat, uy na hatu bauu ne hadja papanjari ne, bauuhin gah niyah problema ne pasal boo boo ne lumah ne tungan tungan.

ALLAHU AKBAR. Hadje kamaksuran magbayah-bayain hangkan kite paniyah ne.

Jawab ne si ayat daran du sinabbut si kite weh meh kaguruhan tebi kalasahanin, parman sin ALLAH diyem Qur'an mahamulliya:

" و ما خلقت الجن و لإنس إلا ليعبدون"

Maksud sin ayat: " Gah pinapanjari weh ku in Bangsa Jinn duk Manusiyah buwat malayingkan supaya siye mag-ibadat si aku". Ine in maksud sin Ibadat lai, in maksud sin ibadat dumain hadja limited si sambahayang lime waktu, atawa puase si bulan Ramadhan or mag hadjih hap Makka. In maksud sin ibadat lai kemon kidjut pamaranan duk hinang nun diyem 24 oras,ellew-ellew. Peggeh bang tebteb sambahayang du in inenan ibadat piye minit du dambuwah sambahayangin 5 minutes du more or less. Bang sai 25 minit du kew mag ibadat hap Tuhan ellew-ellew. Dumain sailih, sah in inenan ibadat langkum in kemon hinang nu diyalem sin 24 oras. In patuli nu, in pamangan nu, in pag-anak anda nu, pag usaha nu, in kemon ilih bang tumuhut si aturan binettad si kau weh Tuhan Rabbul Aalameen duk pamanduh sin Rasulullah Muhammad Sallallahu Alayhi Wasallam in kemon ih meh Tuwan meh Dayang bilang ibadat duk tantu tinimbang duk hinukum si kau weh ALLAHU TAALA si ellew qiyamat.

Gey kalugatan manusiyain si ellew qiyamat weey iye gah makapag ibadat sabab yuh luu si iye in akkal.

Karuwe nen pinaboohan pe iye suntuan, manoan si iye sin aturan sin pag ibadat tasabbut iye ne in meh karasulan duk kahinapusan den iye ne in junjungan duk suntuan te Rasulullah Muhammad Sallallahu Alayhi Wasallam.

In Rasulullah niyah aturan ne si kemon kakahinang nen. Aturan ne bang mangan saupama, magbismillah, mangan duk kanawan dumain bibang. Nahut aslag sin hinang sin rasulullah niyah aturan ne luu binettad weh ALLAHU TAALA pangupihan sin kite Ummat ne bangsa Manusiyah., ultimo misan ngalurah pangannal te gah ne niyah halgah ne sah taga aturan pe in Rasul S.A.W. bang ilih tatuhut te pungtinai ku manusiyah, in kemon kidjut duk kakahinang nun bang nuhut si Sarah sin ALLAH duk aturan sin Rasulullah Sallallahu Alayhi Wasallam in alen ne ilih IBADAT. Bang ilih tahinang te, nah tadawhat te ne in maksud sin pagpapanjari si kite sin ALLAH Tuhan sin kemon Aalam iye ne in mag IBADAT si iye.

Wallahu A'lam bissawab, ambat sah pabentel meh kaguruhan ten bang niyah gah tumawwah si meh ta lukis ku ley.

Tumahah ne teed, kalu ru niyah waktu ku misita balik si kawman usba waris inin, sugpatan ku sah si taabut ku in meh sinduwe masaallah ley.

Salam dwaa kami duk kasilasa si kaam kemon kapungtinaihan diyem kawman USBAWARIS.

Nasihat By: Ustadz Awal Family,Kaelluman Sannang.

2010-03-02T01:17:00.000-08:00

Nasihat By: Ustadz Awal Family

Bismillah, wassalatu wassalamu ala rasulillah.

sanglit duk pudji si allahutaala gah niyah sakutu ne sartah salawat duk kasanyangan si panghuh tebi mohammad sallallahu alaihi wasallam iyene kahinapusan nabi pinaturun weh allahutaala para moo sin kasabennalan duk masaplag sin kasabennalan sartah ngahukum duk kasebbanalan dyatah bulak dunya inin.puwas billai tukbal tebi pag sarang sukurin tudju iye ibu ibu pagsukur in sabab nen kaniyaan tenbi dyalem kaawam tah kitebi hinidayatan wehne magdyalem kadantaan.

Parman, allahutaala si kuran ne mahamulliya.

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

{ya ayyuhalladzina amanu itaqullah haqqatu qatihi

OH! kaam mapaparatsaya magmatalew kaam si allahutaala sabennal pagmatalew.

Hadis: sartah magkabtangan in panghuh tebi mohammad sallallahu alaihi wasallam.

اتقوا الله حيت ماكنتم

Maana nen magkulang labi:Mag matalew kew si allahutaala bisan kaniyaan bin antag tampat,

Saingge pag matalew tenbi??

Pain kaulamaan ten pagmatalewin/yene ngahinang kew kemon pangandaakan sin allahutaala duk rasul ne sartah ninggalan kew panglangan allahutaala duk rasul ne..

ine tungbas nen bng tahinang, duk ine tungbas nen bng katinggalan???

Bang makahinang iyehin in siye ne ien meh mag par untanganin ambn dunya labi bng si ellew akhirat siye ne inin tabantu bantu weh allahutaala si kuran ne mahamulliya

Parma allahu taala:

وَمَن يُطِعْ اللَّهَ وَرَسُولَهُ فَقَدْ فَازَ فَوْزاً عَظِيماً

{ wa man yatiillaha wa rasulahu faqad faza fawzan ajima }

Si sine sine mag taat si allahutaala duk rasul ne hati nen hinang de kemon pangandaakan si siye hin duk tinggalan de panglangan allah duk rasul nen in meh siye ih mag paruntungan ne siye sa hajje untung sinugataan weh allahutaala yene {surgah}..

Parman:

إِنَّ لِلْمُتَّقِينَ مَفَازًا

{ innal lil mutaqqina mafazah}

bennal2x magmamatalew si allahutaalah mag paruntungan ne siye si ellew ien,hati nen si ellew qiyamat.

sumguwah bang makatinggal iyehin,ine ente panugatah siyehin??dehellu ambn kasambungan te tilew inin payaman tebirew kuitu kahalan tenbi bangsa muslimin.kaekkahan ambn kitebi lepas ambn kitebi parkalah inin,duman pag peddian tebi atey sah subey ted binissara kasabennalanin,{tambalin bsan saingge bisa nen bang makatambal kauhin masi an inum nu supaya kew koleh demikiyyan bssa kasabennalanin peddian pakale te sah subey eddoh te pegge e makatambal saki ten}

pain rasul ten {saw}

قل الحق و لو كان مرا

qulil haqqa qalaw kana murran}

Bissahun kasabennalanin bisan saingge bisa nen..na dasah peddih si pamayam duk pamassa tebi.

kaekkahan ambn kitebi mangkin hajja nambahayang bng puwase pi si puwase,atawa haylaya pi si haylaya atawa jumaat pi si jumaat.kaekkahan isab ambn kitebi bng si lahat ne painnu nabi pag taabut ne gumuwah lahat sobra pe ambn si iblis laku2x tenbi.antag ne pagmatalew tenbi??

na subey ennah tebi dem akkal pikilan tebi bsan kew antag luneke si lahat nu atawa kan antag2x nekew lahat paniyah bulak allahutaala ru pangandiikan nun,nginum kew boheh allahutaala ru ininum nun,mangan kew kinakan allahutaala ru kinakan nun ubus mulala ne allahutaala pe mamapanjari kauhin sartah allahutaala pe mag antan kaellum duk kamatey nun.

ubus tekka dambuwah ambn kitebi mag gora atawa kan mag good2x gea magmatalew si allahutaala??gea nambahayang??gea muwase??nginum tubah??magshabu??mapatey aa ganah duse-duse ne??mag-zeena??na sambatan deru dakew mag gud2x niyah mas very good ambn kau.

subey kitebi leman tudju iye,in sabab nen sa laat2x ne pinayam bng kew inurungan kahapan ubus kalaatan pangagantih nu iyehin.

na ine tungbas nen banggey dehengan tebi kakahinang tebi inin??

na kitebi ulalih bang wea kitebi inulanan weh allahutaala??bang wey ngahalgah daganganin??nagsigpit kaelluman tenbi??bang wea gey buwah meh kakayuhan tenbi?? tantu-tantu nen ted tampal duk tarrang,

parman allahutaalahin dem kuranul kareem.

ومن أعرض عن ذكري فإن له معيشة ضنكا

{wa man ahrada an dzikriy fainna lahu maishatan dankah}
Hatinen Magkulang maglabi: si sine-sine paluwas amban pinturu ku tantu-tantu nen ted urungan kami iye kaelluman sigpit.

Magparman:

ولو أن أهل القرى آمنوا واتقوا لفتحنا عليهم بركات من السماء والأرض

{wa law annahum amanu wattaqaw lafatahna alaihim barakatin minassama-i wal ard}

ai bang be siye hajja mag paratsaya si aku duk magmatalew siye luka kami teed in barakat amban diyataan langit duk amban diyawaan gumi,

inulanan kitebi pinabuwah uwehne buwah kayu tenbi,labi nen pingabarakat weh allahutaala in kaelluman tenbi pinaluhaya uwehne.sah peggeh paguwah ne kitebi ambn pinturuh ne,gah ne kitebi nuhut pangandaakan ne ubus banggah tebi ne pamagesan nen,ine tungbas nen???lepas ne amban kitebi barakatin.

tantu-tantu ted bennal bissara allahu taalahin si waktu mag sabda.

ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ ...

{zaharal fasadu filbarri bima kasabat aydinnas}

Tantu2x nen teed tampal in kasiksaanin dyatah bulak dunya inin dumain du sababan sine duk sine sah amban kakahinang tangan tebiru,inin si dunya pe saingge ne enteh si akhirat??bennal nen tarrang dusab farman allahutaalahin asal gah dapat narkah polean tenbi..

Manjari ine hinang tenbi kuweitu??ine pasagaran tebine hajja sainin kahalan tenbi??

Tiyap-tiyap kasusehan duk puklasan ne, manjari ine puklasan nen kahalan tebi inin??dambuwah du.subey kitebi maglombah2x magtaubat tudju allahutaala mag istigfar.supaya kite bi makahasil karidaan amban allahutaala.

Parman Allahutaala si kuran ne mahamulliya.

فقلت أستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا

(faqultu isfiru rabbakum innahu kana gaffarah/yursilissamaa alaikum midrara/wa yumdidkum biamwalim wa banin waj allakum anhara/}}

mag istigfar kam painne si allahutaala{magtawbat kam}in bennal-bennal iye sangat mangangampun.supaya kam pinaturunan ulan uwehne ambn dyatah langit ne.duk pinaekka weh allahutaala in kaanakan bin, kaanakan mag-aagama} duk pinagtamba manamba pangaltah bin.duk hininangan kam weh ne kakabbunan pinagbuwah wehne kakayuhan bin, duk hininangan kam wehne subah duk niyah inum bi.

amban ien meh pongtinai halian tebine kakahinang tebi inin supaya tadawhat tebi in aseh duk lasa allahutaalahin si tyap tyap dambuwah ambn kitebi,supaya sanyang family tenbi,sanyang kahalan tenbi,labi labi nen sanyang paglahat tenbi.

puwas ambn ien ih ne peddih baha kun magtype mura sah pagbalikan.maku kamaapan si kaam kemon bng niyah tabissara q laat duk gah tumewwa dem sharah tebi metoohin ambn shaitan ian da eddoun bi duk bng niya isab lea tumewwa metoohin kasambahan ien duk ien tawfiq ambn allahutaalahin.maid neku si kaam kmon duk salam pagkilalehan tebi dunya labi bng ellew akhirat si lapal assalamu alaikum warahmatullahi taala wabarakatuhu..allahu ahlam..

Landu Kahantap duk kasannang dem panagateyan bang bassa nu pinahantap sarta hinati.

Mag post ayat duk hadis.si Arabic By: ADMIN.

Kasilasa si Kaam Ka Usbawarisan kami Maut Kaam si kasahayahan.

Nasihat si ka Ulamaan By: Ustadz Awal Family

2010-02-28T14:44:00.000-08:00

Paesseb si kemon Ka ulamaan Magpasaplag duk labi nen kemon Kite bi taga panghati!

kasanyangan duk kasilasa si kitebi kemon pongtinai taga panghati si agama islam,alhamdulilla hajje pagsarang sukul tebi si allahutaala tyah ne kmon tipun si lahat tebi taga panghatih,mabayah kew pakale ambn egypt iuh grduated ambn egypt pin,bayah kew pakale himumungan amban saudie iyuh kaulamaan te ambn saudihin,mabayh kew pakale suwi-suwi ambn libya iuh graduate ambn libyahin lemikiyyan ambn syria iuh meh kaulamaan te ambn syriahin,bang papi tesab si meh ranggo de si agama islam asal gah dapat,siye ne inin tabantu weh allahutaala si kuran ne mahamulliya.

Parman.

يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ وَاللَّهُ بِمَا تَعْمَلُونَ خَبِيرٌ

Hati nen: magkulang mag labi inangkat painne weh allahutaala yene meh siye magparatsaya amban kaam duk yene meh siye kaurungan,kaanugharaan weh allahutaala ilmuh {ulamah,tagapanghati}

Duk siye ne inin tabantu du isab weh allahutaala si farman ne:

إنما يخشى الله من عباده العلماء

Hati nen si sa haget2x teed duk sa mattan ne in katalew nen tudju allahutaala yene meh ipun ne tagapanghati,

duk siye ne inin tabantu weh rasulullah sallallahu alaihin wasallam.

العلماء ورثة الأنبياء

kaulamaanin gantih sin kanabihan..

Duk ekka pe kabtangan panghuh tebi mohammad {saw} pasal kahalgaan de inin.

Sumaguwah niyah pain waktu tewwah saki meh aa inin,,da kitebi ngimmat sawkatan ne taga.

Panghati weh gea ne siye tewwah saki,da kimmatan tebi sewkatan ne doctorin magtatambal atawa kan lai ne si iye burega tambalin weh gea iye magkasaki nyah waktu bng saki magtatambalin hunit2x tnambalan,demikiyyan meh kaulamaan inin nyah waktu ne tewwa saki du isab si gah tasayu ne.mula-mula makatewwah siye inin:

1.pagtakabbur/in pag-takabburin gea an tasayu nun si ginhawa baran nu apabila kew tewwah sumaguwah takite weh kemon mahajjanah.

.bu adapun liyang ambn meh aa taga panghati gea tewwah weh saki inin,wea ine upama nen?? urungan tekam upama si kahalan tebi kuitu in inen.lea si lahat tebi basilan tekka ambn saudiehin kami matumawwain subey kami panuhutan bin bng meh libya,egypt,syria hap kami ambn siye,bng siye ru ganah an tasabut de,magpasaplag siye an kabid-a bida-han moo kaam siye meg shirik tujju allahutaala,gey tumewwa pagpalengngan de iyan,akahan biku duman dambuwah ambn pagpalangkew tebi di tebi??bu adapun guru malaihin muslim du,guru si dankepakin muslim du,hadith du inajjianin duk kuran salih-salih,sah depende hajja ambn si pagfaham duk pagpalengngan.na bng kitebi balik magdem kuranul karim bu payaman tebi bng ine sababan puun pinaluwas si iblis ambn aseh sin allahutaala ganah ted pag biddaan ne duk bissara tebi inin

القول في تأويل قوله تعالى : ( قال يا إبليس ما منعك أن تسجد لما خلقت بيدي

أستكبرت أم كنت من العالين: قال أنا خير منه خلقتني من نار وخلقته من طين

Hati nen hap ku painne amban iye tanda nen papanjari nuku ambn ebbut ubus papanjari nu iye amban bulak {adam alaihissalam},na ine tungbas nen sabab dakabtang inin du??

pinaglahnatan weh allahutaala sartah pinaluwas ambn rahmat duk aseh ne.piye hajja ambn meh kaulamaan tabiyah makabissara duk bissara inin?? subey indanan tebi si iblis labi panghati nen ambn kitebi,gah kite kapagsambung lawung duk allahutaala,si iblis uh lu dem kuranul kuranul kareem bassa tebi salung kohap kapagsambung laung duk allahutaal,gah kite tebi surgain,si iblis takite wehne duk sartah umasek pe dem surgah,gah kitebi narkain si iblis katauhan weh ne suwi2x duk ajab sin narkha jahannamin,sah tilewin nan si inin,

weey iye ilahnat weh allahutaala????

dambuwah ru sambung nen sababan takabbur ne gah iye pasujud pu adam alaihissalam,na bang ilahnat weh allahutaala in labi pe taga panghati ambn kitehin bi,sine kitebi inin gea ilahnat??dambuwah ru kitebi ambn perek2x manusiyah sambatan bahasahin du,makaajjih kew 4 tahun,10 tahun,20 tahun gea an kapagtakabbur nu.

2.Bissara gah kabebbegan weh hinang/ parman allahutaala si qur-an mahamulliya

ياأيها الذين آمَنُواْ لِمَ تَقُولُونَ مَا لاَ تَفْعَلُونَ

Oh!!! kaam manusiya mag-paparatsaya wey bissara bi manggea hininang bin,

Upama nen mag pain kitebi si manusiya subey kitebi gey ngalimut,paglimut kau ne nakura meglilimutin,magpain kew si manusiyah dakam mag zeena pagsakali takite nu makabetteng si labeyan zeena,magpain kew da kam ngajikkih pagsakali iye ne panuhutan mangajingkihin,magpain kew subey kitebi mag sambahayang jamaa pagsakali uh kew nambahayang si lumah, daak nu magturung mahajjanain pagsakali anak anda nun uh luh magballay gey bsan pages nu, antag ne bissara tenbi,antag ne??? na bang umabut ne naan si inin kahalan ulamain.

[Tagapangahatihin] tewwa ne weh parman sin allahutaala

كَبُرَ مَقْتًا عِنْدَ اللهِ أَنْ تَقُولُوا مَا لا تَفْعَلُونَ

sah hadje2x ne duse si allahutaala bang kew missara bu gea hinang nu bissara nu miyaan..

أَتَأْمُرُونَ النَّاسَ بِالْبِرِّ وَتَنْسَوْنَ أَنْفُسَكُمْ وَأَنْتُمْ تَتْلُونَ الْكِتَابَ أَفَلا تَعْقِلُونَ.

Ine toan bike manusiyain ngahinang kahapan ubus takaypat ginhawa baran bin bu kaam mas labi makahatihin,ine gah ke niyah akkal bi???

Dambuwah ambn upama sin alim noan saweh ne bu takaypat ne ginhawa baran ne koh sapantun lansuk tiniyewan uwehne saweh nen pagsakali ngeggas dine, lemikkiyan koh sapantun Aa ngadekdakan bajjuh saweh ne pagsakali ih hatih bajjuh nen luuran.

Kabtangan (Sa-er)

قول الشاعر: لا تنهى عن خلق وتأتي مثله ** عار عليك إذا فعلت عظيم

(la tanha an khulukin wa tahtiya mithlahu* a'ru alaiak idza faalta azeemu)

Dakew meges amban meh pangaddatan gea hap pagsakali ih du hatih tahinang nu,in bennal bennal nen ted makaiyah iyah si kau..

Duk ekka pe meh saki makatewwah sin meh kaulamaan tebi inin sumaguwah gea tasabbut tebi nan si inin,tahah tahah ahat2x bng sinabbut.ambn sababan ien boo kuted kemon kapngtinaihan ku taga panghatihin magpatalibun ambn meh kasakihan inin..bng du kitebi pain hinidayatan weh allahutaala pakaniya-kaniya hap lan bentel.bng nyah gah magtawwah si meh bissara ku iyan metoohin patawwaun bisah bng tandah kakulang ien si panghati ku..maku ku kamaapan si kaam kemon..allahumma tahhir qulubuna..ameen ya rabbal alameen..wa akhiru dahwana anil hamdulillahi rabbil alameen..wassalam...

Nasihat By: Ustadz Awal Family.

Post ku sadja Ayat duk hadis duk Kabtangan c Arabic. By:Admin.

Landu kahantap duk katanam pinakale barakallahu pik ya Sheikuna.

Sinna Kami si Yakan,,By Archt,Sir,Asiddin Arabain

2010-02-18T15:25:00.000-08:00

Tiyah post ku Balik Bissa Sir Eng'r Assiddin inin patut teed subey bassa anak Yakan duk subey binebbegan, pasal landuh kahap duk bennal kemon ise bissa ne tu... ekka ta eddoh tebi tuu pamintangan bang study han tebi mahap....

Bennal nen ekka Bangsa te Yakan victim, mapalabey ley, langgangan duk lekkakan bayah maka position hap, si lahat te Basilan sah gah pamaruhul, peggeh missed leadership meh nakurah ten, mag tagnah ne amban Sir Gerry, duk kemon ne yakan dem Basilan niyah kapatut ne mag nakurah, sampay baran kune lamod, pasal labi ku sampoh tahun nuhut2 siye.puwas inambanan du kami si ire..

Hangkan Bassa hun bi mahap...
Comment by Archt. ASIDDIN K. ARABAIN, uap on December 26, 2009 at 12:07am

Assalamu Alaikum.........
I agree with the idea of Bro. Ibs.......1000 % the identity of the Yakan will never fade and change by any other tribes, it will be always a YAKAN.

Bro. Aliazar, the one that you asked us to be united among the people of Tausug is that only for you there in Jolo and sorry to say that. The Yakan People of Basilan never been considered themselves as a Tausug ever since the history of Basilan.

Now, you are telling us to come again with your ideas to unite us, its impossible again since we already experienced what MNLF did to us. We praised the leadership of the Tausug during the MNLF - Misuari Era, but he failed. Why, because the Tausug people is very selfish......in terms of position Tausug never recognized the Yakan Constituents.....and Why??? The Tausug is always after the Yakan, even in Basilan they are trying to manipulate everythings in their capacity. Look at it, Basilan is for a Yakan and majority of the people is Yakan, but what the Tausug did during Misuari, never been appointed a Yakan Chairmanship in Basilan and most of the Chairman is Tausug in the MNLF. Now again, you are here to convince us...

Sangbatan si Ibs, mag TNT neku hadja si Basilan and you said Bangsa Sug it will not accept to us......Kuweh dusab pain nu uweh ganah panghati kami.......Sug duk Tasug is sali sali du...., Sug is the place and Tausug is the people of Lupah Sug. What about Lupah Basilan do you think we will accept as Sug? No... We are Yakan and can never been as Sug nor Tausug.......Sorry to say, we have our own Identity as a Yakan of Basilan and we are proud of it....

I just want to share with you our experienced with regards to tausug in terms of position in the Province of Basilan. Misuari and other Tausug Leader never gave a chance the yakan to handle nor to hold a higher position after Tausug in our place. Ex-Congressman Gerry Salapuddin never been appointed by Misuari as a Chairman of MNLF in Basilan but rather appointed all Tausug Commander. Luu si iyan there is something indiscrimination among us.

As what we heared from Tausug Brothers that the Yakan is Tausug, sibu da san laung nila in Yakan, Tausug da........my brother, am not arguing you but to share our experienced towards your tribes how they treat us. But I hope, this will serve as the mirror of the Tausug towards us.

When Marcos offered a good position to MNLF commanders the Tausug left the Yakan in the hills and took advantages and grab what the government offered to them until such time Gerry Salappuddin surrendered cos uway tagaran hat punglu in dihil ha Yakan. Amu ini in kita namu ha mga taymanghud namu ha Tausug. In Tausug maka paghula ha Lupah Basilan, no problem for us for as long as they love us, but look if Yakan will live in Lupah Sug and Magnakura duun do you think will Tausug accept it? No....

Brod, daakew pain usah dam pangateyan nun si kami Yakan, tabissara hadja uweh ku/kami in bissara ituh sabab iye iyan takite takale duk kellat mata kamihin si tenged tebi magpuntinai. Adapun in si Yakan is para si Yakan and for the Tausug is for Tausug, but the problem is, for the Yakan is also for Tausug, amu iyan in mahunit Bro.

Now, if you want us to be united, think in different way wherein we accept both parties sangbatan sin bahasa tagalog "WALANG LAMANGAN PANTAY-PANTAY" and in this case maybe we will accept your offer.

The Yakan of Yesterday is different from the Yakan of Today!!!

MAG SUKUL SIR ASIDDIN, PAGUWAH TEED KABAHANIHAN NUN NAAN,,,SALUDO KU SIR....

SALAM SI KAAM KEMON.

Comment by Archt. ASIDDIN K. ARABAIN, uap on December 26, 2009 at 12:07am

Assalamu Alaikum.........
I agree with the idea of Bro. Ibs.......1000 % the identity of the Yakan will never fade and change by any other tribes, it will be always a YAKAN.

Bro. Aliazar, the one that you asked us to be united among the people of Tausug is that only for you there in Jolo and sorry to say that. The Yakan People of Basilan never been considered themselves as a Tausug ever since the history of Basilan.

Now, you are telling us to come again with your ideas to unite us, its impossible again since we already experienced what MNLF did to us. We praised the leadership of the Tausug during the MNLF - Misuari Era, but he failed. Why, because the Tausug people is very selfish......in terms of position Tausug never recognized the Yakan Constituents.....and Why??? The Tausug is always after the Yakan, even in Basilan they are trying to manipulate everythings in their capacity. Look at it, Basilan is for a Yakan and majority of the people is Yakan, but what the Tausug did during Misuari, never been appointed a Yakan Chairmanship in Basilan and most of the Chairman is Tausug in the MNLF. Now again, you are here to convince us...

Sangbatan si Ibs, mag TNT neku hadja si Basilan and you said Bangsa Sug it will not accept to us......Kuweh dusab pain nu uweh ganah panghati kami.......Sug duk Tasug is sali sali du...., Sug is the place and Tausug is the people of Lupah Sug. What about Lupah Basilan do you think we will accept as Sug? No... We are Yakan and can never been as Sug nor Tausug.......Sorry to say, we have our own Identity as a Yakan of Basilan and we are proud of it....

I just want to share with you our experienced with regards to tausug in terms of position in the Province of Basilan. Misuari and other Tausug Leader never gave a chance the yakan to handle nor to hold a higher position after Tausug in our place. Ex-Congressman Gerry Salapuddin never been appointed by Misuari as a Chairman of MNLF in Basilan but rather appointed all Tausug Commander. Luu si iyan there is something indiscrimination among us.

As what we heared from Tausug Brothers that the Yakan is Tausug, sibu da san laung nila in Yakan, Tausug da........my brother, am not arguing you but to share our experienced towards your tribes how they treat us. But I hope, this will serve as the mirror of the Tausug towards us.

When Marcos offered a good position to MNLF commanders the Tausug left the Yakan in the hills and took advantages and grab what the government offered to them until such time Gerry Salappuddin surrendered cos uway tagaran hat punglu in dihil ha Yakan. Amu ini in kita namu ha mga taymanghud namu ha Tausug. In Tausug maka paghula ha Lupah Basilan, no problem for us for as long as they love us, but look if Yakan will live in Lupah Sug and Magnakura duun do you think will Tausug accept it? No....

Brod, daakew pain usah dam pangateyan nun si kami Yakan, tabissara hadja uweh ku/kami in bissara ituh sabab iye iyan takite takale duk kellat mata kamihin si tenged tebi magpuntinai. Adapun in si Yakan is para si Yakan and for the Tausug is for Tausug, but the problem is, for the Yakan is also for Tausug, amu iyan in mahunit Bro.

Now, if you want us to be united, think in different way wherein we accept both parties sangbatan sin bahasa tagalog "WALANG LAMANGAN PANTAY-PANTAY" and in this case maybe we will accept your offer.

The Yakan of Yesterday is different from the Yakan of Today!!!

Sambahayang Pinandak,By:Ustadz Awal Ali Ajhanti.

2010-02-15T17:10:00.000-08:00

Sambahayang Qasar, (Pinandak)

Ingat tebi sambahayang Qasar rin ,,, hukuman nen si sarah Agama Islam, Sunnat Muakkad, bang si majhab Malikiya, duk jaij, makajari bang si majhab Shapaiya, duk Hanabili, kina aseh an siye weh Tuhan.

Bune sambahayang Qasr rin iye ne sambahayang pag pamura duk pag paluhaya si meh aa mag tulak-tulak, atawa mag biyahi amban dambuwah lugal pi si seddi lugal, pangurung weh Tuhan si siye pag pamura, supaya siye gai kasigpitasn duk supaya siye gai maka-tinggal sambahayang, hangkan subey isab tinaymah duk hininang weh sine – sine urungan kamurahan weh ne iye ne meh siye mag tutulak.. pain Tuhan te Rabbul Alamin, si Qur’an ne maha mulliya,

قال تعالى: و إذا ضربتم في الأرض فليس عليكم جناح أن تقصروا من الصلاة) سورة النساء

Hatinen: Apabila kaam mag lunsul-lunsul mag tulak-tulak diyatah bulak (labi bang lengngan pasal bonoh si kasabennalan), ganah sah ne duk ganah laat ne si kaam bisan pandak bi yeh sambahayangin…

Bune ye makajari pinandakin iye ne kemon sambahayang ampat rakaat, luhul, asal, duk aisah, bune bang magrib duk subuh , gah tasabbut diyalem kitab weh kajari pinadak, pasal hatu peggeh lampong du,….malaingkan magribin makajari pinatampo si sambahayang Aisah…

Bune bang talahan nen si Sarah Agama Isalam meke jinari mag qasarin, pain meh ulamah in, bang kew mag tulak-tulak gan taan nen walumpuk pitu (87) usuk bato, (Kilo meters) makajari ne kew mag Qasar.

Sine-sine mag niyat palengngan, sartah mag niyat iye si sambahayang qasar, makajari pag tampu ne sambahayang nen, sambahayang juhur duk asal, duk magrib duk aisah….jamah takdim, atawa kan jamah tahkhir,,,

Duk kahabah duwe rakkat, subey niyah salam ne, duk kamat ne balik.

*Bang paguwah iye amban lumah upama bugah pe luhul, subey ne iye ngagad sambahayang asal . meke ne iye nambahayang luhul duk asal, inalenan sambahayang tahkhir…

•Bang paguwah iye amban lumah bu paasek ne waktu luhulin, inalenan iye sambayang takdeem.

•Bune bang patulak iye dehellu amban paseddep mata ellew, nambahayang iye magrib duk aisah, iye ne sambahayang tahkhir.

•Bune bang paguwah iye amban lumah paasek ne waktu magribin, pag tuhut ne sambahayang nen, aisah duk magrib, inalenan sambahayang takdeem.

Ingat te bi ru isab, bune sambahayang magribin, subey gai pinandak, subey du tellu rakaat, ye du pinandakin luhul, asal duk aisah…

Bune isab pasal edda nen atawa teggelan nen, niyah siduwe mag pain tellu ellew, duk tellunsangem, niyah isab mag pain teggelan nu si tulakan, sampay puwas hajat nun, sartah tabalik ne kew hap lugal nu balik…

Ye iyan taman kinatauhan kun, bang niyah gah tumawwah pag sahawihan sah, asal iyan ekka discussion pasal sambahayang qasar…

Sam si kaam kemon duk daubag kasi lasa si antarah kite bi meh anak Yakan mag kasi lasa dunya duk akhirat.

Wassalamu alaikum jamian…

Pasal Adab Jamban..by:ustadz Awal Ali Ajhanti.

2010-02-11T11:32:00.000-08:00

Salam , sambag si tilew inin, supaya mag paidda si kemon readers..

Bismillahir Rahmanir Rahim

Salassayan Pasal pangaddatan waktu nuney sukal iye ne (Mangeh duk Tayih)

Ma nuney sukalin iye ne mangeh duk tayih, niyah pangaddatan sinunnat weh Agama te Islam, salih du nuney hajat diyalem kasilyan atawa si seddi lugal.

Pangandaakan weh sarah islam subey tiyap-tiyap muslim paliharah ne duk tuhut ne supaya baran nen, duk nyawa nen, duk semmek nen lissin, tabilang labeyan amban sabab iyan tinaymah kemon ammal ibadat nen, bune meh pangaddatan waktu mangeh duk sunngeh, ekka, iye yene meh inin;

1. Subey tala amban kaekkahan aa, supayan ganah maka kite iye, duk subey iye mag cover, duk subey ganah makakale baliyo ye mapaguwah amban lawang ne ley.

2. Subey kew mag patalibun amban shaitan, kuweh ne massa kew ye duwaa tasaboot si Hadith.

( اللهم إني أعوذك من الخبث و الخبائث )

Hatinen: O,, Tuhan ku palappasun ku amban abih-abih meh shaitan lellah duk amban sassat meh shaitan dende.

Ingat tebi shaitanin, basag sassat nen bisan diyalem kasilyas…bang patekka, iyuh du si baran manusiyah, iye ne kemon anggawtah baran ne….bang kew taeddoh sassat shaitan, tantu mag duse ne hadja kew..hangkan subey nag patalibun amban sassat shaitan.

3. Bang kew paasek diyalem kasilayas, subey dehellu patekang nu bettis kanawan nun amban

Bibang.

4. Subey ganah boo nu diyalem kasilyas meh sulat tege alen Tuhan, malaingkan bang tinalew

kew, kalu lepas duk ganah pangambanan nu iye, kapangandilan nu, bang kew dem city.

5. Gai makajari Missa atawa nabbut alen Tuhan, bisan nambag salam panaggahan weh sarah Islam

6. Subey massa bang ubus ne nuney hajat ne. iye tasabbut si Hadith;

( الحمد لله الذي أذهب عني الأذى و عافني)

Hatinen: Pudji duk sampurnah sukul si Allahutaala iye mangaan saki (amban diyalem betteng kun) duk iye mamallappas aku hin (amban sassat shaitan)

Ingat te bi ru isab, bune tayih duk mangeh diyalem betteng nun, niyah limit ne si diyalem betteng manusiyah, bang ekka ne duk teggel ne, tabilang ne iye saki….

Niyah aa gai tapasungih, inellet, duk niyah aa gai tapamangeh , hangkan subey mag sukul si Tuhan iye mamaguwah meh nadjis ley. Bang tabassa nu duwaa iyan, nah tabilang pe ibadat duk mag pahalah si kau.

7. Duk subey gai nuney hajat diyawah landong duk tapit si lalan landes.

8. Taggahan mamangeh diyalem boheh pag pandihan, bang buheh dumain nelloy.

9. Panaggahan du isab ye mamangeh maninngehin.

10. pahallih amban pisik mangeh si semmek, duk gai taboo nambahayang.

11. Duk subey gai paharap duk naykutan kiblah…

Hatinen : meh tasabbut iyan pangaddatan waktu mangeh duk sungih, sartah sinunnat weh Agama te Islam, kemon iyan niya dalil ne hadith…bang tahinang nu duk kabebbgan nu niyah pahalah nu, bang si bahasa English (Manner of Comfort Room), ingat te bi dumain hadja gai kajari hin mag bissa bang wakto jamban, sah ekka pe saweh ne ye meh tasabbot iyan.

Bang pain niyah tapa idda tebi si pangadjian inin dunya duk akhirat..

Kasi duk lasa dangebo karut si kaam kemon.

Wassalmo alaikum.

Salassayan.Fatiha,

2010-01-07T15:27:00.000-08:00

01بِسْمِ اللَّهِ الرَّحْمَنِ الرَّحِيمِ:

01-Tagnaan ku in kemon lapal kabatangan duk hilalaungan ku, lapey ne in ammal ibadat ku si alen allahutaalla, malasa si kemon pinapanjari duk labi makasi maase si meh ipun ne.

Pasal pagbassa sin ayat amban meh ka ayat ayatan dem qur-an, subey tinagnaan duk bismillahirrahmanirrahim, puwas billai si parihalan pag bassa sin (bismillahirrahmanirrahim) si diyalem sambahayang magparrak in meh ampat mujahab si tellu kawul 1-bang pusi imam malik gah ne ilamud weh ne amban surah alfatiha

2-bang si imam safie lamud amban ayat fatiha, 3- si meh sinduwe imam pinalamud wehde si tiyap tiyap surah.

Si parihalan tenged pagpatanug duk gey pagpatanug sin bismillah si diyalem sambahayang si tellu waktu kuweh ne 1- waktu magrib 2-waktu esah 3-waktu subuh, nah makajari ru iye binassa pinatanug duk gey pinatanug,duk gey binassa,

Gey kite bi makajari ngabahtal, ngandah dah atawa kan gey nuhut si pamaham de duk pikilan ineddo weh de amban meh purna ulama atawa kan imam sin tiyap tiyap ummat islam amban ampat mujahab.
Si parihalan pag inum makan, lapey ne si pag asek badju pag-asek tawumpa duk si ine ine ne tibayhuan kawul piil duk umbang payaw te nah subey iye tinagnaan sin (bismillah) hasupya makahasil barakat amban allahutaalla,

Si tenged pag-ayir atawa kan pag wuduh, mamarahi ne massa sadja sin kalima (bissmillah) si gey ne binassa kemon in bissmillah hirrahmanirrahim,

02 الْحَمْدُ لِلَّهِ رَبِّ الْعَالَمِينَ:

02- in fatiha, inalenan duk binansagan iye inah sin kitab atawan kan inah sin qur-an, bat sabab iyene iyan in panagnaan sinulat si qur-an duk sarta wajib binassa si tiyap tiyap rakaat si diyalem sambahayang, sarta in iye pitu ayat, duk gey tinayma in sambahayang si gey tabassa luu si diyalem ne in suratul al-fatiha, pain meh mananapseer in fatiha minduwe iye pinaturun weh allahutaallah, mintedde si makka duk mintedde si madinah.

(In sampurna pupunjihan duk sasanglitan teppet si mahasutci allah, tuhan tag amulahi si kemon alam.)

in kalima alhamdulilla magmahna iye panginduwa duk pagsukur tunggal si allahutaala,

In tiyap tiyap pakaradjaan tekka si bangsa manusia sibuh du haggut pasuh, rizziki hekka neke atawa kan kulang niya duk gah, subey pinadeket si bigi jantung duk si pikilan sarta ilagtik weh della ekhlas amban pangateyan in kalimah (ALHAMDULLLAH) tanda paglillah si allahutaalla.

In kalima (alhamdulillah) iyene sa hap hap lapal kabtangan ilagtik weh della supaya tahinang sabab kahasil te karidaan sin allahutaallah, sarta iyene lapal parsababan pangalasa kau sin mahasutsi allah,

Hingga dem pekew parasahan atawa kan si kasigpitan, samantara luu pe si kau in kaellum nun, subey daran in pagsabbut sin kalimah alhamdulillah, dumain ne sadja kitebi magsukur bang kitebi katekkahan arta salaksa, atawa kan pagnakura, luu neke magkamali kaam, kulang, hekka, duk gah, subey du kaam magsukur, tanda paglilla bi,si dalil sin gah niya ne saddi magbayah tunggal in allah,

Subey hati te bi pahap,gey tebi teed taikapat weh allahutaalla,hatatkala daran pangesseb tebi si iye duk pagsabbut atawan pagjikir pagtasbih sin kalimah alhamdulilla.

(Allahu ahlam bissawab)

allahutaalla in labi makahati sinkasampurnaan ne

03الرَّحْمَنِ:

03- (malasa maase) makasi si ipun moslim kapil duk kemon ne tapapanjari si babew dunya, gah niya pininig, pinakakan ginastauhan, pinapanjari in rizki weh allahutaalla si babew dunya para si ipun, magdul bayah kaam nginum mangan, adapun rahmat allahutaalla dambuwa du pinaduwaihnen si babew dunya kagastuhan kemon moslim kapil magduhul bayah kaam nginum mangan si gey magka ubus.

-03الرَّحِيم:

03-(maase)Nah bang taabut si ellew dambuli pineneh weh allahutaalla,yeru kinalasahanen muhmeen, nah kapil hap narka jahanam gey ne magsali kuweh si dunya hin, muhmeen hap surga, pagtekka si surgah si siyampuh duk siyam rahmat ne hekka rizki si ellew dambuli, sumagawa kulang mangan sabab siyampuh duk siyam rahamt ne, si dunya dambuwa du si dunyahin makakan ne kaam kemon ine ine kabayaan bi kinakan, sainge ne bang si ellew damabuli siyampuh duk siyam rahamat tuhan,

pinaku ru si kaamin dinaak kaam pasujud nambahayang duk nuhut sarah qur-an duk hadis nabi mohammad sallallahu alaihi wasallam, sumagawa kahekkahan amban kaam pinahadje bin sarah magkapinadahin, buwat adapun sarah allahutaalla yene qur-an gey magkapinda gey ngalaung kaam gamman nunyukan kaam pikilan hap, duk nuran kaam hap surga si gah niya pagbista.

04مَالِكِ يَوْمِ الدِّينِ

04-(Allahutaalla magbayah si ellew qiyamah duk tagdapuh ellew qiyamah) duk magnakaura si ellew qiyamah, nah pungtinae ku si agama islam tiyap tiyap kaam pinagnakuraan subey kaam nuhut sarah duk pinturu, gah niya saddi labeyan subey hininang malaingkan ammal ibadat sambahayang pasal gey ne kaam kapasuwey, dakaam bimbang duk suse amban pagdayah si dumain halal duk da kaam bimbang si pagnakura, pag tekka in waktu nambahayang kaam iyan du makatabangin pag taabut kaam si ellew pinag nakuraan,

hatihun bi pahap niya ellew pagtilew pagtammat si kemon ipun tinelew ne kaam, sine ne painne magnakura si ellew inin, nah allahutaalla magbayah duk magnakura in, nah sainge sah paharap bi si tuhan bang gah niya ammal ibadat bi, gey ne magguna pagdayahin, duk pagnakura bin, magsusunne magsusunin, magtangis ne bang magtangisin, ngasang ne bang mangasangin, ngillahap ne bang mangillahapin, weey be paine gah ku kapag ammal ibadat, nah gey ne magmumpaat si kaam susunin sangsah kaam tinepparan senessekan hap narka jahannam,

kabtangan si omar kinalasahan weh allahutaala sahabat rasullulla sallallahu alaihi wasallam, bistahun bi dehellu baran bin si gey pe tekka ellew pagbista, duk timbangun bi baran bin si gey pe tekka ellew pagtimbang gey ne kaam tumapuk magtapukan kuwe si dunyahin, paguwa ne kemon kagilahan bin, kemon kudjil kahibal bin si dunyahin dem listahan, luu ne mangandupangin, luu ne manangkewin, luu ne magmahsiyatin, luu ne makuriputin, luu ne duwal manampakin luu ne maputinganin luu ne mag-usaha mag-anak sinin, luu ne mamapateyin, kaam du mamasa kitab bin si ellew pagtammat.

Nah in mohmeen magkegkeg ne palaksuh ne bang mapalaksuhin hawa kegden, manjari nilew ne meh tanarkain si tasurgah in, pain tanarkah in sainge paasek bi surga iyan, sambung tasurga in pain de 1-bang kami jinuri atawa kan sinigaan atawa kan pinakitalew pagsabar kami, 2-duk bang kami pinakaatan atawa kan jinuri in kami magpahap hap si siye, 3-duk bang kami pamakuhan tabang arta niya sigpit kaelluman de tabang kami, kinawugtu neke pakan kami, atawa kan katekkahan kasusehan gey pasagran kami, duk gey kuriputan kami, nah magsusun ne meh dayahanin duk magnakurah gey ma adilin sambil siye sinessekan tudju narka jahannam.

-05إِيَّاكَ نَعْبُدُ وَإِيَّاكَ نَسْتَعِينُ:

05- (Gah niya saddi pasujuran kami, duk gah niya saddi pamakuhan kami tabang tunggal kau) nah pungtinae ku si agama islam nah bang kaam mabayah maku pagdayah, duk pagnakura labi labi nen ilmu tuhan, paharap kaam maku si allahutaalla, tuhan mag-urungin duk managgain, kahekkahan amban kaam maku tabang si meh kajinjinan duk shaitan magkillahapan magbahasa maku tabang, atawa kan palengan magpapayam bulan duk ellew duk oras sampay minit gey ne kalumengananin, pasal ngagad bulan duk ellew ne duk magpaliggit ko bahasa pawas si sin hasupaya nguntung, nahas ko painne, iyan amban kakahinang sirik sakutu si allahutaalla haram haram,

subey kaam ngandel si tuhan magbayah si kemon tapapanjari duk magsarahakan, niya qur-an ngakahan kaam, duk hadis nabi mohammad sallallahu alaihi wasallam, hatihun bi pahap asal kaam dem undang undang allahutaalla bang tasulat si kaam subey magjatu gah dapat, sumagawa duwaa si allahutaalla makasagang iyehin duk makasapaat iyehin, andang isab niya janji tuhan si kaam bang kaam nganduwa maku tinaymah, kahekkahan amban kaam lisuh nilew si ka guruhan dakaam palisuh luu in ilmuh tuhanin duk hadis mohammad sallallahu alaihi wasallam, siye maka pahamin nelew kaam.

06اهْدِنَا الصِّرَاطَ الْمُسْتَقِيمَ:

06-(Hidayatanun kami si lan bentel) nah pungtinae ku si agama islam in hidayat kalagihan pinaku si allahutaalla sababan maka sannang kaam duk sababan maka hap pikilan duk sababan mabaya kaam ngahati ilmu agama islam, duk sababan nunyukan kaam pikilan sannang amban kemon hinang makahap kaam si anak anda bi, si pungtinae bi, si matattoe bi, duk makahap pag-usaha bi duk si usba waris bi duk si pagnakura bi si kawman bi lagi luba maut kaam hap surga.

Maana hidayat (iman,) noan kaam si lan bentel pikilan hap duk pagpabasag pamaratsaya si tuhan, bang mikit ne si kaam in hidayat gey ne kaam tagengo ngengo weh meh bangsa satru, duk meh arta dumain halal si kaam, in arta allahutaalla banes subey dinaak kaam weh allahutaalla miha arta usaha gah niya siggul sagga ne minsan kuweh diki dikian tapung, hidayat hatihun nuran kaam hap surga,

Bang manusiya duwal si panensongan minsan dumain si iye eddoh ne, magdapuh, ngungkal, nigah, ngagew, pegge iye bahasa labung pamilya nen, atawa kan bahani atawa kan hekka sinapang ne, gey katikbih tikbian nampak, makitalew duk sadjata ne, nah sipat gah pe kahidayatan, makaase, makaluuy, sumuh duk sumuddeh gey ru tapaglagi ne gamman nuran iye hap narka jahannam, kaam kahidayatanin dumain isab gamman sinuknaan sabab pungtinae bi ih, subey isab daran pinakuhan si tuhan bang man siye hinidayatan weh allahutaalla, teggel samet nen,

7 صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ:

07- (kuweh meh siye kahidayatannu meh kanabi nabihan,mohmeen sampurna duk meh siye mabasag mag-ammal ibadat ley) duk pa saddihun kami isab amban kasuknaan weh nu meh bangsa yahudi duk kapil, bangsa kapil duk yahudi kasuknaan ne siye laung ubus ilaung pe weh de baran den tahati re niya agama islam, sumagawa gey siye mabayah ngahati pegge bang siye ngahati agama islam leppas pain de agama ren.

pungtinae ku si agama islam anak bi atawa kan puntinae bi sali bi,bang kaam kasulutan si julbahasa si yakan iyan tawfix amban allahutaalla,bang niya gah katawwaan bi pagmaana ku maaf duk maku ku ampun si allahutaalla,sali bi bang niya malih ne sahawihun bi sah duk magsulat sah kaam,(usba92@yahoo.com

Hadis pasal Hijra,By Ustadz Ibnu Burah

2010-01-07T14:58:00.000-08:00

Hadis:

1- عن عائِشةَ رضيَ اللهُ عنها ، قَالَتْ : قَالَ النبي - صلى الله عليه وسلم - : (( لا هِجْرَةَ بَعْدَ الفَتْحِ ، وَلَكِنْ جِهَادٌ وَنِيَّةٌ ، وَإِذَا اسْتُنْفِرْتُمْ فانْفِرُوا )) مُتَّفَقٌ عَلَيْهِ .
1. Amban Aisha kinaridaan iye we Allah, magpain: mapain Nabihin Sallallahu Alayhi Wa Sallam: (( Ga ne niya bakuwit puwas amban pangandaag, sumagawa Jihad duk niyat hadja, duk apabila kaam pinatahala na patahalaun bi du isab)).

Tapangadji amban hadis ley:
1. Puwas amban Fathu Makkah gey ne tabilang Hijra bang niya tahala amban Makkah.
2. Jinari du isab kew miha lahat saddi, apabila gey hap palantaman pag-ibadat nun si lahat paluuhan nu iyan.
3. Mas labi afdal atuhan nu aah mangungkaw lahat nun atawa kan magboo kasabulan dem lahat nun.

Oh, kaam me kaguruhan, magtabang kitebi mabentel bahasa Iyakan ne supaya tadawhat te bi maksud Kabtangan Rasulullahin Sallallahu alaihi wa sallam.

Magsukur si kaam

Bulan Asura Pagpuwase 9-10

2009-12-30T14:05:00.000-08:00

وعَنْ أَبِي قَتَادَةَ رضي الله عنه ، قَالَ رَسُولُ اللَّهِ صلى الله عليه وسلم : صِيَامُ يَوْمِ عَاشُورَاءَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ. ( صحيح مسلم، 1162(196) ).

Amban abi katadah kinaridaan weh allahutaalla magsabda rasululla sallallahu alaihi wasallam ellew asura makapuwase binista weh allahutaalla papas kemon duse nu si dan tahun palabey.

Kabtangan Imam hanapi.in pagpuwae si bulan muharram ellew asura siyam, sampu, duwe ellew miyaan sunnat subey teed jinagahan si kemon moslim pagpuwase si ellew ASURA sabab sunnat iye hajje kalabbiyan nen amban mustahabba.

عَنْ أَبِي هُرَيْرَةَ رضي الله عنه ، قَالَ: قَالَ رَسُولُ اللَّهِ صلى الله عليه وسلم : أَفْضَلُ الصِّيَامِ، بَعْدَ رَمَضَانَ، شَهْرُ اللَّهِ الْمُحَرَّمُ. وَأَفْضَلُ الصََّلاةِ، بَعْدَ الْفَرِيضَةِ، صََلاةُ اللَّيْلِ. ( صحيح مسلم، 1163(202))

Amban abi Huraira kinaridaan weh allahutaalla magkabtangan,Magsabda rasululla sallallahu alaihi wasallam sa hap hap puwase puwas bulan Ramadan bulan Muharram (ASURA) duk sahap hap sambahayang puwas lime waktu.sambahayang puwas tenga bahangi (TAHAJJUD)

Pasal Usaha 5-6 by:Ustadz Ali Awal Ajanti

2009-12-28T01:38:00.000-08:00

Assalamu Alikum warahmatullahi Wabakatuhu,

Bayah ku ngurung pangadjian pasal tilew nu inin, teggel ne bu ganah nambag ne meh guru si site inin, hatu siye busy atawa bahu mag research, si akuhin duk sah tambahan de inin;

Bintel nen duk pandak nen; 5-6 pinain nu iyan Harammmmm,
duk gai makajari hinang dambuwah muslim salih mag ibadat tudju Tuhan, iey mag urung ridjikih halal si iye hin.

Iye ne iyan inalenan bang si Bahasa Arab (Ribah), Hatinen bang si Iyakan Gansal atawa labi...Gansalin kemon Agama diyalem dunya , nah hinaram weh de.

Upama, nambih kew dahatus pilak , ubus moleh dahatus limepoh, nah limempoh ley gansal, duk haram kakan nu duk pamakan nu anak anda nu.

Ekka dalil ne diyalem Qur'an:

1) (و قال تعالى : أخذهم الريا و قد نهوا عنه ـ (النساء

اHatinen: Mag guna duk mag idduh siye gansal duk labi, bu parahal pamegesan si siye.

2) قال تعالى : لا تأكلوا الربا أضعافا مضاعفة واتقوا الله لعلكم ترحمون. ال عمران

Hatinen: Daa teed kaam mangan ngalolok, bang labeyan nen amban gansal duk labi, mag matalew kaam si Allahu Taala, kalu-kalu kaam kina-asean.

3) قال النبي صلى الله غليه وسلم: لعن الله أكل الربا و موكله و شاهده و كاتبه.

Hatinen: Ilahnat weh Allahu Taala, gumuwah amban aseh Tuhan, iye mamangan gansalin, duk mamakan gansalin, duk manaksih pasal ribahin, duk manulat iyehin...... kemon siye ley pinaguwah Tuhan Amban asehne,,,

Bang aa hin tawwah laanat tuhan gai ne mag mumpaat kemon artah nen, duk ibadat nen, duk masi iye makasangka siksah amban Tuhan dunya duk akhirat.

Bang pain bang makahinang iyehin lebbahan ne ne duk mag paampun si Tuhan. Tuhan sangat ngampun si kemon ipun ne.

Tambahan bi kite bi

Pasal Zakat.by Ustadz Ridah Kusain

2009-12-28T01:30:00.000-08:00

Assalamu alaykum Ka'dayang landu isab itu kahap me' patilewan. sabab tahati te in pagzakatin dambuwa' amban rukun Islam Lime, duk pagzakatin ma'luwm si kite hati nen, pagsutsi alta' maglabi labi, In Zakatin kahadjehan nen, kahaba tasabbut sambahayangin, tasabbut du sab zakatin, kowe' ne me' upama nen,

( وأقيموا الصلاة وآتوا الزكاة )

duk hekka pe saddi Si pasal isab tilew nu tu:-

Hekka tabassa ku fatawa me' Kaulamaan te, pasalan pagzakat gadji, asal subey du teed tatuhut Sharat nen kowe' du sab sharat kemon iye sasuku' Zinakatan, hati nen iye ne:-

1- بلوغ النصاب-

Subey ngabut si gantaan ne.

2- الحول-

Subey iye ngabut dantahun,

Bassa te bi in fatwa Bin Baz duk kasinduwehan pe me' Ulama'.

إذا كان الراتب لا يتوفر منه شيء بل ينفق في وقته فليس فيه زكاة، أما إذا كان يبقى شيء حتى حال عليه الحول فإنه يزكى إذا كان نصابا فهذا يزكى، في كل مائة اثنان ونصف، والألف خمس وعشرون، أما إذا كان الراتب ينفق في وقته ولا يبقى منه شيء فليس فيه زكاة. والحمد لله.

Bang pain ne gadjihin, ga' ne niya tapondo amban iye, sabab tagastu ne iye, na gey ne subey zinakatan, adapun bang pain ne niya' tebbi sampay umabut ne dantahun, duk sarta' ngabut du sab si Nisab ne ( Gantaan ne) na asal subey Zinakatan, Tiyap2x 100 Riyal (KSA) zakat nen, 2.50 Riyal, duk 1,000 Riyal 25 Riyal, adapun bang gadji ley tagastu atawa taosal, na gana' ne pain ne Zakat ne".

Note: Riyalin (KSA) upama nen 100, si pesos 1,200 ne zakat nen me' Kulang labi me' tellumpu' pesos, kaw isab saddi computation si lahat ten pinas.

Damikkiyan, Fatwa: Sheikh Shanqiti, Salih Alfawzan, duk saddi pe billai mag agid agid du.
Ambat sa' patawwa' me' kaguruhan te dem Undang2x inin duk sine2x ne saddiya,maku ku kamaafan

Tayammum by:Ustadz ibnu Burah

2009-12-28T01:21:00.000-08:00

Tayammum

Iye ne pagsutsi duk bulak atawa batu sutsi, gantî ayil atawa pandi hadas, si sine-sine gâ ngasuwâ bohê atawa gey makausal ne.

Rukun Tayammum

Rukun tayammunin kuwe mapasunu inin:

1. Niyat.
2. Pagpateppak duwe pat tangan si bulak atawa batu sutsi.
3. Napuhan luwe.
4. Napuhan duwe tangan taman timbulakan.

Sunnat Tayammum

1. Min duwe teppak.
2. Napuhan tangan taman siku.
3. Paharap Kiblat.( )
4. Massa duwaa pagpuwas, kuwê matasabbut si pag-ayil ley.

Makabatal Tayammum

1. Kemon makabatal ayil.
2. Bang ne iye ngasuwâ bohê bu makagees iye ngusal ne.

Hantang Pagtayammum

Magniyat iye magtayammum, ubus pateppak ne kaduwe pat tangan nen si bulak sutsi atawa batu, ubus pasapu ne si luwe ne, ubus pateppak ne balik bu pasapu ne si tangan ne taman buku-buku, na bang pasampay ne taman siku ne labi afdal. Tags: kasutsihan

Birthday Kakahinang Visaya kapil

2009-12-26T07:01:00.000-08:00

وعن ابن عمر - رضي الله عنهما - قال: قال رسول الله -صلى الله عليه وعلى آله وسلم-: من تشبه بقوم فهو منهم

Amban anak si omar kinaridaan siye weh allahutaalla karuwangan..Mgasabda Rasululla sallahu alaihi wsallam…sine sine matuk laku tabiat si meh kakahinang kawman (kapil) lamud siye amban meh jumlahan de.

Birthday, magkalang kalang duk magpedda ebbut duk dulang tirigu binettaran ebbut diyata ne bahasa paglami lami si ellew pag-anak,iyan amban meh kakahinang bangsa kapil visaya, Haram kite matuk laku si siye kuweh ne hadis nabi te pilihan,,lamud kite amban jumlahan de bang kite matuk laku si siye.

Buh meh iyan kakahinang meh kapil bisaya daa anad tebi duk daa pakitehan tebi meh kaanakan te kakahinang iyan supaya siye gey neppu pain weey buh hinang iyan si amma duk si inah halli kite bi pls

Pakitehan tebi Anakin magsambahayang jammaa si langgal si waktu ne..duk bissara lamma lambut duk magbassa qur-an si luma duk daa pinakalehan atawa kan pinakitehan kakahinang kapil bisaya,duk daa inanad magbissara putting.

Saupama niya nawag si mobile atawa kan si lanline ubus makasambagin anak, ubus nawag ne Anakin si kau oh! amma niya nawag si kau,ubus aka nu si anak nun painun gah tuu si amma buh parahal luu ru kaam magbissara harap harapan, dambuwa ne taeddo weh meh anak pangadjian putting, nah daa pls buh siye gey neppu magputing pag abut de hajje, kau in saih samah tanggungjawab si ellew pagbista si ellew qiyamah, duse hajje..

Pagduwaa salamat……

Niya isab amban meh ulama ngaka bang isab kaam magduwaa salamat sarta magpakan pakan kinakan pasal keg bi si anak bi gah niya siggul saggah ne, alla hu ahlam…

2-Salam, iyuh be sambung kah tuwan Javadi iyuh asal tawwah si mata tusek ne, gai teedleppa amban kasabennalan, bang pain mag tatamba mahlumat nun sartahmag mumpaat si meh pungtinai siusba waris GURU..

PASAL PAG JAMU SI ELLEW KAPANGANAKAN (BIRTHDAY):

Ganah suwi2 tasabbut, salih du talukis dem kitab agama atawa tabissa weh meh ulamah, weh Panghuh te Nabi Mohammad S.A W.bakas mag jamu si ellew panganakan meh anak ne atawa kan ellewpanganakan ne.
Duk ganah du isab tasabbot weh niyah meh sahabat, duk meh manuhut si siye ley mag jamu siye amban baran de ne si meh meh kaanakan de.

Paniyah birthday iyan sipangadjih mukarana al-adyan, Comperrason Religion, panguntra meh satruh Islam si Agama te, peggeh mag saggah meh ka-ulamaan ten pasal pag Maulud te si Nabi mohammad S.A.W., pain dabahagih kajari, pain dabahagih in gai kajari, haram.
amban sababan iyan pinakaseg teed weh meh kalonosin pag celebrate de Birthdayin....labine teed bang christmas, ellew panganakan Tuhan de koh pain de, asal mag palami teed siye, lagih teed bang nasrani yahudi si pilipinanas,

Kaniyaan seddi bangsa, kuweh nesambatan biley ninged, duk ngelekkat si meh kakahinang ley, bu parahal Kew Agama teed in kabayaan nen duk pangandaakan nen mag pamura si meh muslimin dumain mag pahunit,

Pandak nen ye meh Bangsa te ninged2 duk matu laku, subey pinages sabab dumain dem sarah duk niyah subahat ne. niyah siggul ne si agama. weey?

1. bisan du mag celebrate birthday Panghuh Mohammad SAW. gai du kajari, mekesah bang birthday meh kaanakan tebi.
2. Mag pakaat kew sin... ye pag birth day nuley, bang pag sadakka nu pa ngagadjinu guru, dambulan mas labi hap, or pag napaka nu si ahlie nu, bune meh aa mag pakaatin amban pungtinani saitan.
3. mag dusepekew, weey?bang kew mag birthday, inivite nun meh aa dayahan hadja, bune miskinin, wal teppet mayam.
4. bang patekka, ngutang kew bang ne kew biyaksa mag birthday anak nu, adakala, niyah gai kabayeran sinukut pe ih si kau.
5. Bang patekka tahinang riyah pakite2 pe si meh tapit lumah nu, maka gees kew mag pakan siye gai. duk ekka pe seddi kadrusehan tahinang nu....

Ine subey hining nun bang umabut anak nun si waktu ellew panganakan iye....

1. Anarun mag bassa kur'an, or bang hadje ne daak kun massa kur'an gantih pag sukul si Tuhan hatinen weh iye pinaabut si ellew iyan
2. Daakun mag tasbi, Alhadulillah pabanes, mag sukul iye peggel pinatahah umul nen sartah diyalem pag ibadat.
3. Makan kew meh makanak miskin, dumain dayahan, or kajaridu isab, sah labi hap bang miskin. mag sukul kew rinidjikian kew weh Tuhan anak duk artah.....
4. ellew ilih subey teed anad nu anak nun mag sambahayang, iyan subey pakellatan meh anak ten bi pungtinai.

Bune meh lansuk duk meh cake sinulatan happy birthday, adat kalonos iyan subey gai siningeran duk Hram teed anad te bi meh anak ten bi, bista nu meh Yakan Masa ley meh anak den sampoh, sampoh bulan mag bitrhday.....dumain trabahu mura meh Tuwan...hangkan Agama ten tabalik ku mag pa mura dumain mag pahunit.

Jawaban kahtuwan awwal alih ajanti.

kalabbiyan sunnat sambahayang subuh

2009-12-26T06:18:00.001-08:00

ركعتا الفجر خير من الدنيا وما فيها: رواه أحمد ومسلم والترمذي وصححه

Hadis, Hatinen magkulang maglabi,

Sambahayang sunnat duwe rakaat dehellu amban sambahayang (subuh) labi hap (pahalanen) amban dunya inin duk ine ine diyalem ne.

Kapungtinaihan ku dem usbawaris mayam duk massa parihalah te be in sambahayang subuh jammaa si langgal minsan ine pe hinang te duk karuh te subey kite palingkuwad donga mag-ayil sarta hap langgal nambahayang jammaa.dumain bang makakale (bang) si langal magmahmah gey takale, subey kaam nambbut duk magjikir,lailaha illalla, atawa kan subhanalla,atawa kan astgpirulla,hasupaya palagsik saitanin lammahin karu in,subey kite saddiya si gey pe tekka mapasampangin,(KAMATEY)

PAKU ku.si kaam member massa duk mayam bang makajari hapalun bi in hadis pangadjian inin,duk agad tebi niya duu ustadz tasabbut ku tuu si usbawaris ,duk iyu ne ru isab tinagnaan weh guru te bi kalashan amban libya,ustadz iyakan puntukan

Duwaa ngape,By:Ustadz Ibnu Burah

2009-12-26T05:57:00.000-08:00

الحَمْـدُ لِلّهِ الّذي أَحْـيانا بَعْـدَ ما أَماتَـنا وَإليه النُّـشور.

Pudjihin si Allah ye ne magpakellum si kami puwas amban pamapatey ne kami duk tudju Iye du pamoleanin.

Sahadje hadje anyaya.by: Ustadz Ibnu Burah

2009-12-26T05:55:00.000-08:00

Sahadje-hadje inalenan anyahin ye ne maghinang-hinang bissara kaputingan tudju Allah, si parman Allahu Taala:

((وَمـَنْ أَظْلَمُ مِمَّنِ افْتَـرَى عَلَى اللَّهِ كَذِباً أَوْ كَذَّبَ بِآيَاتِهِ إِنَّهُ لا يُفْلِحُ الظَّالِمُونَ ))]الأنعام:21[

Hati nen: ((Duk sine pe labi anyaya nen amban aa ye ne maghinang-hinang bissara kaputingan tudju Allahu Taalah atawa muting si me ayat Ne, bennal-bennal teed gey magparuntungan me aah anyayahin.

Pangadjian:
- hati anyayahin bang binahasa, ye ne bettad nu ine-inehin si dumain tampat ne.
- Anyayahin lamud amban sa hadje-hadje duse.
- Sahadje-hadje puting, ye ne kemon puting limpal tudju Allah duk me` Ayat Ne.
- lapal "Ayatihi" kemon katanda-tandaan kaniya Allahu Taalah, kuwe ne me` langit, bulak, mataellew, baliyu duk ekka pe, ye ne gey takole pinaniya we` manusiya atawa jin.
- Gey teed ngasuwa paruntungan aah manganyayahin si ellew Dunya duk Akhirat.

Allahu A`lam bissawab. ambat sa` tambahan me` sinduwe kaguruhan te bi lu.
Tags:

Share

Duwaa puwas sambahayang jamaa.by:Ibnu Burah

2009-12-26T05:52:00.000-08:00

Assalamu alaikum.

Landu hep ku inu-inu duk sarang ku kaulali si lahat te. Ekka me kamuridan sasew pamikil den pasal JIKIR, TASBIH & DUWAA MAGJAMAA si puwas sambahayang fardou, kuwe kabikyasahan duk kakellatan mata te.

Sinduwehin magpain niya ngabiddaa ne. Sinduwe isab masi-masi ne pain ngahinang ne, pegge ien kabiyaksahan den duk kakellatan mata den.

Oh kaam me kaguruhan, pasampayun bi si me mahadjana te bi we hinang iyan dumain iye biddaa. Sabab nen;
1. Bang aahin gey tau nasbihan dihan ne, na tumuhut ne iye sarta makapangadji pe iye hinang ley.

2. Si waktu nganduwaa imamin, ekka masayut tangan duk mag-amin. Bu duwaahin bisan dem sambahayang makajari du isab, kuwe ne me duwaa kunut si sambahayang witri atawa sambahayang Subuh bang si majhab Imam te Shafie.

3. Bang me magsasambahayagin magtuhut-tuhut paguwa amban masjid makapagjiyara-jiyara siye, na makapasong kasilasa de samiyaan.

Iyan si sine-sine isab mabaya ngagad atawa kan patuhut magjikir puwas manambahayang ley

Hinaram si Taga junub.By.Ustadz Ibnu Burah

2009-12-26T05:50:00.000-08:00

Mê Hinaram Si Aah Taga Junub
1. Nambahayang (fardou ne ke atawa sunnat).
2. Magtawaf si Kaâbah.
3. Paasek si masjid gantâ pahantî lai si dumain nisisita.
4. Massa (ayat) Kor-an (bisan pe dumain si mushaf ).
5. Ngantanan Mushaf.

Sukur ne hadja niya maka-eddo pangadjian. Ya rabbi urunganun kami barakat si ilmu inin.

Hadis pasal Hijra,By Ustadz Ibnu Burah

2009-12-26T04:25:00.003-08:00

Ayat kamaapan.By:Ustadz Ibnu Burah.

2009-12-26T04:23:00.001-08:00

قال الله تعالي
{‏ خُذِ العَفْوَ وَأْمُرْ بالعُرْفِ، وأعْرِضْ عَنِ الجاهِلين

Salin Maksud Nen si Iyakan:

((Eddoun kamaapanin duk ngandaak kew si hinang hap, duk patala kew amban me aah jahil))

Suwrah: Al-aa`raf, Ayat: 199

Pasal nuhut magcrismass.by:Ustadz ibnu burah

2009-12-26T04:20:00.000-08:00

Pain Imam Malik: "Minakruh paruwa diyata lansa de (Yahudi atawa Nasrani) ye ganta patulakan de maghaylaya, pegge paturun luu dugal Allahu Taalahin duk mulka Nen si siye".

Hati nen, bang niya jip, lansa atawa kan ariplanu tartantu inusal we de ganta pili siye pahadir magkrismas, magniyuyir atawa ine-ine ne haylaya de, iyan bisan pe kew libri de subey kew gey nuhut. pegge si waktu ien, niya patuhut mulka duk astel Allahu Taalah si siye sabab kakafur duk kashirik de.

Wallahu Aa`lam bissawab.

Sunnat Dem Sambahayang by:Ustadz ibnu burah

2009-12-26T04:11:00.001-08:00

Mê Sunnat Sambahayang

Kaissâ: Sunnat Muakkadah

Duk siye ne kuwê mê mapasunû ini;

1. Takbiratul Intikal (takbir paglatun usâ).
2. Massa da suwrah atawa da ayat amban dem Kor-an puwas Fatihâ, si rakaat panagnaan duk si ka duwe.
3. Lapal (سُبْحَانَ رَبِّيَ الْعَظِيمِ) (SUBHANA RABBIY Al-ADHEEM) dem rukû, min tellu. (Mahasutsi Tuhan ku mahadjehin)
4. Lapal سَمِعَ اللَّهُ لِمَنْ حَمِدَهُ (SAMIA ALLAHU LIMAN HAMIDAH) si waktu patongas amban parukuan. . (Takale Allahu Taalahin sine-sine mudji Iyehin). Inin si aah dendangan atawa mag-imam hadja
5. Lapal (رَبَّنَا وَلَكَ الْحَمْدُ) (RABBANA WA LAKAL HAMDU) si maâmum si waktu patongas amban rukû, duk si aah dendangan duk Iman bang ubus ne magsamiallah. (Oh Tuhan kami, duk si Kau du pupudjihanin)
6. Lapal (سُبْحَانَ رَبِّيَ الأَعْلَى) (SUBHANA RABBIY AL-AÀLAÀ) dem sujud, min tellu. (Mahasutsi Tuhan ku Malangkewin)
7. Lapal (رَبِّ اغْفِرْ لِي وَارْحَمْنِي وَعَافِنِي وَاهْدِنِي وَارْزُقْنِي) (RABBIGFIRLIY WARHAMNIY WAAFINIY WAH-DINIY WARZUKNIY) si antarâ duwe sujud. ( Oh Tuhan ku ampunun ku duk kalasahanun ku duk maapun ku duk hidayatanun ku duk ridjikianun ku)
8. Tingkô si tahayat awwal.
9. Bassahan tahayat awwal.
10. Pagpapales bassahan si tampat pagpapalesan duk pagkemot si tampat ne.
11. Salawat si Nabi puwas amban tahayat ahir.

Lapal Salawat

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ فِي الْعَالَمِينَ إِنَّكَ حَمِيدٌ مَجِيدٌ.

Maana nen;

(Oh Tuhan ku salawatanun Muhammad duk mê Ahli Muhammadin, kuwê panalawat Nu Ibrahim duk mê ahli Ibrahimin, duk urunganun barakat Muhammad duk mê ahli Muhammadin kuwê pangurung Nu barakat pu Ibrahimin duk mê ahli Ibrahimin, si katilingkal alam, bennal-bennal teed Kew Pinupudji, Langkew martabbat Nen).

Kaduwe: Sunnat Gayru Muakkadah

Duk iye ne kuwê mapasunû inin;

1. Massa duwaa iftitah.
2. Mag-aujubillah si panagnaan rakaat dehellu amban kapamassa Fatihâ.
3. Pag-angkat duwe tangan hap atag tainge si hal ngalabô Takbiratul Ihram, parukû, patongas amban rukû, duk bang nengge hap katellu rakaat.
4. Mag- Amin puwas amban Fatihâ.
5. Massa (رَبَّنَا وَلَكَ الْحَمْدُ حَمْدًا كَثِيرًا طَيِّبًا مُبَارَكًا فِيهِ) (RABBANA WA LAKALHAMDU HAMDAN KATHERAN MUBARAKN FIHI) si tengge ne amban parukuan. (Oh Tuhan kami si Kau pupudjihanin pudji ekka, hãp, tamba manamba barakat nen).
6. Pagbettad duwe tangan si atag kok uwatey, kanawanin diyatâ bibang.
7. Massa duwaa puwas amban salawat si Nabi si Tahayat Akhir.

Duwaa Iftitah

سُبْحَانَكَ الَّلهُمَّ وَبِحَمْدِكَ وَتَبَارَكَ اسْمُكَ وَتَعَالىَ جَدُّكَ وَلاَ إِلَهَ غَيْرُكَ
Maana nen;

Mahasutsi Kew oh Tuhan Ku, duk pinupudji Kew duk barakatan alen Nun, duk langkew pangkat Nun, duk gâ niyâ tuhan saddi amban Kau

Duwaa Puwas Salawat Si Tahayat Akhir

اللَّهُمَّ إِنيِّ أَعُوذُ بِكَ مِنْ عَذَابِ جَهَنَّمَ وَمِنْ عَذَابِ الْقَبْرِ وَمِنْ فِتْـنَةِ اْلمَحْيَا وَاْلمَمَاتِ وَمِنْ شَرِّ فِتْـنَةِ اْلمَسِيحِ الدَّجَّالِ.

Maana Nen:

Oh Tuhan ku bennal-bennal teed aku inin magpatalibun ku si Kau amban siksâ Jahannam duk amban siksâ dem kubur duk amban fitna kaellum duk kamatey duk amban sa laat-laat ne fitna Isa almasi madustaanin.

Makru' duk Makabatal sambahayang.

2009-12-26T04:09:00.000-08:00

Mê Makruh Sambahayang
1. Maghalengan.
2. Mayam pa diyatâ.
3. Mambang hawak.
4. Magbinoo bohat.
5. Mag-asek panapet taga warnâ makabimbang mata dem sambahayang.
6. Mag-usaan daran si dumain nisisita teed.
7. Nambahayang si hinaâbu pagbettad kinakan bu kanaugtû iye.

Mê Makabatal Sambahayang

1. Bissara pinagtuuran.
2. Saye pinagtuuran.
3. Naykutan kiblat si gâ niyâ udjul sharâ.
4. Bang niyâ paguwâ amban duwe hinasil (lalan mangê duk tayî).
5. Ninggalan rukun sambahayang atawa nambahan ne.
6. Mangan duk nginum.
7. Padehellu amban Imam.

Maana sura yaseen 18-25

2009-12-01T14:20:00.000-08:00

MAANA SURA YASIN 18-25
Posted: 2009/10/28 – 4:36 AM
18 قَالُوا إِنَّا تَطَيَّرْنَا بِكُمْ لَئِنْ لَمْ تَنْتَهُوا لَنَرْجُمَنَّكُمْ وَلَيَمَسَّنَّكُمْ مِنَّا عَذَابٌ أَلِيمٌ

(Sambung Aa kawman miyaan) pain de sabennal teed in kami inin nuknah ne si kaam, amey amey teed bang kaam iyan gey pahali ( in hinang bi iyan) tantu teed batu kami ne kaam (sampay kaam matey) duk tantu teed dagpakan ne kaam amban kami siksa peddi.

19 قَالُوا طَائِرُكُمْ مَعَكُمْ أَئِنْ ذُكِّرْتُمْ بَلْ أَنْتُمْ قَوْمٌ مُسْرِفُونَ

(In sambung den) pain de in kasuknaan bi iyan, kaam in parsababan, in kami( bang naabbit pinapangannal kaam si panawhid si allahu taalla gamman kami sugmukan bi duk sanggupan bi sarta batu bi pe kami,) dumain ne ine duk ine kaam iyan sumagawa tanda ne dem kasirikan.

20 وَجَاءَ مِنْ أَقْصَى الْمَدِينَةِ رَجُلٌ يَسْعَى قَالَ يَا قَوْمِ اتَّبِعُوا

(Pagsakali) niya tekka amban guwa dambuwa laungan dambuwa lella magdayih dayih( pegge song ne binonoh weh Aa si kawman sin meh rasul) missara ne si siye,oh kaam meh kawman ko nuhut ne kaam si pamanduh sin meh Rasul iyan,

21 21اتَّبِعُوا مَنْ لَا يَسْأَلُكُمْ أَجْرًا وَهُمْ مُهْتَدُونَ

Nuhut ne kaam si meh Aa yene gey makuhan kaam bayed, labi lubah ne siye iyan kaanugharaan sin pamanduh,(duk katau sin palihalan panawhid si allahu taalla yene panwag nawagan de iyan.

22 وَمَا لِيَ لَا أَعْبُدُ الَّذِي فَطَرَنِي وَإِلَيْهِ تُرْجَعُونَ

(Buh in aku) weey pe ku gey nukku atawa kan kuwat tingko si tuhan yene magpapanjari si aku, lagi lubah si iye ru kaam parungu magbalik,( pagbangun bi amban kamatey)

23 أَأَتَّخِذُ مِنْ دُونِهِ آلِهَةً إِنْ يُرِدْنِ الرَّحْمَنُ بِضُرٍّ لَا تُغْنِ عَنِّي شَفَاعَتُهُمْ شَيْئًا وَلَا يُنْقِذُونِ

Ine inte patut ku ngeddo saddi amban allahu taalla kasantu santuhan hinang limbangan parahal bang mag kahandak in tuhan rahman magparaub si aku balah maka mula gey ru maka awen aku duk gey ru maka sappat aku meh barhalah iyan,amban meh ine ine, duk gey ru siye maka lappas si aku,( amban siksa allahu taalla)

24 إِنِّي إِذًا لَفِي ضَلَالٍ مُبِينٍ

Sabennal teed in aku bang saiyan( bang pasujud si meh barhalah iyan) tantu teed in aku laboh ne diyalem kalawungan tampal.

25 إِنِّي آمَنْتُ بِرَبِّكُمْ فَاسْمَعُونِ

Sabennal teed in aku magkahagad du si tuhan bi yene pinagkupulan bi,Tuahn rabbul alamin( andu isab pakalehun bi ku ( nasihat si kaam)

Sainin be pagmawlud rin,by:Ustadz Awal Ajanti

2009-11-19T13:47:00.000-08:00

PASAL PAG MAULUD.

Bismillah Hirahman Nirrahim
Assalamu Alaikum Warah Matullahi Wabarakatuhu

Dehellu amban kemon, Maku ku si Tuhan te Rabbil Alamin, Bang pain ku gai mag duse sabab meh pikilan ku inin duk ye tahati ku si pasal topic inin,,,,oh tuhan ku maap nu ku bang ku sumalah,inin tandah kapandak pangadjih ku, ganah Tuhan seddi ngampun duk ngamaap bang dumain kau, oh Tuhan ku taupikanun ku si bissa ku inin sab landoh buhat duk hunit topic inin, duk bang pain mag mumpaat si kami kemon ipun nu ye meh bissa inin, ya allah.

PASAL PAG MAULUD, bennal nen, Bune topic inin, teggel ne pag discussan weh meh ulamah dehellu pe amban kite bi, sumagawah peggeh asal topic maselan duk importante manamal, sartah niyah connection hadje tudju Agama te, Agama Islam, hankan hep asal ganah kapapas ne atawa kaubus ne.

Innah te dem akkal te duk pikilan te, gah niyah Agama Islam si diyalem dunya inn, bang dumain mag sababan duk labiyan amban History sin Nabi Mohammad SAW, atawa aka-aka ne si waktu ne gah pe iye inanak, sampay binettengan ne iye weh inah ne, duk sampay mag inetteg ne iye atawa balig, latun ne si pag usaha ne gah pe iye nabi, sampay pag anda ne, duk yene teed labi nen History sin waktu ne iye Nabi, yene kapaturun Qur'an duk pag mihraj ne, History sin meh bonoh ne Bardar, Uhud Battle duk seddi pe billai yene sintuan sin meh kaboh-bonuan meh muslim nuhut si ye duk mag kahagad paratsaya si iye, History ka matey ne duk kemon suwe-suwe ye kalagihan duk patut subey hinati weh meh muslimeen diyalem babew dunya,,, Amban sabab iyan hangkan hep, meh pag lugat duk pag suweyan iyan asal ganah kapapas ne duk ganah kapalem ne sampay hinapusan dunya hadja.…

Duk innah tebi du isab dem pikilan te weh bennal ye pag maulud rin, gah teed bakas tahinang weh meh sahabat ne duk latun ne si meh followers ne sampay ye waktu inin….hangkan hep niyah mag pain weh Bid'ah,,,,,katalewan ten meh ummat isalam,,,, bang si tampat ne ke ye hukuman maana hadith tu hatinin Bid'ah,,subey jawad makapangaddih usulul hadithin du iyan, peggeh peggeh maana Hadith tu, bang hati nu asal langkum shameel si kemon hinanangan bahau, labi teed bang tenged tudju topic Agama, peggeh ubus ne Agama ten tumurun si Nabi Mohammad SAW….completo ne duk asal ganah ne kulang, Pain Tuhan te si Qur'an ne… مَّا فَرَّطْنَا فِي الكِتَابِ مِنْ شَيْءٍ Nothing have we omitted from the book. Hatine complete in sarah manarah lagh bang pasal Aganma.

Pain Parman Tuhan tepe Rabbul Alameen:

, اليَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلامَ دِينًا.
This day have I perfected your religion for you, completed my favour upon you, and have chosen for you Islam as your religion.

:::::Hati nen, Ellew ituh, sampurnah kune si kaam in Agama bin, ye ne Agama Islam duk pajukup ku si kaam nimat kun ye ne Qur'an duk seddi pe billai, duk mag ridah ne ku si kaam ne ungsuran ku pag Aganma Islamin, ,,,, langkum ne kemon sarah manarah pag ibadat duk pangaddatan sampay kaelluman sin manusiya, bakas ne kite tinuan weh ne,,, sah niyah meh hukuman gah tampal, hangkan amban iyan paniyah meh iftah in….duk hangkan wajib mag pangadji-in. sabab mag paluha mag pangadjih, luu ne si iyan meh tuwan, paniyah ne mag seddi panaymah duk pamayam meh kaulamai-anin

BANG SI AKU, SI PAMAYAM KU DUK PANGHATI KU, akkal kulang2 eddoh ku amban ye tabassa kun, duk ye bissa meh ulamah ku kalasahan tuu si USBAWARIS inin, Salih siye karuwengkepak niyah kapatut ne duk kabennal bissa den, Mag pain dembiyahin, Bid'ah, maulurin duk mag duse ye makahinang iye hin, duk meh dalil de kuweh basag ine Hadith duk kakahinang ahlu sunna duk jamaah, Mag pain isab dambiyain, makajari atawa jaiz mag maulud rin,,,,Iban dalil de du isab hadith sartah niyah du isab ahlu sunna duk jamaah…..Hatinin, bang saih niyah hadja lai gah pag hatihan, duk gah mag sinabut atwa kan labeyan pamissa iyehin duk labi kakahinang nen.…

Papi dahuh ye talabey kun, sah teggel ne be, indan halew2 sah, Jaman ku pe nengkoh diyatah bangkuh tuu si Libya, niyah hep inin nelew saweh kami, kuweh du panilew si topic inin, tamba nen hadja sumiyan mag tagnah ye pag maulurin?

Sambung ye tinelew ley, Pain ne bang si Agama te Islam, gah niyah mag celebrate maulud, salih du maulud kanabihan, peggeh ekka nabi, kinaridaan siye weh Tuhan kemon, atawa kan meh anak muslim duk muhmin, asal subey teed gai mag celebrate maulud peggeh gah bakas tahinang Rasullah duk meh sahabat ne,diuk kemon ne manuhut si siye hin,,,,Ye hadja paniyah ye pikilan mag maulud iyan jaman pamarenta, Fatimiyah, duk ingatun bi pain ne, waktu ih, asal ekka ne teed fitna duk sasew si antarah meh muslim pag kasi, duk focus teed siye si Shiah, duk Sunni mag hiluhalah, si shimal Africa area ren lamud ne lahat Egypt duk Sam jaman ley.. si lahat iyan dumain pain ne, hundred percent aa nen Muslim ekka non-muslim du isab unlike saudi, duk ye tradition sin meh kelonos ley basag, mag lami2 kemon pakarajjaan, pansak kalangan Christmas, ye meh muslimin song ka implowen sahan, peggeh si siye hin duwe Eid Adha duk Fitr du, pain ne, lagih ye meh anak muslimin ngakulang ne panghati den pasal History Suwi-suwi agama te islam. Duk kulang ne mag ihtimamin, hatinin mag tuyuh ngahati sabab seerah Nabi te Mohammad, SAW….bang patekka ekka ne pasip duk palamud si siye lagih teed bang waktu Christmas time…amban sababan iyan pain ne, niyah meh sunduwe meh ulamah jaman dawla Fatimiyah, pabasag de teed peg dahwa den, pasal History Nabi te Mohammad SAW. Sampay ekka ne maka hinang ne, tapit ne hatusan tahun agen2 practice dene eh, duk ganah aturan pag maulud rin pain ne bang si lahat Arab, lagi si Saudi peggeh pure siye Muslim. dumain kuweh tahinang si meh aa lahat asia, pinahadje munasabah nen ….duk ganah kitab tartantu tasabbut pasal maulud,,,, niyah pain kaikkahan nen Sheera Nabawiyah…..hangkan hep pain ne niyah mag iftah weh Bid'ah…sah manawag tawag kemon ulamah tagnah ley sampay si karang kuwe-itu,,, ASAL subey kite kemon anak muslimin, ngandawhat MASSA duk NGAHATI Sheerah Rasul te Mohammad SAW, duk seddi pe kanabihan… ye iyan kabtangan aa ley duk tasabbut nen si jawab ne si saweh kami matilewin.

TAMBA AMBAN AKU, hangkan hep si lahat te niyah maulud wal pangaleggoan meh Yakan Masa ley binaha malayo meh sulat nen sinduwe, inalenan Barjanjih weh de, sampay aku niyah pe si aku sampay kuwe-ito…hatinen ta adopt weh meh Malaysian duk kemon ne Muslim si silangan Asia ye pag maulud tu…Bnag pain isab siye inampun weh Tuhan, peggeh bang dumain mag sababan dembuawah amban amban pag bassa maulud tagnah ley, gey katauhan te bang ine meh agma islamin, jaman masa tagnah ley pain isab eh, duk gey tahati te bang sine Nabi te Mohammad SAW, si Basilan arak ne teed Jesus kinatauhan meh makanakin…..peggeh basag dahwa meh meh christian nin,,, pasaye te dahuh kaam: daahat, niyah pari, simbanhan mag dahwa bi si lahat te duk si meh kapu-an,, tapisiye si lahat meh brother sama,,,, mag boo siye candy duwe bayuh…candy miyaan mamis bang sinulatan cross duk jesus, dambuwaih in pekkat pait bang sinulatan Mohammad….peg tasuley weh makankin niyah mamis niyah pekkat…pain dambuwain mamis maaku, mag suley sinuley ne hep inin,,,na pain dambuwah si jesus aku, mamais si jesus, bang ne mag supply meh parih miyaan ganah ne ngeddoh mohammad….ye kew iyan hinangan meh non muslimin…kaipara agama te Islamin, bisan gai mag pilak masi palatag duk basag…..peggeh kasebbennalan… hangkan iyan patahah ku bissa iyan duk niyah lesson ta eddoh te.

Alhamdulillah pasal pag maulud si lahat tahati ne weh meh kemon aa te niyah pag bidda-an panghati meh ulamah ten si pasal pag mawlud, ye ne khilap duk pag biddan makajari, pain de (KHILAPUL ULAMAH RAHMA) Hatinen, ye pag biddah pikilan sin meh kaulama-an ley , niyah pasartah aseh sin Tuhan si siye duk kemon manuhut si siye hin…

Asal2 Bid'ah si Agama , maksod neley kemon bahau si agama te Islam ganah si kur'an duk hadith duk gah bakas tahinang weh meh sahabat duk meh manuhut si siye ley, ye iyan muhdasatul umour…Hinangan bahau si gama duk bang tartantu ibadat asal gain e iyan kajari,,,,pain isab meh sarahan sinduwe meh ulamah fikh, iyuh si mukaddimah Fiqih Al-Wadih, niyah kuh Bid'ah hasanah duk Bid'ah Sayyiah,,, hatinen Bid'ah Hap,,,,, yene meh idjtihad ulamah simeh miras, niyah gah tantu explain si diyalem qur'an duk meh elmoh kalam elmoh nahwu, duk seddi billai, pain meh guru malolain, sampay meh areplanu duk meh car, train bid'ah hasanah…sah bang pasal ibadat asal tattap duk tampal iyan, ganah pag bidda-an meh ulamah ten masha allah.
Tabalik ku aturan pag maulud si lahatte tagnah, mag dulang, si masjid, mag tali-taliyan inalenan weh aa lahat kamihin, puwas billai,peggeh ekka ne mag pangadjih, pain de gai ne kajari saiyan, sainin kite bi, mag bassa maulud duk kulait ne si meh madrasa, mag contest makanakin, mag balik arab ne duk yakan ne,, sampay aku inin asal bakas makabatuk pe sah mag tuntong ku peggeh gai ku makabalik…Hankan hep pain ku, bang pain kami inampun weh Tuhan si emh kakahinang ley. Maksod kun naan, meh hinang tu daahat daahat tataymah du weh aa te weh ih hatih gai kajari duk niyah sumalah….Hangkan bang makajari si kaam daa be kite bi mag attack-inatack, subey kaam talew si Tuhan, peggeh ye pag attack ley some time tahinag Giba, Namima,Lumaja, iyan painun tattap dem narkah ye makahinang iye hin… Hnagkan mag pasampay hadja kaam ngaka sin kasebennalan, duk kaam puwas amban kataksilan weh Tuhan sah daa kaam Ngatack. Sabab ekka pe subey pasaplag te seddi amban pag maulud, bisan rikun Islam lime tiyah pe nenggalan ne, dukmungkarat hatinen pamegesan tuhan ekka pe ngahinanang ne.

PANGADJIH DUK PAMINTANGAN TAEDDOH TE AMBAN MEH BISSA LEY, SAININ:

A) : Haram mag maulud rin, bang kuweh hinangan te si lahat, mag gastu, mag dulang, mag tipon mag lagumey lellah duk dende, abahih makanak,meh waktu sangem,,haram teed iyan pasal ekka pitna takasuwah si meh kakahinang ley.

B) Wajib, duk subey kite mag mehet2 mahati si meh bagong bata, duk meh mahadjanah te pasal kissa duk labeyan Nabi te Mohammad SAW, pasal paham duk panghati sin kissa ne sampuranh in pag agama ten, awam duk jahil pasal kissa sin nabi Te Mohammad SAW, gah sampurnah inm pag agam sin dem buwah muslim, bang gai makahati duk gai mag tuyuh ngahati sin Seerah meh karasulan labi Bang junjungan te Mohammad SAW.

C) Makjari kew mag nasihat mag pasaplag antag-antag binaybayan duk ine-ine jaman waktu duk subey teed hininang weh tiyap muslim duksubey pabasag ne mag nasihat mag pasaplag pasal history sin panghuh te Mohammad SAW, salih du si bulan maulud duk duk domain, sah labi apdal duk hap bang bulan ne, Peggeh daakan sarah te Pain ne: (Balligou anni wa law aya't) hatinin mag pasampay kaam bisan sah daayat) mag pasampay kaam pasal agama latun ne lai History sin Nabi te Mohammad SAW.

D) Bang kajari si kaam, daa kite bi mag pain atawa ngahukum Bid'ah, kalu gah tumawwah hadith ley si tampat ne, peggeh panghati kun panghati kulang2, tartantu iye si ibat, si meh sambahayang, kuweh mag tamba si balang duk seddi pe billai, subey usal tebi duk balik kite bi hukuman feqhe, ine iye: Wajib, haram, makruh, harus, jaidz…duk seddi pe. Weey,,,, peggeh ekka muslim diyalem dunya mag maulud, Ka ekkahan si Africa duk seddi pe lahat, pag maulud den, mag nasihat hadja siye si meh kamasjiran, Bang si Libya ganah mag lagumey lellah duk dende, ganah dulang, duk ellet magrib hadja duk isah……sah waktu bulan maulud….sine maka-arah2 mag painin, weh diyalem narkah siye ley kemon peggeh mag maulud siye? Peggeh Bid'ah dalala, wad dalala fin nar…..bune pe meh mag hinang tu meh ulamah du isab duk ekka pe tahinang de kahapan pasal aa de duk lahat de labi Agama Islam. Hangkan hep niyah waktu jaidz iye hatinin kajari, duk niyah waktu haram……gai kew kapag pain Bid'ah bang si aku hadja isab, parsababan amban meh reason tasabbut ley…

Si aku iyan general view ku hadja, daa ku teed sasaun bi pasal inin,mag maaf kaam bang niyah gah tumawwah sipamayam bi duk pikilan bi meh pikilan kuley, labi tuhan ngampun si aku. Wallahu Ahlam Bissawab…

Pasal Pagtaya lottery,by: Ustadz Awal Ajanti

2009-11-18T15:13:00.000-08:00

Assalamo Alikum warahmatullahi warbarakatuh

Agad te meh Masteral ten duk meh Doctor te keridaan siye weh Tuhan dunya duk Akhirat duk paku te bang pain isab kite bi kuweh siyehin kinalasahan du isab duk kinaridaan weh Tuhan te Rabbul Alameen, dunya duk Akhirat.....Ameen....

Niyah katauhan ku daahat pasal meh lottery iyan, bang tawwah tuh tuhan si aku peggeh salah gah tumawwah si pamayam meh malangkew pangadjih ne iyan,,,,, asalsubey baimila de....mag duse siye bang pasagad de answearku inin...

LOTTERY hin dembuwah amban ginisan panayam apus duk dagey panaggahan weh Tuhan....Bangsi Arab Maiseer, atawa Qumar,,, lamod ne lai sugal, bulang, legot, seppug manuk, magpatanduk kabew, duk seddi pe billai ekka pe ginisan ne, asal lamod si dagey apus, duk haram mag duse tampal ye meke hinang iyehin....pag ittipakan kemon ulamah , bang kemon dagey mag tayah pilak atawa senseliyu, masi iyan apus duk lang tuhan.

Pain Tuhan te Rabul Alamin si Quran ne, suratul Maidah;

يَا أَيُّهَا الَّذِينَ آمَنُوا إِنَّمَا الخَمْرُ وَالمَيْسِرُ وَالأَنْصَابُ وَالأَزْلامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ (5/90) __المائدة

Ye who believe intoxicants and gambling, (dedication of) stones, and (divination by) arrows, are an abomination, of Satan's handiwork: eschew such (abomination), that ye may prosper.

Pag maana weh meh ulamah te , ye almaisir ley panayam apus, bang mag tayah ne duk pilak asal apus, haram duk pamegesan weh tuhan te, ye mapanjari kauhin, oh kew manusiyah, duk si iye du kew mag report teggel duk kataeggel nen, pain te sampay pag lottery nuley song du harap nu tuhan nun wweh ye ih hinang nun tuu si dunya.
Lamod pe lai sampay chess pain de, bang mag apos duk bisan gai mag apus aa mag chessin bang lepas waktu ne ye gantah mag kagunahan si pag ibadat ne pag usaha ne, bisan mag chess gai mag sin Haram du, iyan pamayam agama ten, sabab lissin kite samiyaan meh muhmin nin ubus ye usaha iyan rijsun nadjish saitan atawa kan abih2 saitan si kau....

Si Haith Bukhari fi mahniha: Bang niyah mag pain si saweh ne or bagay ne, deh kew mag panayam apus kite, bang kew ngandaag, pag sadakka hun sah,,ubus gah pe hep ih lumaus mag apus, para bissa hadja,,hukuman nen masi iye mag duse, ,,,tawbatan ne , subey iye mag kiparat atawa mag sadakka, saingge ne bang tahinang ne. bisan du bissara hadja masi mag du mag duse.

Bentel bissa ne hadja salih du ma ngahinang iye hin duk mag balatu ley duk binalatuhan nin, asal pangalangan weh tuha,,, ine hinang ten subey mag tawbat, gai ne binalikan.

Subey innah te dem kuk te duk pikilan te, bang kemon dagey mag tuk pilak duk senseliyu, sartah niyah taraag duk ngandaag, iyan amban dagey apus, hinaram weh tuhan duk amban usaha labeyan saitan....

Weey: 1) Mag hinang kew dambulan meh 7 hatus dollar gadji nun, ubus panayah nu si meh lottery: taraag kew pain ih , mag kaat ne budget nu si familya nun, tendency nen mag sasah ne dafamilyahin.
2) kemon apus niyah du isab waktu ne lepas ye waktu pag ibadat nun, weey peggeh wal kew mag jaga bang ine number duk bang sine matumawwah in.....tendency nen ye hinang nu mawajib ley katinggalan ne.
3) bang pag bissa sakay ksi meh dumain mag peneh bang halal duk haram subey niyah limit ne mag bagay yin..

Wassalaam mag dayih2 ku bang pain gai taymah bi laat bissa ku inin dumain amban aku iyan amban Tuhan te rabul alamin.....

Kahalan Pagnakura. by: Ustadz Awal Alih Ajanti.

2009-11-17T04:57:00.000-08:00

PASAL pag peneh NAKURAH bang sine binutuhan ten bi....

Taraak kite weh tuhan te Rabbul Alamin, mag taat, nuhut sikabayaan tuhan te duk rasul te Mohammad SAW, duk latun si Ulil Amri, hatinen, nakurah tapeneh bayan buddiman duk bentel tabuu ne fairness, justice duk seddi pe sipat...Pain Tuhan te si Surah Nisah,:

يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَاليَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً (4/ 59
O ye who believe! Obey Allah, and obey the Messenger, and those charged with authority among you. If ye differ in anything among yourselves, refer it to Allah and His Messenger, if ye do believe in Allah and the Last Day: that is best, and most suitable for final determination.

OUlil Amri, ye nakurah authorized halul akkal bayan buddiman tau mag buu si aa ne lahat ne labi bang Agama ne.

Si kuwe-itu bang terma bahau ne, paasek ne meh politician iyan...ine maana politic kin:
1) Responsibele si lahat ne: mag hinang kalsada, school, Masjid, Taboh hadje, dungguan kappal hadje, mag hinang madrasa, duk mula2 ye basic need sin aa ne, kuweh ne Light, gantian ne paytaan duk lansuk ye meh old system ley, Boheh, duk subey pamura ne meh kemon binellihin...
2) Responsible si Sundalu ne, subey iye ekka tindeg ne bang niyah ngalungoh diyalem pag lahat iyan, pag depence ne c lahat ne...si kasbennalan dumain si kalaatan duk karupangan pamissokuh.
3) Mula2 mebbeg sin kabayaan Agama ne, sababan amban kemon agama bang asal tunuhut duk ineplement labi bang agama islam, maka dawhat kite kasanyangan diyalem pag lahat te. dsartah ganah jabu duk sasew diyalem lahat iyan
4) labi hap DUK APDAL bang tau si Agama educated left and right, english duk arabic, amban iyan katauhan ne bang ine justisin duk fairNESS SIN iye si aa ne... Pain nabi MOhammad SAW:

قال صلى الله عليه وسلم: العدل ميزان الله في الأرض فمن أخذ به قاده إلى الجنة ومن تركه قاده إلى النار.

Pain ne: SAW: Bune KAADILAnin, timbangan atawa kiluhan si diyatah bulak, Nah sine sine mebbegan ne, moo iye mag diyalem surgah, duk sine sine ninggalan ne nundan iye meg diyalem ibbut narkah jahannam...

5) subey du lella nakurain, bang isab niyah dapat, lagih teed bang lahat Islam, Pain Tuhan te Rabbul Alamin (Arrijalu Qawwamun ala annisah) Hati nen, meh kalellahanin, labi maka gees mag boo pikilan lanauh duk hantap bahani amban meh karendihan... Niyah pe maana Hadith ley: Pain ne tantu teed gai mag paruntungan in dem buwah lahat iyan bang dende mag nakurain, payaman bine lahat te pilipines, ine deveolpment nen, gah niyaha balah hadja weey, peggeh dende president ten.....dumain iyan amban aku agama te mag pain nin...

6) Bang niyah dapat subey du isab bangsa te Yakan,,,,,bisan ne ine hinang de bang pain isab bangsa te Yakan....pikilun bi mahap niyah Yakan baranggay or mayor si Marawi or Cotabato, ganah dembuwah iyan kaayban si bangsa te. yakan motohan meh bisayah or kalonos...mikil kaam mahap....

Hangaka meh pungtinai pineon bi ye mag nakurah si kite bi Basialan ye mamalasa si lahat nen duk bangsa nen duk labia bang agama nen.
Duka daa kaam hailan silew si pilak meh politician, sin atawa artah iyan deellew du pamilli kinakan ubus ne, bune meh projects tahinang de ley maka hampit kemon aa hin duk teggel ubus atawa bang meh masjid project ley ganah kaubus ne...

Ngajunjung ku si kaam nguk tangan bettis, subey kaam meneh pahap bang sine nakurah lahat ten sabab nen kaaseh2 ne, sarang2 ye malka control ye deyalem pag lahat te duk sanyang, at least mag kapiunyahan c kite bi kemon.

Mag maap kaam si bissa ku inin, maksod kun mag pahap bangsa duk lahat duklabi bang Agama te Islam...general openion hadja iyan, duk at the same time ye iyan kabayaan tuhan ten...

Kunsi Sambahayang.

2009-10-28T04:58:00.000-07:00

Farman sin Allahu Ta'ala si surah Al-Furqan Ayat

قال تعالى
و انزلنا من السماء ماء طهورا

paturun weh kami amban diyata langit in bohe sutsi,lanu,lissin

قال الله تعالى
و ينزل من السماء ماء ليطهركم به

Parman: duk pinaturun weh allahutaalla amban diyata langit in bohe pangandaak pagsutsi,

MIFTAH,,BAHASA ARAB,,

,KUNSI BAHASA YAKAN,,,

sambungnen yene kunsi sin sambahayang (TAHARA),bahasa arab,..bang si bahasa yakan,,,Pagsutsi,,,paglanu paglissin, amban kemon hadas,( taga junub)

Bang si sarah ne TAHARA in subey kaam maglanu lanu amban kemon najjis lemmi si aggawta baran duk latun ne si pag-semmek, subey ru isab daran mandi sambil mag bettad tawas si ilek buh gey bawwan pamarananin,duk mag sipilyu daran, duk siwak,duk meh panapet bin subey ru isab dinakdakan daran,dumain isab iyeru pagsongget lahing iyeru pagbunut lahing iyeru pag pessi kenna iyeru panglabas iye ru patuli iyeru panambahayang, daa.,,,miha kite semmek bahagian si pagsambahayang, duk saddi paglengan.

In paglanu amban ginhawa baran lamud iye amban eiman

Sabda rasulla s,a,w
الطهور شطر الايمان

In pag lanu lanu (amban ginhawa baran panemmek) dantenga amban meh (eiman) pamaratsaya,

Farman sin Allahu ta'ala si surah Attawba ayat 11.

ان الله يحب التوابين و يحب المتطهرين

Sabennal teed in allahutaalla makasi malasa si meh magtatawbat,duk makasi malasa si meh maglanu lanu,lissin amaban kemon (amban kemon panemmek latun ne si pangateyan, lanu amban kemon jingki,iggil)

HADAS ATAS DUWE PARKALA:

1-Hadas Akbar,,,hadas hajje
2-Hadas Asgar....hadis diki

(1-)Hadas hajje...subey pinandihan (hatinen taga junub) binasse kemon baran nun,manjari buh kew mag ayil sarta nambahayang ne,

INE NE PAIN HADAS AKBAR,,HADAS HAJJE:

1-Magdakpak duwe kasunnatan maglawlakibini,,,wajib pinandihan katibuukan sin aggawta baran.

2-Hayid: laha si dende kahaba bulan patekka si siye,gey makajari nambahayang, gey makajari ngantan qur-an duk massa qur-an, makajari pakale sadja,

3-Laha Nifas pinag alenan bakas nganak sahinga gey pe taabut eddah ne lanu,

4-Istihada-laha saki kadendehan si puwas siye ilaha amban eddah re,

2-Hadis Asgar...hadas diki...subey kew mag-ayil buh kew nambahayang gey tayma sambahayang nu bang kew gey bakas mag-ayil,,

INE ISAB HADAS ASGAR,,,,HADAS DIKI

(1-)Amban hadas diki yene maka mange,maka antut,maka sungi, maka igit,atwa kan pajatu si iye in madzee atawa kan waddee,

INE ISAB MADZEE: in madzee yene kau guwaan kew pasalan pag imajine si duwe kasuunnatan,sarta pit iye, JIMA

WADDEE: iyene kau guwaan si puwas amban mange nuhut iye poteh,damikkiya iyan najjis,

BAHAGIAN SIN PAGSUTSI,(TAHARA)
الحسية والمعنوية
HISSIYAH DUK MAHNAWIYA

A-In hissiya paglanu amban kemon tampal si ginhawa baran wajib subey ilanuan amban kemon najjis lemmi, istinjah duk pag-ayil,

B-In mahnawiya,,,Paglanu amban kemon saki pangateyan subey ilissinan malemmiin, iggil,jingki,magpasikat duk takabbul,duk duwal si panuknaan pagkahi ne,

PARAGPAK NE KEW SI SAMBAHAYANG PUWAS AMBAN TAHARA.
Hatinen: gey kite dinaak patapit atawa kan paharap si allahutaalla bang domain kite lanu duk lissin,hatinen subey dahu taeddoh nu in kunsi hasupaya kew makahasil karidaan amban alla hutaalla,

Sabda sin Rasul s.a.w:

لا يقبل الله صلاة من أحدث حتى يتوضأ

Gey tayma in sambahayang sine sine taga hadas sahingga gey makapag ayil

مفتاح الصلاة الطهور | الوضوء للصلاة وما جاء أنه لا تقبل صلاة بغير طهور

1-Kunsi sambahayang magsutsi (TAHARA) mag ayil sabab gey tayma sambahayang nu bang gah niya ayil nu.

2-قال رسول الله : " مفتاح الجنة الصلاة و [مفتاح الصلاة] الوضوء ".
2-Hadis rasululla sallallahu alaihi wasallam.kunsi sin surga sambahayang kunsi sin sambahayang (ayil)

اللهم افتح لي أبواب رحمتك

3-Nganduwaa kew ubus nu mag ayil, oh!tuhan ku
lukahun aku in gawang rahmat nu.

قال رسول الله صلى الله عليه وسلم : لا وضوء لمن لم يذكر اسم الله عليه .
(بسم الله)

4-Hadis rasulullalla sallallahu alaihi wasallam…gey sampurna ayilin bang gey makalapal alen alla hutaalla,,,(BISMILLA)

سمعت أباها يقول : سمعت رسول الله صلى الله عليه وسلم يقول : لا صلاة لمن لا وضوء له ولا وضوء لمن لم يذكر اسم الله عليه .
(بسم الله)

5-Hadis rasululla sallallahu alaihi wasallam takale ku rasululla sallallahu alaihi wasallam magsabda…gey tayma in samabahayang si gey makapag ayil duk gey sampurna in ayil bang gey kalapalan alen allahutaalla, (BISMILLA

Maana sura Yasin 13-17

2009-10-28T00:55:00.000-07:00

13 وَاضْرِبْ لَهُمْ مَثَلًا أَصْحَابَ الْقَرْيَةِ إِذْ جَاءَهَا الْمُرْسَلُونَ

Duk ngeddo kew, (oh mohammad) hinang nu si siye ( siye meh magpuputing si kau) pamintangan ( amban meh salsila) sin meh siye aa sin dambuwa kawman apabila patekka si kawman iyan taraak (sin allahutaalla)

14 1ِذْ أَرْسَلْنَا إِلَيْهِمُ اثْنَيْنِ فَكَذَّبُوهُمَا فَعَزَّزْنَا بِثَالِثٍ فَقَالُوا إِنَّا إِلَيْكُمْ مُرْسَلُونَ

Si masa ley magpaboo kami pi si siye duwangan Aa pagsakali pinuting weh de in duwangan Aa miyaan, manjari tinambahan pe weh kami si katellu re buh ne siye maghimumungan si siye (si dambuwa kawman miyaan) pain de sabennal teed in kami pinapitu si kaam taraak,( weh alla hu talla pinaduwai pitu si kaam pinakuwat tengko (nungku) kaam si gah niya sakutu ne)

15 قَالُوا مَا أَنْتُمْ إِلَّا بَشَرٌ مِثْلُنَا وَمَا أَنْزَلَ الرَّحْمَنُ مِنْ شَيْءٍ إِنْ أَنْتُمْ إِلَّا تَكْذِبُونَ

In sambung Aa kawman miyaan nagkabtangan siye,in kaam iyan dumain du isab kaam amban ine ine,buwat malaingkan Aa ru isab kaam kuweh kami hin ( saka ula ula meh malaikat kaam taraak kaam weh alla hutaalla, buh kaam iyan Aa ru kuweh kami hin, weey pe gah pinturun pitu si kami magtuy in wahi,) duk gah du alla hutaalla magpaturun wahi, buwat malainkan pitu sadja kaam si kami magputing.

16 قَالُوا رَبُّنَا يَعْلَمُ إِنَّا إِلَيْكُمْ لَمُرْسَلُونَ

Pain sin meh Rasul (Sin allahu Taalla) in tuhan te bi labi ngatau sin sabennal bennal teed in kami tantu teed meh rasul pitu si kaam pinaboo.

17وَمَا عَلَيْنَا إِلَّا الْبَلَاغُ الْمُبِينُ

Gah kawajiban si kami buwat malaingkan tempet sadja magpasampay sin pinaturun labi in tarrang.

Pasal pagsungian subey pinatibas.

2009-10-26T18:58:00.001-07:00

W.alaikumussalam;
Landu kahap tilew nu ini kah pinag kasakahn kami si usbawaris,in qibla subey iye pinagmartabatan gey hinarap duk tinaykutan bang jamban atawa kan mange, sabab dumain manusiya magbettad iyan, special pangurung si kite bi bang nambahayang subey paharap si kahba qibla sin kemon moslim, in conection ne pariyata yene isab baytul mahmur,pagtawafan isab sin meh malaikat,

HADITH: s.a.w.

لِقَوْلِ النَّبِيِّ صلى الله عليه وسلم ‏"‏ لاَ تَسْتَقْبِلُوا الْقِبْلَةَ بِغَائِطٍ أَوْ بَوْلٍ وَلَكِنْ شَرِّقُوا أَوْ غَرِّبُوا: رواه البخاري

Sabda rasulullah sallallahu alaihi wasallam,da harapun bi in kibla tin bang kaam sungi atawa kan mange.sumagawa patibas tibas kaam.

Dumain hep kiblatin harap pasilangan atawa kan harap paseddepan, in kiblatin si tenga bang amban silangan harap nen paseddepan, bang amban seddepanin harap nen pasilangan,bang amban diyatiin harap nen padiyaut, bang amban diyautin harap nen padiyata, sumagawa bang kaam ngahinang pagsungian subey pinatibas tibas, sabab gey ru isab manjari tinaykutan.

Jawab Pasal freindster

2009-10-26T18:25:00.001-07:00

Salam, Mag sukul teed si meh pungtinai ku si USBAWARIS ININ, tabasa ku meh telew duk sambag bin PASAL FRIENSTER, amban sabab iyan mag eekka pang hati KAMIHIN MEH READERS pasal agama duk nasihat kamattoehan,,,,kuweh ne kaam iyan.....Dakew wey be isab kew iyan mag address BUDJANG LAUNAN?, sarang miyaan budjang ne hadja,,,,,,,amban be lahat nu iyan? bang makajari mag pakilale kew si kami, labi bang aku....pasal aku amban Kailih ku, anda kun amban Along2, ampat ne anak kamihin meh dikih pe.

Believed ku si kau Budjang, naimah kew/kaam nasihat meh kasakahan bi, ,,,any way dumain iyan amban kami kinabayaan meh guru te iyan, sah amban sarah tuhan mag protect si meh ka fatima-an, kuweh ne pinain kahtuwan Admin ley , siye iyan nuhut sarah Tuhan hadja duk mag pasaplag hadja nuh si kite bi kemon supaya kitelappas dinya duk ahirat......

Dumain inin pamayhalah ku Kahtuwan Admin, duk daa kew ngama si aku, paku kami be isab bang makajari si kau/kaam, jarihun isab mag bettad pattah bang siye member si web site ye meh fatimah in bang dambuwah du pattah de, bu lagih meg turung du isab, duk mag cover baran du isab makajari ne si ine2 web site, kahtuwan admin salih du hep si pattah duk si guwah,,,,mag harap duk siye, makajari du isab kite bi mag kite duk siye bang mag turung du siye duk bang cover du isab awrat den kemon... allu asal tinalew ne hep ku ih si kau dukleman, kalu pain nu mag tau2 ku ,,,, dumain teed,,,, bassa hun sab ne diyawah iyan...

Taarufin atawa kan mag kilale-kinalale hin daakan agama te islam, Pain Tuhan te Rabbul Alamin

يا أيها الذين امنوا انا خلقناكم من ذكر و انثى وجعلناكم شعوبا لتعرفوا ان اكرمكم عندالله اتقاكم

Oh kaam ye meh magparatsaya, bennal teed pinapanjari kaam weh kami lella duk dende, supaya kaam mag kilalae-kinalale, Sabennal teed ye mahamulliya amban kaamin, bang si Allahu Taala, sine-sine makalanduh pag matelew nen,,,,,,, bune meh Pattain, dambuwah amban labeyaan atawa tamba sin pag taaruf or intruduce, antarah dambuwah aa pi si dembuwah aa, supaya kite mag kinatau-kinatau lagih kuweh kite bi inin mag tala lahat.....insa allah ganah duse taeddoh te bang dumain du isab subra ye kahantang pattah ley, kuweh ne sambatan ley mag pa sexy....

Subject kin naan pasal duse,,,, ine mag duse be siye bang mag bettad pattah de meh fatimah in si frienster or web site? bu meg turung du isab, duk futus du kemon awrat den?

# bang mag duse dende hin bang siye mag bettad pattah, subey du iasb mag duse meh lellahin, paeggeh kite meh ka fatima-an meh pattah meh Kalellahanin...peggeh duse hep pag bissahanin naan.

Summary:

Daa ne kaam mag bettad pattah bang ekka, duk bang ganah turung ne meh anakku bisan antag web site....hinalli-an agama ten duk gai tahinang pitna,,, bune kami duk disi admin lasa kami si kaam, supaya hap in future bin ubus pag school bin duk hap pag usaha bin, tattap in pag kasi lasa bin duk meh usba waris bi tala tapit,,,,,,,

Daa teed kaam ngama si aku, sabab pikilan kinin, dumain iyan panulang ku si kaam duk pangalarak albi bang nasihat Kahtuwan Admin ley, asal parulus du isab ku si iye, bayah ku hadja patenggah si kaam, niyah hadith du isab ngaka, pain ne (khairul umour awsatuha) sahap2 ne hinang atawa pakaradja-an, Iye ne si tingaan atawa sarang2......

Ye punsak kullu nen, pain abahi-in, maksud kun naan, bang pain kite bi si USBA WARIS sin gai pulak kanat, sartah kinabayaan kun mag tatamba bangsa ten bi ngaekka too si website inin....

Wa billahi tawfiq warridaa wassalamo alaikum, ngagad ku tuh bi balik pasal inin

Mamatey Aa dehellu ley antag ne siye

2009-10-21T02:30:00.000-07:00

Assalamu alaikum….

Kahalan sin kubul iyan amban meh (gaibiyat) gah kite te bi duk mata te bi sumagawa subey wajib iye pinaparatsaya weh pangateyan duk pinaasek si akkal sababan pinaturun in qur-an si nabi te mohammad sallallahu alaihi wasallam,ngaka pasal kahalan dem kubul, panagnaan ellew qiyamah, surga,atawa narka duk tasabbut sin hadis nabi te mohammad sallallahu alaihi wasallam kahalan dem kubul niya pagtanya si kau mamatey ley,

Gaibiya..Tellu parkala..

1-gaibiya madhi
2-gaibiya hadir
3-gaibiya mustakbal

1-in gaibiya madi..bakas takite weh mata manusia sumagwa palabey ne kuweh aa dehellu kweh me sahabat gaib ne siye sumagwa bakas takite,kahagad kite pasal aka mappasunu in,

2-gaibiya hadir…niya dem ennaan nu inenna weh nu gah kite kami kau ru mangatauhan iyehin.saupama niya sinnu dem pitakanu gey katauhan kami bang piye sin kau ru mangatauhan iyehin.

3-gaibiya mustakbal,,,,allahutaalla ru mgatauhan iye hin duk makakite iyehin duk wajib paratsaya te pasal niya dalil amban qur-an duk hadis. Saupama nene kuweh dem ajab kubul, surga, duk narka

manjari atas duwe parkala kahalan dem kubulin:

1-siksa (ajab) narka jahannam,,,kalaatan, karukkaan, kasusehan, ngasang ne bang mangasangin,ngillap ne bang mangilahapin, gah ne niya pamakuahan ne tabang atawa kan kahapan, aujubilla minzalik,,nah hatihun bi pahap gah tasabbut si qur-an atawa kan si hadis in kau makajari balik hap bulak dunya,NO RETURN

2-Surga (janna) kakabbunan,kahapan kasanyangan,magkinaagen kinubul sa duun duun hawa kahap nen duk kasanyang dem kubulin,

عَنْ عَبْدِ اللَّهِ بْنِ عُمَرَ ـ رضى الله عنهما ـ اَنَّ رَسُولَ اللَّهِ صلى الله عليه وسلم قَالَ ‏"‏ اِنَّ اَحَدَكُمْ اِذَا مَاتَ عُرِضَ عَلَيْهِ مَقْعَدُهُ بِالْغَدَاةِ وَالْعَشِيِّ، اِنْ كَانَ مِنْ اَهْلِ الْجَنَّةِ فَمِنْ اَهْلِ الْجَنَّةِ، وَاِنْ كَانَ مِنْ اَهْلِ النَّارِ فَمِنْ اَهْلِ النَّارِ، فَيُقَالُ هَذَا مَقْعَدُكَ حَتَّى يَبْعَثَكَ اللَّهُ يَوْمَ الْقِيَامَةِ: رواه البخاري

Hadis amban abdullah anak si omar kinalasahan siye weh tuhan, bennal teed in
rasulullah sallahu alaihi wasallam magsabda: bennal teed apabila matey dambuwa amban kaam pinakite si kaam magtuy timpranu in tampat bin (bangkuh bin) duk kaelluman bin, bang in kaniyaan aa surga nah tantu surgah tampat bin,bang in kaniyaan bin aa narka nah narka du isab tampat bin, nah pain malaikatin itu ne tampat nun sampay kaam tekka si ellew kiyamah.

Parman:

يُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآخِرَةِ .

pinattap weh allahutaalla meh siye mohmeen magkabtangan kalimah (tawheed) amban ellew dunya sampay song maglain si lahat kakkal,( iye iye panabbut den) sampay tanya diyalem kubul,sampay si ellew qiyamah tattap kabtangan den gey mag enge enge,

nah saingge ne bang gah niya sambahayang ammal ibadat? Jawab ne # 1

hadis riwayat moslim… apabila diyalem kubul tinanya ne kew,bang kew mohmeen tatap makalapal kew (asshadu alla ilaha illalla,mohammad rasulla) duk damikiyan tasabbut si tafsir ibnu kasir,

Tasabbut si hadis..tanyag du hadis inin si kite b kemon

Tekka duwe malaikat piyu si kau si kubul nu, nah bang kew mohmeen kabtangan nun (ashad annahu abdulla warasuli) pain duwe malaikat miyaan bang kew gah mag paratsaya si allahutaalla sampurna paratsaya,pamanun be lahat gey magparasayahin pinakite si kau in narka jahannamin..

Damikkiyan pinakite ne isab si kau kahalan dem surga in kemon kahapan nun,magkegkeg nekew,

Pungtinai ku si agam islam,,tasabbut si hadis kaniyaan rasullla sallallahu alaihi wasallam daran panginduwaa nen

ALLAHUMMA AUJUBIKA MIN AJABIL KABRI, WAMIN AJAB NAR,WAMIN PITNA ALMAHYA WALMAMAT. WAMIN FITNA ALMSIH WADDAJAL,

SAHIHUL BUKHARI,

PARMAN

أُولَئِكَ هُمُ الْمُؤْمِنُونَ حَقًّا لَهُمْ دَرَجَاتٌ عِنْدَ رَبِّهِمْ وَمَغْفِرَةٌ وَرِزْقٌ كَرِيمٌ

"أُولَئِكَ" الْمَوْصُوفُونَ بِمَا ذَكَرَ "هُمْ الْمُؤْمِنُونَ حَقًّا" صِدْقًا بِلَا شَكّ "لَهُمْ دَرَجَات" مَنَازِل فِي الْجَنَّة "عِنْد رَبّهمْ وَمَغْفِرَة وَرِزْق كَرِيم" فِي الْجَنَّة
Siye ne mgparuntunganin iye magparatsaya sampurna pamaratsaya si gah niya pag duwe duwe sa langkew langkew darajat si ellew kakkal surga duk kaampunan duk meh amban rijjiki dem surga magduhul bayah kew,
Kubulin…surga atawa narka,,,alla hu ahlam

Maaf bang niya luu gah tumawwa nah patawwun bi aku ini Sali bi bang si agama da kaam mag-ang ang magsahawi, bang tumawwa iyan tawfik amban alla hutaalla bang kulang atwa sobra iyan amban aku duk amban saitan..allahu ahlam

Kahalan Pagbirtday.by:Ustadz Alih Awal Ajanti

2009-10-18T14:26:00.000-07:00

وعن ابن عمر - رضي الله عنهما - قال: قال رسول الله -صلى الله عليه وعلى آله وسلم-: من تشبه بقوم فهو منهم

1-Amban anak si omar kinaridaan siye weh allahutaalla karuwangan..Mgasabda Rasululla sallahu alaihi wsallam…sine sine matuk laku tabiat si meh kakahinang kawman (kapil) lamud siye amban meh jumlahan de.

Birthday, magkalang kalang duk magpedda ebbut duk dulang tirigu binettaran ebbut diyata ne bahasa paglami lami si ellew pag-anak,iyan amban meh kakahinang bangsa kapil visaya, Haram kite matuk laku si siye kuweh ne hadis nabi te pilihan,,lamud kite amban jumlahan de bang kite matuk laku si siye.

Buh meh iyan kakahinang meh kapil bisaya daa anad tebi duk daa pakitehan tebi meh kaanakan te kakahinang iyan supaya siye gey neppu pain weey buh hinang iyan si amma duk si inah halli kite bi pls

Pakitehan tebi Anakin magsambahayang jammaa si langgal si waktu ne..duk bissara lamma lambut duk magbassa qur-an si luma duk daa pinakalehan atawa kan pinakitehan kakahinang kapil bisaya,duk daa inanad magbissara putting.

Saupama niya nawag si mobile atawa kan si lanline ubus makasambagin anak, ubus nawag ne Anakin si kau oh! amma niya nawag si kau,ubus aka nu si anak nun painun gah tuu si amma buh parahal luu ru kaam magbissara harap harapan, dambuwa ne taeddo weh meh anak pangadjian putting, nah daa pls buh siye gey neppu magputing pag abut de hajje, kau in saih samah tanggungjawab si ellew pagbista si ellew qiyamah, duse hajje..

Pagduwaa salamat……

Niya isab amban meh ulama ngaka bang isab kaam magduwaa salamat sarta magpakan pakan kinakan pasal keg bi si anak bi gah niya siggul saggah ne, alla hu ahla

Jawaban: Mohammad G Indalal

2-Salam, iyuh be sambung kah tuwan Javadi iyuh asal tawwah si mata tusek ne, gai teedleppa amban kasabennalan, bang pain mag tatamba mahlumat nun sartahmag mumpaat si meh pungtinai siusba waris GURU..

PASAL PAG JAMU SI ELLEW KAPANGANAKAN (BIRTHDAY):

Ganah suwi2 tasabbut, salih du talukis dem kitab agama atawa tabissa weh meh ulamah, weh Panghuh te Nabi Mohammad S.A W.bakas mag jamu si ellew panganakan meh anak ne atawa kan ellewpanganakan ne.
Duk ganah du isab tasabbot weh niyah meh sahabat, duk meh manuhut si siye ley mag jamu siye amban baran de ne si meh meh kaanakan de.

Paniyah birthday iyan sipangadjih mukarana al-adyan, Comperrason Religion, panguntra meh satruh Islam si Agama te, peggeh mag saggah meh ka-ulamaan ten pasal pag Maulud te si Nabi mohammad S.A.W., pain dabahagih kajari, pain dabahagih in gai kajari, haram.
amban sababan iyan pinakaseg teed weh meh kalonosin pag celebrate de Birthdayin....labine teed bang christmas, ellew panganakan Tuhan de koh pain de, asal mag palami teed siye, lagih teed bang nasrani yahudi si pilipinanas,

Kaniyaan seddi bangsa, kuweh nesambatan biley ninged, duk ngelekkat si meh kakahinang ley, bu parahal Kew Agama teed in kabayaan nen duk pangandaakan nen mag pamura si meh muslimin dumain mag pahunit,

Pandak nen ye meh Bangsa te ninged2 duk matu laku, subey pinages sabab dumain dem sarah duk niyah subahat ne. niyah siggul ne si agama. weey?

1. bisan du mag celebrate birthday Panghuh Mohammad SAW. gai du kajari, mekesah bang birthday meh kaanakan tebi.
2. Mag pakaat kew sin... ye pag birth day nuley, bang pag sadakka nu pa ngagadjinu guru, dambulan mas labi hap, or pag napaka nu si ahlie nu, bune meh aa mag pakaatin amban pungtinani saitan.
3. mag dusepekew, weey?bang kew mag birthday, inivite nun meh aa dayahan hadja, bune miskinin, wal teppet mayam.
4. bang patekka, ngutang kew bang ne kew biyaksa mag birthday anak nu, adakala, niyah gai kabayeran sinukut pe ih si kau.
5. Bang patekka tahinang riyah pakite2 pe si meh tapit lumah nu, maka gees kew mag pakan siye gai. duk ekka pe seddi kadrusehan tahinang nu....

Ine subey hining nun bang umabut anak nun si waktu ellew panganakan iye....

1. Anarun mag bassa kur'an, or bang hadje ne daak kun massa kur'an gantih pag sukul si Tuhan hatinen weh iye pinaabut si ellew iyan
2. Daakun mag tasbi, Alhadulillah pabanes, mag sukul iye peggel pinatahah umul nen sartah diyalem pag ibadat.
3. Makan kew meh makanak miskin, dumain dayahan, or kajaridu isab, sah labi hap bang miskin. mag sukul kew rinidjikian kew weh Tuhan anak duk artah.....
4. ellew ilih subey teed anad nu anak nun mag sambahayang, iyan subey pakellatan meh anak ten bi pungtinai.

Bune meh lansuk duk meh cake sinulatan happy birthday, adat kalonos iyan subey gai siningeran duk Hram teed anad te bi meh anak ten bi, bista nu meh Yakan Masa ley meh anak den sampoh, sampoh bulan mag bitrhday.....dumain trabahu mura meh Tuwan...hangkan Agama ten tabalik ku mag pa mura dumain mag pahunit.

Jawaban kahtuwan awwal alih ajanti.

Napaka Pasal Pag Anak Anda

2009-10-18T05:44:00.000-07:00

Assalamu alaikum….Panilew nu tuu kah asidin ine halal si ella in usaha anda,,,

In sambung tuu,,,awe

Sumagawa haram si ella ngeddo sin anda ne si gey katauhann andane malaingkan isab bang pagjanjian usal si paggastu gah niya siggul saggah ne.sumagawa paliyu billai gey makajari si gey maid amban anda, maku pahap domain ngeddo si taikutan anda,,in iyan (HARAM)

Duk in anda bang ngurung si matattoe ne,si pungtinae ne gah niya kapatut nu naggah iye,atawa kan magsadakka si kapungtinaihan miskin damikyan….niya kapatut in ella si arta anda bang in anda pagmahsiyat ne in arta nen,

Balik te si agama pegge kabayaannun subey niya hadis ngaka.
Sakurang kurang bang dondongan te in hadis nabi te mohammad sallallahu alaihiwasalla….gey hep kite dinaak mag-anda bang gey takole ginastuhan lahil batin.

يَا مَعْشَرَ الشَّبَابِ مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرجِ، وَمَنْ لَمْ يَسْتَطِيعْ فَعَلَيْهِ بِالصَّوْمِ، فَإِنَّهُ لَهُ وَجَاءٌ». رواه البخاري ومسلم .

Oh! kaam meh kasubulan, sine sine amban kaam makagees magnapaka lahil duk batin (mag-anda kaam) nah iyan makatampan si kaam si ka laatan,duk damikkiyan maka taming sin jinah, duk sine2 gey makageesin labi hap si iye mamuwasehin atawa kan nandal, sabennal teed in puwasehin makapahgang sin sahwat.

Sumagwa iyu ne meh kapungtinaihanin gey ne tasagang bang magkabayah ne minsan gah niya arta pag-anda ne, nah ine tendency nen sigpit kahalanin,buh adapun in mgtawakkal subey kew safety amban kemon, mahna subey kew saddiya si pag-anda napaka arta duk batin…sabab kau in ella tanggungjawab si kemon pariksa dunya haggut panas.labi lubah ne bang niya anak nu.

كلكم راع وكلكم مسؤول عن رعيته
Hadits…
Kemon kaam (KALELLAHAN) tanggung jawab kaam si parihalan kaandahan duk kaanak bi. Allahu ahlamtilew ha

Tilew Pasal Nikab

2009-10-12T22:04:00.000-07:00

﴿يَاأَيُّهَا النَّبِيُّ قُلْ لأَِزْوَاجِكَ وَ بَنَاتِكَ وَ نِسَاءِ الْمُؤْمِنِيْنَ يُدْنِيْنَ عَلَيْهِنَّ مِنْ جَلاَبِيْبِهِنَّ ذَلِكَ أَدْنَى أَنْ يُعْرَفْنَ فَلاَ يُؤْذَيْنِ وَ كَانَ اللهُ غَفُوْرًا رَحِيْمًا﴾ سورة الأحزاب: ٥٩

Oh kew nabi akahanun kaandahan nu duk kaanakan nu duk meh kadendehan mohmeen magputus ginhawa baran de,(Jilbab) tinabunan kemon baran de, iyan labi makahap si meh dende mohmeen hasupaya siye gey tajulaka (weh kalellahan) duk kaniyaan allahutaalla labi mangangampun duk labi makasi

PARMAN..

إلا ما ظهر منها
MALAINKAN DUWE TANGAN DUK LUWE MAKAJARI PINATAMPAL.

1-in magnikab dumain wajib duk dumain iye sunnat,,,,in iyan kau magbayah in bang kew mabayah magnikab gah niya siggul sagga ne.

2-bang isab tahinang pitna si kau dende magnikab kew gah niya siggul saga ne,sumagawa isab bang kew gey pinaasek si hinang pasal pag nikab nu duk pag iskul nu damikkiyan dane kew mag nikab mararahi ne si kau magturung duk magbadju taha subey pain isab katabanun batang kellong bin, da pain isab pakekkerun bi sawal bi. allahu ahlam

Salam, matuk kite daahat pasal nikab tempeng luwe, iyuh netabissa bi kemon diyal;em sarain, si aku hin ye proof duk evedensia takite mata, bang telew te kaam bang bennal awrat luwe dendehin, hin hati nen haram bang kite wh lellah sartah mag duse siye salih2, wey bang waktu hadji mag ihram dende hin niyah mag nikab niyah gai, alhasil ye mang gey mag nikab ley pitna, wey allowed weh parenta saudi mag hadji bang asal haram, alhasil meh tuwan meh dayang pasal nikab duk gai mag nikab, maka jari, defende si niyat, dumain ke paion be mah na hadith ley innal ahmalu binniyat, bang niyat nen ibadat pag nikaban nen tandah talew ne si tuhan kalu iye maka pitna, mag pahalah, sah bisan isab mag nikab bang mag text du duk lella mag kasa, mag abih nuhut sassat saitan ganah du guna ne masu du pitna, Hangkan mag nikab dendehin kajari gai mag nikab kajari, sah defende si niyat ne.,, sah bang niyah dapat, kuweh ne meh tapain ley janan ne gai maka usaha sabab nikab ne, bu mag turung du isab, lapi apdal mag usaha, sabab sigpit dem lahatin, usaha hin bang tawwah niyah nun ibadat, Pain tuhan te Rabbul Alamin, :

هو الذي جعل لكم الأرض ذلولا قامشي في مناقبها و كلوا من رزقه و اليه النصور

(Hatinen, Iye mag papanjari si kaam bulakin pabellat sartah luha, na Mag lingngan-lingan kaam diyatah ne kaam masiyal duk manngan kaam amban meh ridjikih ne, kimmatun bi hadja weh matey kaam si iye du kaam moleh, 1) ngandaak ngusaha , mangan, 2) ngandaak mag lengngan-lengan, 3) matey kew, bang kew mag bungkos lagih si tempo kuwe-itu suspek ne hadja kew mag palettop baran nu, bu parahal kew, aa hatul kew, niyah ne subahat ne. duk ekka seddi billai....tambus meh sinduwehin sah. allahu ahlam bissawab

JAWABAN BY: KAHTUWAN AWWAL ALI AJANTI

Telew Pasal Munafik

2009-10-12T18:39:00.000-07:00

إن المنافقين في الدرك الأسفل من النار .. )

Parman,,,,bennal teed in munafix diyalem siye narka jahannam,pinakadiyawa narka....aujubulla minjalik

Munafik...magparatsaya si tuhan tampal si manusiya sakaula ula aa bentel,,sumagawa pangateyan nen ittem pangakkal.panipuh,dustaan,makaatas pungtinae ne mapatey,bang sadja siye maka sin duk makapagnakura.siye ne iyan pinaka danger moslim si dunya pinag alenan munafik....hap pe kapil katauhannu asal kuntara pegge moslim munafix gey katauhannu,paglessah nu iyu ne sadja kew pinabantang,sinekkel sarta pinapatey sinumbali. hatuhun bi pahap kaam ne iyan pinaka # 1 siniksa pinakadiywaa narka jahannam sa panas panas,,,aujubilla minjalik.

Post by: sandy jawab:by admin..Mohammad Indalal

Tilew pasal putingan

2009-10-12T18:34:00.000-07:00

وعن أبي هريرة -رضي الله عنه- قال: قال رسول الله صلى الله عليه وعلى آله وسلم: آية المنافق ثلاث؛ إذا حدث كذب، وإذا وعد أخلف، وإذا اؤتمن خان متفق عليه،

Assalamu alaikum….Hadis.

Tanda sin munafik atas tellu parkala..Bang magkabtangan dustaan…magbalubah janji, duk gey kapag amanatan.(gey kapangandelan)

In munafik lahat den dem narka jahannam pinakadiyawa narka sa panas panas narka gey tabilang panas nen,,aujubilla minjalik,

Parman,,, .. إن المنافقين في الدرك الأسفل من النار .. )

Parman,,,,bennal teed in munafix diyalem siye narka jahannam,pinakadiyawa narka....aujubulla minjalik

1-subey kite mag-anad magbissara bennal dambuwa meh alamat katalew atawa kan katapit nu si allahutaalla,

2-subey kite mag-anad baran te magjanji tuman dambuwa amban sababan in kau landu kaadil si pagkahi nu.

3-subey kite mag-anad kapag amanatan duk kapangandelan ine ine amban meh parkala makahinang siggul saga si pagkahi nu moslim.dambuwa iyan alamat in kau mag magmatalew si allahutaalla.barakalla pik,,,May alla bless you

JAWAB BY BY:ADMIN..Mohammad Indalal

salam duk kasilasa si kau kahdayang nke atawa kahtuwan niyah bissara ilebbahan weh panghuh te muhammad sallallahu alaihi wasallam pasalan iyan mag kulang maglabi painne {{ almuslimu la yakdzib}} muslimin painne gea magdustah.
wea hinaram magputingin??na asal tampal kalaat duk kapas nen.tndah nen mapotein tahinang ittem sabab puting.mabennalin tahinang gea too sabab putinG..duk ekka pe samiyaan meh buwah pagputing inin gea tantu hap si pamayam te labi2x nen si allahutaala..
damikiyyan niyah hadith panghuh te mohammad sallahu alaihi wasallam painnae {{ innal kadziba yahdi ilal fujur wa innal fujura yahdi ilannari}} in bennal2x painne pagputingin moo kau hap kalaatan ubus kalaatanin moo kau magdem narkah..wal iyadzu billahi in dzalik..
malaingkan niyah atas tellu parkalah jinari weh islam magputingin kaissah nen lella si anda ne,bng saupama bng meh mag anda duwehin takite weh poonin sartah tatilew ne bng wea basseh bu kok nun lagi ellew pelah2x lea makajari kew magpain bakas tewwah ulan berang metek2x dyawah..hehe..kruwenen si pagbonoan,upama nen niyah makatilew kau meh kuntara gah kew taalab alab ne sundalu muslim bng piye ekka sundalu muslimin makajari nepi edit nu meh dahatus ngbu painnu bsan du sempuh kayuh supaya naghap kuntarahin si kite,ikatellu nen ih pain takalupa ku ambt sah sabbut kahtuwan admin iyuh bng ine ih ..bng nah dapat ambt bettad ne kite hadith nen para mas lbi hap..hehehe..

allahu ahlam maassalama bng du kitebi pain hinidayatan weh allahu taala dngan parangan

HADIS,,,,
عَن عبد الله بن مسعود ، رضي الله عنه ، عن النبي ، صلى الله عليه وسلم ، أنه قال : عَلَيِِكُم بالصِّدق ;فَإِنَّ الصِدْقُ يَهدِي إلىَ البِرِّ ، وإنَّ البِر يَهدِيْ إِلىَ الجَّنةَ ، ولاَ يَزَالْ الرَّجُلَ يَصْدُق ويَتَحرَّى الصِّدقَ ، حَتَّى يَكْتُبَ عِنْدِ الله صِدّيقًا ، وإيَّاكُم وِالَكْذِبَ ; فَإِنَّ الَكذِبَ يَهدِي إلَى الفُجُوْرَ ، وإِنّ الفُجِوُرْ يَهدِي إِلى النَّار ، وَ مَا يَزاَلُ الرجُلْ يَكْذِب ويتَحَرَّى الكَذَب حَتى يكتبُ عِندَ الله كَذًَّاباً " . متفق عليه

Amban Abdullah anak si mas-od kinalasahan weh allahu- taala bennal teed in rasulullah sallallahu alaihi wasallam, magsabda magsuysuy kaam bennal, nah in himumunngan bennal maut kaam si kahidayatan si kasanyangan,bennal teed in kasanyangan nunyukan kaam tudju surga, masi masi ne pain kew dem kasabennalan sambil ne sinulat si kau weh tuhan kau magsipat hap,
Duk pahalli kaam amban meh kadustaan,nah bennal in kadustaan maut kaam si kasabulan, nah bennal teed in kasabulan maut kaam tudju apinarka jahannan,masi masi ne pain kew duwal si pag dustaan sambil sinulat ne si kau weh tuhan dambuwah kew amban magsipat aa laat.

tiya ne hadis pinain nun tuwan pungtinaiB jajaakumulla khiral jaja,,,wa barakalla pik,,allahumma jidna ilman, piha ku dahu hadis dambuwa iyan pungtinai.B tiya gey ngatu kasuwa ku

JAWAB BY: USTADZ PUNGTINAI.B

Maana Surah yasin from 11-12

2009-10-06T19:06:00.000-07:00

11 إِنَّمَا تُنْذِرُ مَنِ اتَّبَعَ الذِّكْرَ وَخَشِيَ الرَّحْمَنَ بِالْغَيْبِ فَبَشِّرْهُ بِمَغْفِرَةٍ وَأَجْرٍ كَرِيمٍ

11-iyeru hep iyan tempet(magkapunyahan) in pamanduh nu sine sine nuhut pinturu qur-an duk katalew si allahutaalla tuhan rahman diyalem karahasiyaan(dumain pagpakite kite duk dumain magriyah) nah patattap in pangateyan nen (tagama si iye) kaampunan duk katungbas tungbusan mahamulliya(surga)

12 إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ وَكُلَّ شَيْءٍ أحْصَيْنَاهُ فِي إِمَامٍ مُبِينٍ

12-Sabenal teed in kami paellum kami (si ellew qiyamah) in meh patey duk pikit kami (lawhimahfuz) ine ine ne hinang tatuney de duk limpa bakkas hinang den( kaellum den duk taamban den) lagih kemon ine ine( kalaat duk kahapan) tabilang kami ru( dem padduman) si kitab tarrang

Pag-anda dende taga agama islam

2009-10-02T17:45:00.000-07:00

Nasihat ku pasal pag anda,kabatangan si omar radiyallahutaalla,painne 1-pineanun saih mahapin 2-pahapun bin pag alen anak bin,2- tunyukanun bi maghapal qur-an

Pegge saihin, siye iyan mangipat anak bin si lumah ellew sangem nah bang anda bin (shaleh) taga panghati agama islam gey siye kapasagaran taipat siye diyalem agama islam minsan siye tungan tungan anak bin mag iskul si lahat bisaya kapil niya pagdefend de si baran de gey siye tagenggo gengo weh bangsa satru.

Kahekahan kuitu Anakin gey ne takolekoleh pinainan sabab weey taeddo ne siye weh bangsa satru pasal pag-iskul den.minsan alen nabihin gey ne minsan katauhan de,minsan mamassa fatiha in gey ne kasabut massa,,,,andu paku kami jungjung si kaam kapungtinaih bangsa kami yakan usbawaris,,,paadjih te bi kaanakanin si gey pe paragpak in kamateyin.

وعن عبد الله بن عمرو بن العاص رضي الله عنهما إن رسول الله صلي الله عليه وسلم قال: الدُّنْيا مَتَاعُ و خَيْرُ مَتَاعِها المَرْأةُ الصَّالحةُ:رواه مسلم:

dunyahin niya kalasigan sahap hap amban meh kalasigan dende taga pikilan hap: tapinturu ne meh anak nen si agama islam duk kapangandelan si meh arta ella ne,duk halli amban meh bissara makakaat si pungtine ne duk si anak ella ne,duk meh kawman ne

2009-10-02T17:19:00.001-07:00

Mabennal matinalew si allahu taalla hin yene siye lanu pangatyan ne amban meh kemon,,,minsan dahat lemmi lanuan ne, barakalla pikum

وعن محمود بن لَبِيِد رَضِى الله عَنُه قال: رَسول الله صلى الله عليه وسلم قال: إنَّ أَخْوفُ مَا أَخَاف عَلَيْكُمْ الَشِّركُ الأِصغِرْ : الرِّياءُ : أَخَرجَه أَحَمْد بإسناده حسن .

Amban si mahmud anak lubaida kinalashan weh allahutaalla magkabtangan, magsabda rasulullah…sallallahu alaihi wasallam bennal teed manusiya mabellaganin, sine sine matinalewin si sakutu madikiin, yene kaam magpakite kite.

Pahati si kaam pungtinae ku si agama islam, in riyah bahasa arab sin bahasa yakan magpakite kite, kahekkahan amban kaam kabayaan bin subey kaam masikatin, duk subey kaam sadja inasipin,

Duk subey sadja kaam daran malangkewin duk subey sadja kaam pina nasihatin bang gey pina nasihat nah pangamahan ne atawa kan gey ne ngasip kau, duk astel ne si kau, yan amban meh sakutu diki buwat malainkan hatihun bi pahap sababan gey kaasek nu surga, lamud iyan amban pangateyan lemmi

Halli kaam amban kotokotohan.

2009-10-02T17:15:00.000-07:00

Pasamapay si kaam kapungtinaihan si usbawaris mura2han makaeddo kaam panagdjian amban usbawaris minsan sabulakan kami in tapangadji kami azhar university,mura2han sahbu lunuk panagteyan bin massa ne sarta kabebegan te bi kemon,,,allahumma amen..bang man kuweh sapantun bulak pertilizer minsan tepparannu bigi buwahanin tomoaan dihane minsan gey pinaketo,

عن أبى هريرة رضِى الله عَنِه قَالَ رَسُوُلِ الله صَلَّى الله عَليه وَسَلَم : إِيَّاكُمْ وَالَحَسدْ ، فَإِنَّ الحَسَدْ يأكُل الحَسَنَاتْ كَمِا تَأُكُلَ النَار الحَطَبْ : أخرجه أبو داود .

Amban huraira kinalashan weh allahutaala magkabtangan magbabda rasulullaah sallallahu alaihi wasallam, hallih kaam amban jinki pegge jinkihin mangan kahapan, ngalarak sin kasanyangan kuweh pamangan ebbut kayu maglelet.
Salassayan:
Pahati si kaam pungtinae ku moslim, hallianun bi meh jinki duk ka inggit si puntinae bi, dumain bang niya dayahan, atawa kan makapagnakura pungtinae bi, tali bi isab bang sainge kakaat nen duk bang sainge ka tahala nen si pagnakuraanin, labi hap subey duwaahanun bi pinakuhan si tuhan hasupaya pinagbarakat si siye pagnakura den,
Pungtinae ku, subey kaam pahantap duk da kaam magdayi dayih si dumain amban halal, agarun bi in ridzki bin masi niya insaalla pabasag hadja kaam manganduwaahin, subey kaam maglilla ine ine kapangurung kaam amban meh rizziki halal hekka kulang, da isab kaam ngagew atawa kan makaat saweh bi si pagdaya re, pag-usaha re, pagnakura de, hap pe kaam nandal kawugtu da sadja kaam nandal narka jahannam si ellew damabulu.

kamateyin pasampang kubulin ngagaran kaam

2009-10-02T16:45:00.000-07:00

Pamaesseb ku si kaam kemon kapungtinaihan kami si usbawaris lapey ne kemon,atas duwe parkala du in pagdayahin,1-bang dumain kau inambanan weh pagdaya nun 2-atawa kan kau mangambanan pagdayah dun,mahna ne paragpak ne in kamatey,buwat adapun in kamatey pasampang si kau dumain paturul,saingge ne bang kite saddiya si ine waktu tekka in kamatey mahna nen subey sinaddiyahan lutu pahap in kamatey kubulin ngagaran kau.

عَنْ عَبْدِ اللَّهِ بْنِ عُمَرَ ـ رضى الله عنهما ـ اَنَّ رَسُولَ اللَّهِ صلى الله عليه وسلم قَالَ ‏"‏ اِنَّ اَحَدَكُمْ اِذَا مَاتَ عُرِضَ عَلَيْهِ مَقْعَدُهُ بِالْغَدَاةِ وَالْعَشِيِّ، اِنْ كَانَ مِنْ اَهْلِ الْجَنَّةِ فَمِنْ اَهْلِ الْجَنَّةِ، وَاِنْ كَانَ مِنْ اَهْلِ النَّارِ فَمِنْ اَهْلِ النَّارِ، فَيُقَالُ هَذَا مَقْعَدُكَ حَتَّى يَبْعَثَكَ اللَّهُ يَوْمَ الْقِيَامَةِ: رواه البخاري

Hadis amban abdullah anak si omar kinalasahan siye weh tuhan, bennal teed in rasulullah sallahu alaihi wasallam magsabda: bennal teed apabila matey dambuwa amban kaam pinakite si kaam magtuy timpranu in tampat bin (bangkuh bin) duk kaelluman bin, bang in kaniyaan aa surga nah tantu surgah tampat bin,bang in kaniyaan bin aa narka nah narka du isab tampat bin, nah pain malaikatin itu ne tampat nun sampay kaam tekka si ellew kiyamah.
Salassayan:
Pahati si kaam pungtinae ku si agama islam, dapain pahil pahil te bang tabassa bi in hadis nabi te mohammad sallallahu alaihi wasallam, labi awla hapal bi bebbegan bi kuweh ne sambat bang kaam mole ne si hadarat tuhan gey ne kaam tabalik hap bulak dunya, duk telewun bi baran bi sumiyan pe kaam mag ammal ibadat,

Essebun manuhut kaam hap kubulin bang kaam matey ne tellu parkala du, 1-usba bi 2- arta bi 3-ammal ibadat bi, bang kaam sinessekan ne dem kubul mole ne in duwe parkala usba bi arta bi, ineru paambanin ammal ibadat nu taggung jawab si kemon ine ine pariksa, duk tanya si kau dem kubul, nah sainge ne bang gah niya ammal ibadat nen.

Jahulaka si tapit lumah ne,!

2009-10-02T16:26:00.000-07:00

Jahulaka si bihing luma ne…

Kapungtinaihan si agama islam niya dambuwa sababan gey kew maakaasek surga iye ne dambuwa amban meh manusiya jahulaka si tapit lumah de, iggil dol si panasaan, bahasa pegge dambuwa iye meh taga kawase ngaluhud ne makitalew ne pegge in iye bahasa meh bangsahan,

Pasampay ku si kaam tagnaan te bi kuitu magsulut sulutin si antara magpungtinai da mag iggil iggil subey kite bi ngantan paheget si qur-an duk si hadis nabi te mohammad sallallahu alaihi wasallam, iyan du manunuykan kite hin bi hasupaya makahasil karidaan amban allahutaalla.

وعَنْ اَبِي هُرَيْرَةَ، اَنَّ رَسُولَ اللَّهِ صلى الله عليه وسلم قَالَ :لاَ يَدْخُلُ الْجَنَّةَ مَنْ لاَ يَاْمَنُ جَارُهُ بَوَائِقَهُ : رواه مسلم

Amban huraira bennal teed in rasulullah sallallahu alaihi wasallam, magsabda gey makaasek surga sine sine gey maka- pasanyang tapit tapit lumah ne amban kadahulakaan ne.

Landu kahalga bang kite ngasip dehellu,

2009-10-01T16:39:00.001-07:00

إِنَّ أَوْلَى الَّناسْ بالله مَنْ بَدَأَهُمْ بالسَّلاْم : رواه أبو داود "

Amban abi umama kinalasahan weh allahutaalla magkabtangan magsabda in rasululla sallallahu alaihi wasallam, bennal teed sa hap hap manusiya si tuhan iye managnaa manalam amban si yehin, (ASSALAMU ALAIKUM)
Salassayan:
Pamanun bi hadis nabi te mohammad sallallahu alaihi wasallam, hinalgaan kaam weh allahutaalla bangkaam ngasip dehellu.tiyap tiyap kew hinalgaan weh allahutaalla dem parihala nekew sabab malasa kew si pungtinae nu moslim minsan kew gey inasip sumagawa masi masi ne pain pangasip nun, dumain ih makadiyawah pagka aa nu sumagawa labi kew inangkat darajat nu weh allahutaalla sabab diyawah boohannu duk katalew nu si allahutaalla.

Dahwa'Duk Tableeg si Agama Islam.

2009-09-30T22:33:00.001-07:00

Dahwa duk Tableeg in islam

Dahwa duk Tableeg sahadje2 ibadat,

Bissara ibnu qayyim..in ulama magdahwa saka ulala milma kew in kau dem tumpukan kew meh ambiya, dalil..

العلماء ورثة الأنبياء

In meh ulamah ganti meh kanabi nabihan.

Ikaruwe bissara ibnu qayyim
ابن القيم يقول: اعلم أن أعلى مقامات العبودية مقام الدعوة إلى الله؛ لأنه مقام الأنبياء، لأنهم يدلون على الله فهم أحباب الله فهم أقرب الناس إلى الله، لأنهم يدلون على الهادي سبحانه وتعالى.
Hatihun bi pahap sa langkew langkew tampat (darajat) iye ne kau ekhlas magdahwa,nawag nawag, naabbit,ngalingan karna agama islam, sabennal teed in magdahwah sa lingkat lingkat tampat, sabab nen iyan tampat meh kanabi nabihan, maut kaam mag-ibadat si allahutaalla duk ngahasil karidaan amban allahutaalla, duk maut kaam patapit si allahutaalla,bennal teed in dahwa nunyukan kaam hidayat.

Dahwa-Maana nen… Naabbit, panawag nawag, ngalingan,matik, si agama islam

Dahwa atas duwe parkala

A- Gah niya tuhan sinumba malaingkan allahutaalla tungal iye pamakuhan gah niya sakutu ne.

لا إله إلا الله وحده لا شريك له له

فَمَنْ كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا

Parman.. sine sine kaniyaan bin ngarap magkite duk allahutaalla nah mag-ammal ne kaam pahap (mag-ibadat) sarta da sakutuhan nun amban meh ine ine.

Niya sakutu atas duwe parkala.
A-sakutu diki yene kau mag-ibadat magdahwa mag riyah sadja kabayaannun kau masikatin,,,subey kite pahalli.
B-sakutu diki isab kau dambuwa kew basag mag-ibadat sumugawa gey kew katikbih tikbian mura ngamaa missara pangkal si pagkahi.bang gey taasip janan pamukuan,atawa kan janan paminasahan….pahalli kite bilai.

Hatihun bi pahap,,Parman..

يوم لا ينفع مال و لا بنون الا من اتي الله بقلب سليم

Si ellew qiyama gey ne magmumpaat arta bin duk kaanakan bin,yeru magmumpaatin pangateyan gah niya siggul saga ne, lanu manaml pangateyan sawasa

B-Subey kite nuhut pamanduh sin nabi te mohammad sallallahu alaihi wasallam.

حديث عن الرسول (صلى الله عليه وسلم) نصه هو: ( تركت فيكم ما إن تمسكتم به لن تضلوا بعدي أبدا

Hadis..Pusaka ku si kaam antananun bi ne paheget tamanan heget gey ne kaam laung sa lama lama…….Qur-an duk Hadis….

Tableeg-maana nen… magpasampay,magpaabut,Agama islam,

1-Hatihun te pahap maana duk tafseer sin qur-an duk hadis nabi te mohammad sallallahu alaihi wasallam sarta binebbegan weh ginhawa baran para dambuwa in kau sintuan.

2-Subey hati te pahap saingge in pagmatalew si allahutaalla.duk addat hantap.

يَا أَيُّهَا الَّذِينَ آمَنُوا إِنْ تَتَّقُوا اللَّهَ يَجْعَلْ لَكُمْ فُرْقَانًا

(Parman..oh kaam meh siye magparatsaya.(bar-iman) magmatalew kaam si allahutaalla sampurna katalew,pinapinig luu si kaam kasabennalan duk kabatilan.)

Peneh tebi in kasabennalanin sababan nunyukan kite bi, pagtekka tebi si ellew qiyamah, kasanyangan, gah niya saddi tagama si kite bi bang dumain surga

Pasal isab addat tabiat.

فقال عليه الصلاة والسلام: { أكثر ما يدخل الناس الجنة، تقوى اللّه وحسن الخلق } [رواه الترمذي

Hadis.sa hekka hekka makaasek surga yene sampurna katalew ne si allahutaalla duk pangaddatan sampurna si pagkahi ne moslim.

أقربكم مني مجلسا يوم القيامة أحاسنكم أخلاقا " [رواه أحمد والترمذي وابن حبان].

Hadis…sa tapit tapit si tumpukan ku si ellew qiyamah sahap hap pangaddatan,,,,lamma lambut maghimumungan gey magbissara pangkal si pagkahi ne.duk gey magluug lama,dumain gila,

وتبسمك في وجه أخيك صدقة } [رواه الترمذي

Hadis..Ngasip kew paiyem si pagkahi nu saddakka….dambuwa amban meh addat hap si pagpungtinai.

3-Subey daran pag-istgpar si allahutaalla

جاء في الحديث الصحيح : من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب

In pag istigpar si allahutalla sababan pinamura weh allahutaala si kau in kahalan nun…

Hadis…Sine2 pahekka ne pag-istigfar ne si allahutaalla pinamura siye amban kasusehan si kasanyangan, duk amban kemon kasigpitan si kaluhayahan duk rinijjikian siye amban meh gah ta angan angan de

4-Duk subey hap parsugpatan nu duk alla hutaalla si kabilang waktu)Duwaa)

Duk subey daran in pagduwaa si allahutaalla maku pamaham duk maku ilmu tamba manamba,
( وقل ربي زدني علما).

5-Duk subey kew lanu amban meh sherik diki hajje duk takabbul duk jingki,pitna duk dumain subey kau in sikat saka ula ula kau ne matauhin.subey diyawa pagkaa nun.

قال رسول الله صلى الله عليه وسلم (( وما تواضع أحد لله إلا رفعه .

Hadis…duk sine2 diyawah pangandatan ne inangkat iye weh allahutaalla (in darajat nen)

6-Duk subey kew masabar bang niya bissara peddi si kau haggut panas.gey ne sinambungan.

وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْناً وَإِذَا خَاطَبَهُمُ الْجَاهِلُونَ قَالُوا سَلَامه

Parman….Ipun sin allahutaalla yene meh siye palenggan gey magtigarag si gumi landu kahantap,(dumain takabbul)duk minsan siye kinotokohan gey ru minsan asip de,atawa( pareheng)

7-Duk subey kew aa bentel matiaddat si guru nu minsan kaniyaannu doctor ne,duk saka amban kau sambil Sali amban kau labi ne duwe saih samah nu.

وَأَنْ لَوِ اسْتَقَامُوا عَلَى الطَّرِيقَةِ لَأَسْقَيْنَاهُمْ مَاءً غدقا

Parman..duk bang pabentel bi in pag agama bin si lan bentel,pinamura pe weh allahutaalla si kaam in rizki bin tamba magtamba.

Hadis pasal pagpungtinae

ليس منا من لم يوقر كبيرنا ويرحم صغيرنا

Gah kaam dem tumpukan kami sine2 gey mag-addat ne saka duk malasa si sali.

8-Duk subey kew lanu amban jingki pitna duk dumain magpasikat, duk subey lanu magsemmek, pamakey duk dumain pakkal magkabtangan.labi lubah ne subey maghalli amban meh putting duk gey kapag amanatan.

قال رسول الله صلى الله عليه وسلم: ( إن الله تعالى طيب لا يقبل إلا طيبا

Hadis..Bennal teed in allahutaalla lanu gey iye nayma bang dumain lanu isab.

Maaf si kaam meh guru ku, kakasi ku lundang panen ku pungtinae ku si agama islam, bang niya gah tumawaa pagmaana ku patawwaun bisah dakaam mag alang alang nabit aku, barakalla pikum

Nasihat,by:Doctor Abulhair tarason

2009-09-30T14:18:00.000-07:00

.عن أبي هريرة رضي الله عنه عن النبي صلى الله عليه وسلم قال الممؤمن مرآة المؤمن والمؤمن أخو
المؤمن رواه أبود داود وروه البخاري في الأدب المفرد

Amban Abi hurayrata Radiyallahu anhu, sabda amban Nabi Muhammad (S.A.W.) ( In Muhminin pag saminan cn Muhmin, duk Muhminin pungtinai cn muhmin ...) hadith inin pandak du, sumaguwah manjari hinang tebi padduman c kitebi mag pungtinai atawa mag bagay bagay, sabbut ku inin bilang pamaesseb c kitebi naan c undang undang inin, c kitebi meh kamuridan, labi c kitebi amban lahat Basilan, sabab sakurang kurang tahinang kitebi suntuan duk samin weh meh kasinduwehan kalahat lahatan, jaga kitebi sipag hinang tebi, duk sipamissara tebi, duk iyenemeh bettad tebi c site inin, subey tandah ka ikhlas tebi, dumain pag lolah tebi, iye subey esseb tebi masi kitebi tajaga weh malaikat c ine ine hinang tebi duk bissara tebi, labi awla tahati pangateyan tenbi weh Allahu Ta'ala mag bayah c kitehin bi.

dondongan tebi tinalih hadith inin pabalik, dumain ke bang mayam aahin hap samin ubus makakite iye lemmih c luwe ne in iye gey amahan ne saminin duk gey patahalaan ne? buwat malaingkan kegan iye bang niyah kaayban ne pinatampal weh saminin, sartah mag dayih dayih iye ngalaan ne? damikkiyan sainin dusab in bagay mag nasihat duk mamaessebin, kapatutan subey kitebi kegan c nasihat ne, duk taymah tebi pahap, duk mag sabar bisan pe peddih c pakale tebi, atawa pait bang ibarat tambalin, peggeh nasihat inin parsababan makapalappas kitebi amban kamulahan duk kabinsanaan, duk makalissin c ginhawa baran tebi amban kalemmian.
weey sab bang advice doctor kahagad tebi bang kitebi pili si iye mag pa check up, bisan pekkat tambalin bang daak ne ininum masi inum tebi, bisan pe kitebi inopera masi suhung tebi peggeh makahap kitebi, dumain ke? na weey bang tambal amban Allahu Ta'ala gey pe binelli duk gey pe mag ka expired gey tuhut tebi? intag ne tuu panalih tenbi?maap meh kapungtinaihan bissaraku inin tandah lasaku c kaam karnah Allahu Ta'ala, sartah saddiya dusab baran kun pakale paesseb amban kaam, In bagay mahapin iyene sine sine matawwah kau c kaayban nu, noan kau iye c makapalangkew darajat nu c Allahu Ta'ala, maka paesseban kau cpag akhirat nu, makitalew kau ckemon ginis ginisan siksah c ellew pamolean nu. Adapun in aa gey ngaka c kaayban nu, kabayaan nen bimbang kew amban pag akhirat nu iyene inin kuntaranun amban tuu c dunya labi bang c ellew qiyamah,amban sababan inin meh kapungtinaihan mura murahan tahinang kitebi makasinna sinna c usba waris tebi, duk meh aa lahat tenbi, labi kasinna sinna cmag papanjari c kitehin bi.

by : Baba Ihsaan

Nasihat by:Ustadz Ridah Kusain

2009-09-30T14:11:00.000-07:00

Aku matuk hadja ku inin tuwan, gana' du tantu panghati ku, sa' mabaya' ne hadja ku mapi pikilan,pagtawwaun bi sa'.

Bang hep asal tinuhut tuhut, iye me' aa makahatihin subey papateng duk paanib amban pamissa missa re,latun ne si kidjut kuhibal de, subey tali' de andang bang niya' song lagtikan dellla' de, sabab nen siye ne sa hap hap samin pandangan mahadjana' duk siye' in panduin tudju kahapan.

Mula2x in ilmuin subey kengkeman de pahap

يا يحيى خذ الكتاب بقوة

parman Allahu taala manudjuki pusi nabi Yahya alayhisssalam(( Kengkemanun in Kitabin (Ilmuin) Pahaget)), amban sababan ien subey du sab tenteman te, halgaan te, bang niya' panghati te, dumain boo te magkalolaan, atawa mag hinang dagey.

Pegge' iyu dambuwa' amban tamanan hadje kahapan pinangandel we' Allahu taala si ipun ne, sabda sin Rasululllahi sallallahu alayhi wasallam:

(( من يرد الله به خيرا يفقه في الدين ))

Sine2x kabayaan Allahu taala, urungan ne

kahapan na toan ne ( ilmu' ) si agama ne.

Hangkan, o kew dambuwa' makahati, andu' kailu da boohun magkaloloan ilmu' nu katau nun, luu ne ke amban Hadith atawa farman,
Bang kew ngandaak tudju kahapan, ingatun in ginhawa baran nun subey makabebbeg dehellu, farman Allahu taala:

(( أتأمرون الناس بالبر وتنسون أنفسكم وأنتم تتلون الكتاب الكتاب أفلا تعقلون )) ((

Ngandaak kaam kaam manusiya' maghinang hap, duk meges kaam amban hinang laat, ubus takalupa bi in in ginhawa baran bin, bu kaam magbabassa kaam kitab (ilmu') we' ga'na akkal bi?))..duk ingat te bi bang me' makahatihin ngadaak maghinang hap duk meges amban hinang laat, bu gey tabebbeg de siye ne ien tamanan sambatan iyakanin kamukaan Allahu taala, sabab si farman ne

(( يا أيها الذين آمنوا لم تقولون ما لا تفعلون؟. كبر مقتا عندالله أن تقولوا ما لا تفعلون ))

(( Oh, kaam me' aa magparatsaya' weey kaam missa2x hadja bu gey du tabebbeg bi? sa hadje2x murka' bang si Allahu taala, bang kaam missa2x hadja bu gey du anggawtaan bi)),

Bissa ku inin, dumain panambung ku discussion tu, sumaguwa' supaya ne kapaesseban ku ginhawa baran kun mula2x latun ne si me' kapawpong tinaihan, asal aku ngakun ku tawwa' ku bissa inin, sa' bisan pe sab saien, subey

( قل الحق ولوكان مرا )

bissahun in kasabennalan nen bisan pe saingge pekkat ne), na me' tuwan me' dayang magmaaf sa' kaam si aku, sabab ih ku lumandu' manamal si bissa ku sumaguwa' asal tambalin bisan pe saingge pekkat ne masi suung te sabab ien makakole' kitehin,
Wassalamu alaykum. warahmutallahi wabarakatuhu.

Nasihat By:Doctor Abulhair

2009-09-24T16:48:00.000-07:00

Alhamdulillah wassalatu wassalamu a'la Rasulillah wa'ala alihi wa ashabihi wamawwalaahu, waba'du :

Mura murahan bang pain kitebi maka eddoh pamintangan si bulan mapalabey miyaan, sabab bennal nen bulan Ramadhanin tabilang amban madrasatebi pangadjian tebi sin eiman, parkingan tebi pag gasulinahan para hap ubasan sasakatan tenbi tudju lahat kasanyangan, damikkiyan bulan pag pa chargan pamaratsaya duk pag ammal ibadatan tebi, peggeh low bat kamundang miyaan.

O kaam kalasahan Allahu Ta'ala, palabey amban kitebi bulan miyaan iyene moo ginis ginisan kahapan, nah subey tilew tebi ginhawa baran tenbi, ine niyah du taeddoh tebi paidda si bulan Ramadhan miyaan? niyah du bakkas ne hap si bran tebi duk sipangaddatan?ine maka lamud du kitebi amban meh siye makadawhat karidaan duk kaampunan amban Allahu Ta'ala? atawa maka lamud simeh siye kalugian? wal iyaju billahi, in aa tinaymah ibadat nen taga alamat, iyene sine sine kaniyaan hal nen duk hinang ne mahapin masi katattap nen duk mag sasong kahap nen. adapun sine sine kahalan nen gah pinda pag puwas sin Ramadhan, nambahi hadja ngalaat hinang nen duk pangaddatan nen, masi haman haman ne pag sambahayangin, bang makakale bang gey taymah ne duk gey gawgut si pangateyan ne, gey bayah paasek si kamasjid masjidan, gey bassane Qur'an nen, duk bang takalene gey hibal pangateyan nen tinalew simag papanjari si iyehin ect in aa inin gah niyah taeddoh ne malaingkan wal duse duk kalugian duk siksah amban Allahu Ta'ala, paya lahu min khasaratin! asal kalugian teeran duk pagsusun si ellew dambuli, mekene tabintang ne bang laine takitene siksah dem Narkain, mikipabalik pitu hap Dunya supaya makapag tawbat duk mag ibadat, sah gah ne niyah tahinang, minsan pe iye mag tangisan lahah gey ne iye pinabalik pitu si Dunya, sigey mag happen pe ien weey pe gey ubus ubus tebi pag susunin tuu si Dunya? O kew takilalenu in Allahu Ta'ala c bulan Ramadhan weey kalupahan nupe pag puwas bulan Ramadhan? in pag ibadat tenbi duk pag matalewin subey hininang si teggelan tebi ellum, duk bisan intag lahat duk sumiyan sumiyan masa,

( Ittaqillaha haytumaa kunta )

katakotan ninyo ang Allah kahit saan man kayo naroroon, sartah essebun bi bissara inin

( KUN RABBANIYYAN WALAA TAKUN RAMADHANIYYAN )

paniyah kew mag ibadat si Allahu Ta'ala si kemon waktu, dakew paniyah meke taesseb nu bang si bulan Ramadhan hadja,

ya Muqallibal quloobi thabbit quloobana a'la deenika, Aamein ya Rabbal a'lamien.

by: Baba Ahmad Makkih

Nasihat by.Ustadz Ridah

2009-09-19T12:13:00.000-07:00

Sarang kahap bang niya' tilew bu hap isab in sambung nen, landu' kalingkat bang niya' missa bu sab nya' pakale, sa' luu ne kew kalaat nen, bang matoo manilewin bu manambungin maglola' maghinang dagey, bu binnaan manilew ley baya' ngahati kasabennalan, atawa baya' matarrang pagkutu' kutuan ne, atawa mastian pagduwe duwe han ne, masahi paghinang ne, landu' kapas bang aa tau nambungan aa awam duk kalolaan,atawa paghinang dagey, aa matauhin subey patengan hantang tilewin, aa manilewin subey pahantap ne tilew nen, sabab nen, bang saien kahalanin gana' kajatuhan ilmuin duk gana' kamunfaatan pagpangadjiin, pagpasaplag ten janan magkakaat bang dumain si aturan hangkan subey pahap te bi in labeyan nen subey ngasambu atawa magmumpaat in panali' tebi agama ten bin supaya taliley te mahap duk malaatin mahalal duk maharamin, masutsi duk malemmiin'..

Allahu taala tinoan kite we' ne aturan pagpasampay supaya hap in buwa' nen, damikkiyan tengge ten subey pahap te, farman Allahu taala:

(( أدع إلى سبيل ربك بالحكمة والموعظة الحسنة وجادلهم بالتي هي أحسن

)) (( Ngabi'2x kew tudju lan Allahu taala ( agama ne ) duk boohan hap duk bisssa hap ( nasihat, advise) hap duk sarta' boohun siye magsambung jawab si iye labi mahapin.

Bang kite baya' kinahagad subey kite Ikhlas duk magparumbus bus tudju Allahu taala, da kite magkalolaan,atawa magtakabbur, atawa maghinang dagey, bu ne in kite mamasaplag ley da ne subey angut te we' subey tatuhut si kitehin, iye manisisitahin kapamasampay kite

(( وما علينا إلا البلاغ ))

sipat ten subey kowe' sipat sin me' kanabi nabihan, kinahagad kite duk gai bang kite bakas makapasampay iye ru si kite hin (( mamasampayin hadja )) ingat te (( الدال إلى الخير كفاعله )) iye makato' si kahapanin kowe' du makahinang ne, damikkiyan nen hati te, in kite maesseb hadja kite sabab iye du iye ien makatabang sin me' aa magparatsayahin

(( وذكر فإن الذكر تنفع المؤمنين ))

(( maesseb kew sabab bennal2x in pag paessebin makatabang si me' aa magparatsaya)).

Matilewin wajib si aa gana' panghati ne

(( فاسألوا أهل الذكر إن كنتم لا تعلمون ))

Farman Allahu taala (( Tilewun bi me' aa makahatihin bang kaniyaan bin gey katauhan bi)) Sainin aturan nen, bang kite nilew subey pahap te, duk subey pakaeddoan te ilmu' atawa pangadji', dumain panuley suley atawa pagkalolaan,atawa paghinang dagey.. panilewin tenga' ne amban panghati sabab nen pukun nu makahati ne saban pamariksa' nu ley.

Sa' bang kite nilew subey hadja ara'2x si kahapan atawa niya' buwa' ne hap sababan amban patilewan teley, da kite nilew bang tahati te janan laat si kite, farman Allahu taala

(( ولا تسألو عن أشياء إن تبد لكم تسؤكم ))

(( Da kaam nilew me' pakadjaan bang tahati bi janan laat si kaam))

Iye me' tasabbut ley subey kimmatan te bi meke hap in labey pagpaguwa' te bi akkal pikilanin si tenged pag agama te bi, aturan ien, subey tahati we' te bi.

Si pasal isab pag sambung si me' masail (discussions) subey kite bi mag addat inaddat si me' aturan pagtilew damikkiyan aturan pagsambung, sali' du kaniyaan ten langkew pangadji' nen atawa diyawa' kowe' aku ley upama, pain Imam Shafie Rahimahullah
(( ما جادلت عالما إلا وغلبته وما جادلت جاهلا إلا وغلبني ))

( Ga' Ku bakas makadiscuss alim malaingkan taraag hadja we' ku, duk ga' ku bakas makadiscuss jahil malaingkan taraag hadja ku we' ne)) Maksud nen aa hin bang langkew pangadji' nen, bisan du katauhan ne si iyehin matumawwain atas ne, pahali sabab kadiyawa' boohan ne, sa' in aa gana' panghati ne sali du tumawwa' si iyehin duk gai, asal subey ien matoohin, hangkan hep saien bissa Imam Shafieehin.

Aku inin dambuwa' pongtinai bi maesseb si kite bi dangan parangan, kalu kalu du pain isab makatabang si parahimpunan te bi inin, maku ku kamaafan si kaam, dambuli amban kapamaku ku kaampunan amban Allahu taala.

Nasihat,Post by:Ustadz Pungtinai-b

2009-09-10T13:53:00.000-07:00

kasanyangan duk kasilasa si kemon ummat isLam....dehelluh ambn kmon tukbal q pag sarangsukurin si allahutaala tiyah q kaurungan wehne oras bsan sah pan sa dikih2x para masampayan duk maesseban pongtinai ku si agama islam mula2x nen ted ginhawa baran ku bsan sah pain dakabtang atawakan duwe kabtang miyaan...panuhut bSsara Sin rasuLullah sallahu alaihi alaihi WassaLam Si HaditH Ne {{BaLLiGu' anniy WaLaw ayaH'}}

{{قال رسول الله صلى الله عليه وسلم : "بلـّغوا عني ولو آية"}}

maGkUlanG mag labi Hati NEn [masapLaG kam Si akU bSan sah pan dalOwanG ayaH]]..

..pain allahutaala si kuran ne mahamulliya

{{{إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ}

iNnamaL muhminu'na ikhawTun}}..hati nen in bennaL2x baNgSa muhminin Mag PaponGtinai..in parman inin diki2x du si pamayam te,duk pandak2x bang bassa te,sah bng gah tatuhut tebi in kabyaan si parman allahutaala in inen tantu2x ne hajja hiluhalah kahalan tenbi....si waktu rasulullahi sallahu alaihi waSsaLam maG hijra ambn makka tudju madi'na al munawwara katauHan bi bng ine tagnah2x hininang nen??...pinagpapongtinai wehne antara muhajireen duk ansarin dnak wehne mag tabang tnabang duk gea magpasagad pinasagad duk dnak wehne maGkasilasa antarah den danGan paraNgan...

meh kabagayan ku si agama islam,in adapun banggea lu si kitebi pagpapongtinaihin,lepas ambn kitebi kalasahin,bnggah lu si kite kalasahin lepas ambn kitebi pagdambuwain sartah patekka in pag pulak kanatin.....hngkan ne agama tenbi manawag tawag duk sartah magmehet mehet in kmon labeyan pag peddian tebi atey tinampengan wehne...ubus kmon isab labeyan supaya kitebi magksilasa pinagtuyuan wehne bng saingge kagumuwah nen ...

koh ne meh parkaLah janan pag BEkkatan tebi kasiLasa duk Janan pag pEddian TEbi atey dUk jaNan Pag buKuan tEbi antarah TEbi danGan2x tEkka agama TeNBi NampeNgan NE SaRtah HinaRam WeHne Duk Sine2x MakahiNang MEh parkaLah Inin tantu2x ne hajja makahinang duse sa hajje tudju aLLahutaaLa,pain allahutaala si kuran ne mahamulliya{{

يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلَا نِسَاء مِّن نِّسَاء عَسَى
أَن يَكُنَّ خَيْراً مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ }الحجرات1

}}-{{ La yaskharu qawmun min qawMin asa an yaku'nu khairan minhum' wa la niSa'un min niSa'in asa' aN yakUnna khairan minhuNna waLa' talmizU' amFuSaKum waLa' TanabaZu' biL aLqa'bi bihSa LismuL fusU'qu bahdaL i'man Wa man Lam yatub fauLa'ika Humu ZzOLimUn}}...magkulang mag labi maana nen..gea painne makajari ngujjih qawmanin si dambuwa qawma weh siye hap ambn ambn kawman inudjih re miyaan,duk malaingkan meh karendehan antarah pi karendehan weh siye hap ambn inudjih re miyaan,,duk da'a palangkewun bi baran bin[mag -abbu],duk da kaam nawag saweh bi duk alen gea kasulutan de'..sa laat2x ne ih si alen fUSuq duk si sine2x gea magtawbat si meh parkalah ien tabilang ambn meh aa makaanyaya....

malaingkan kmon parkalah janan pag-pasugputan tebi kasilasa bsan pe kniyaan nen parkalah diki2x pinagmehet2xtan weh agama ten bng saingge tapangahinang tebi iyan sartah pahalaan kite bng tahinang te..koh ne meh pagsalam sinalam inin ..pain rasulullahi sallallahu alaihi wassal{{..aLa adukuLLum aLa sHay-in IDza FaaLTumU'hu TahaBabTum??..afShu aSsaLama bainakUm}}..magkulang Mag labi MaaNa nEn Pain RasuLuLLahin Si SahaBat NEn dambUWah Ellew,InE GEa kekam bayah panoan ku si dambuWah parkalah bng tahinang bi paniyah si kaam pagkasilasahin??...mEh pongtinai bAssahun bi mahaP,rAsulullahin [saw}Bng payam2x tebi ted duk tali2x tebi mahap asal gea iyeted bayah bng kitebi gea magksiLasa...ine SmbUng nEn?? [AFSuSsaLaMA BaYnaKUm] ..MaG saLam SiNalam Kam Si anTarah Bi DanGan PaRanGan...

..bang payam2x tebi si jaman tebi kuweituh meh kabagayan q duk pagkasakahan ku si agama islam SALAMIN kuweitu antarah a mag kilale Sah pi Si Mag kiLaLe,anTaraH BagAy Sah Pi Bagay,AnTarah UStad Pi si UStad,4 MonThs pi Si 4Months..SaH LiYanG KEw makakkite uStad Nalam TabLig,a GEa Mag KiLaLe Sinalam Wehne PongTiNai ne musLimin..anTag ne PagKasiLasaHin Duk PaGpapOngtinaiHin??..in aDapUn Subey HaLLian Tebi MEh parKalah Inin DUk mag Patalibun KiTEbi ambn mEh IEn pEggeh duman Saih kabyaan Allahutaalahin duK rAsuL ne..Sah kabaYaan nen KmOn Mag Pain mUslimq SubEy KalaSahaN ne Sine2x sab mag Pain KoH iyEhin In aQ koh Kauhin mUSlim Du IsaB ....

..na meh kabagayan ku si agama islam mura sah pag balikan mura murahan bng dupan sab tumawwah hninang ku in duk ikhLas si allahutaala ..peggeh pain meh kaulamaan ten [al-amaLu idza kaNa SaWa'ban Walam yakuN kHa'LiSan La YuKbaL,Wa idza Kana Kha'LiSan Wa Lam YaKun Sawa'Ban La YukBaL] ..hati nen in HiNanGiN Painne bSan KaniYaan nEn TumEwwaH bng GEa KEw ikhlas Si Hinang nu miyaan asal GEa ted tnayMah Sartah panGajaban kitE pe,Duk bSan sab KaniYaan NEn IkhLas bng KNiyaan nen Gah tAWwah Tantu2x gEa rUEb tinayMah weh allahutaaLa...

bng nYah SumaGEt BSsaRa ku Gah tuMEwwa Maku Ku kamAapan Si Kaam Labi2x nen Maku KaamPuNan Si allahUtaaLa...Kaam Sah MataWWah ne aTawa Ambt Sah patawwah meh KaGuRuhan te dyalem iYan..iYu ru mEh masteraL Du kaulamaan Ten..aku Lea SamBat2x meh kpongtinaihan tEru tabligIn bang dalil ngajojjog istarapol miyaan ngajojjog ne hajja,na masi ne hajja laboh matahak duk mamatain ..bng matahakin eddoun bi sah bng mamatain hallianun bi duk timananun bsah....maid neku si kaam si lapal pag kilalehan tebi dunya labi bng akhirat aSSalamu alaikum warahmatullahi taala wabarakatuhu...fasatadZkuru'na ma aquLu lakum wa ufawwidHu' amriy iLaLLah....dza'Lika dZikra' Liman Ka'na LahU qaLbun aw aLqa ASsam'a WahuWa ShaHi'd.....aLLahu aHlam..
Tags:

Dende Magtambal..By Ustadz Ridah Kusain

2009-09-09T07:19:00.000-07:00

Panilew bang dende magtambal buh gey ilaha mag hajji duk mag-Umra???

Baarakaallahu fiyk King.Bennal nen, asal tanam manamal me' Sambung nu ley, sa' mabaya' hadja ku mapi si akuhin bisan sa' pain daahat, sarun ga' ku makabassa fatwa bang pasalan iyuen, sa' bang hadja payaman te in parman Allahu taala.

: ( ( وَيَسْأَلُونَكَ عَنِ الْمَحِيضِ قُلْ هُوَ أَذًى فَاعْتَزِلُواْ النِّسَاء فِي الْمَحِيضِ وَلاَ تَقْرَبُوهُنَّ حَتَّىَ يَطْهُرْنَ فَإِذَا تَطَهَّرْنَ فَأْتُوهُنَّ مِنْ حَيْثُ أَمَرَكُمُ اللّهُ إِنَّ اللّهَ يُحِبُّ التَّوَّابِينَ وَيُحِبُّ الْمُتَطَهِّرِينَ} (222) البقرة

Si ayat inin inakahan kite we' Allahu taala, we' bennal2x in laha' haydin, laha' lemmi' laha' saki,( هُوَ أَذًى ) kahandak amban Allahu taala, hinang ne si me' karendehan saien in tempo nen subey paguwa' kahaba' bulan, na bang ien magtambal si bulan puwase supaya hadja jukup puwase nen, atawa kaw lennu kaw gey sali' pahala' nen, na in Allahu taala, ngurung Rukhsa si me' ipun ne subey taima' de, pegge' niya' du sab waktu pagbaeran de pegge' sarang isab kahunit bang janan ne saki bang iye mag hinang saien pegge' bu me' ien dumain ne dem aturan.

Kalu pinain si Admin ley, bang pasal paghadji duk pag Umra makajari sabab hunit isab abey jumatu si dende waktu saien, bu duruwra ne iye. sabab qaidahin,

( الضرورات تبيح المحظورات )

Hati ne iye me' mudarrat bang gey tanhinang makajari ne
bisan pe agen kaniyaan nen panglangan,

Allahu a'lam bissawab.

Pasal puwase..by ustadz ridah kusain

2009-09-08T08:35:00.000-07:00

Tahati we' te bi dangan parangan in kalabbihan pagpuwesehin bang saingge damikkiyan me' tumbas nen landu' kahadje, sarta' in bakkas nen landu' magtanda' si ginhawa baran te gana' pagduwe duwe, iye du hep ien kowe' ne parman Allahu taala si Kitab ne mahamulliya:

(يا أيها الذين آمنوا كتب عليكم الصيام كما كُتِبَ عَلَى الذِينَ مِنْ قَبْلِكُمْ لَعَلَّكُمْ تَتَّقُونَ)

Oh, kaam me' magparatsaya tasulat( pinafardu) we' Allahu taala si kaam in puwasehin, kowe' kapamafardu si iye ne me' siye dehellu( ummat) amban kaam, mura mura han magsasong in katalew bin tudju Allahu taala. Manusiyain amban me' tabiat ne asal dakagan manamal bang iye pilmi dem pagdaya dem luhaya, gey ne makalessa kawugtu'..agen ne iye gey taesseb ne mamapanjari iyehin, sumaguwa bang iye kasigpitan atawa kabawnusan, luu ne pain gey nandal taesseb ne in Allahu taala, duk janan ngabasag in pag ammal ibadat nen, damikkiyan ngakeseg tudju iye helat helat nen, inin dambuwa amban me' hikmat pinaniya' in puwasehin,sabab kowe' ne tasabbut ley.

Amban me' kalabbihan isab sin Bulan Ramadan:

1, Iye ne inin bulan paturunan sin Qur-an Mahamulliya duk bang ne tekka bulan Ramadanin, ilukahan in Gawang Surgain, sarta' tinambel in gawang Narkain, duk iningketan me' Shaitanin.
2, Si bulan Ramadan Lipat manglipat in Tumbas sin hinang anak apu' Adamin, pasampu' sampay papitumpu', duk Allahu taala, lipat ne pe si sine2x kabayaan ne, gey ne takira manusiya.
3, Bulan Ramadanin pagkokan iye we' kemon bulan, panagnaan nen Ase' Allahu taala, panengaan nen, Kaampunan amban Allahu taala, hinapusan nen, Kalappasan Amban Narka' Jahannam Wal iyaju billahi min Thalik.
4, Bulan Ramadanin, diyaleman ne in Laylatul Qadr,

( ليلة القدر خير من ألف شهر** تنزل الملائكة والروح فيها بإذن ربهم من كل أمر سلام هي حتى مطلع الفجر)

iye sangem mabasagin labi pe hap amban dangibu bulan*** kaduwai duwaihan me' malaikatin duk panghu' den si Jibril sabab ijin si siye we' Mamalihara' siyehin duk si kemon ne pakaradjaan..

Bisan pe sab saien, mamarahi ne in Hadithul Qudsi:

(( كل عمل ابن آدم له إلا الصوم فإنه لي وأنا أجزي به ))

Kemon pain Allahu taala hinang anak Adam si iye, Malaingkan puwasehin si aku, duk aku ru iye manumbasan iyehin,.. tinggalan ne in kinakan nen, duk inuman ne sabab aku, hangkan subey du aku manumbasan iyehin. Allahu a'lam..

Post By. ustadz ridah kusain

Direction to kahba By:Ustadz Phenzhaman

2009-09-06T13:44:00.000-07:00

Reply by phenzsham

Assalamu alaykum warahmatullahi taala wabarakatuhu
Bismillah wassalatu wassalamu ala Rasulillah

In parsababan bang weey kitebi paharap tudju KA'BAH everytime nambahayang, pasal iye iyan in pangandaakan weh Allahu taala si kitebi. Proof atawa dalil nen, parman Allahu taala si Surah Al-baqara verse: 149

و من حيث خرجت فول وجهك شطر المسجد الحرام و إنه للحق من ربك و ما الله بغافل عما تعملون

Magkulang maglabi in mahna sin Ayat inin: "Duk bisan antag lugar or lahat kalaihan nun, apabiye kew nambahayang, paharapun luwe nun tudju Masjid Al-haram (location of Ka'bah), sabennal teed iye ili' in kasabennalan amban Tuhan nu. Duk in Allahu taala gai teed takaipat ne in mge kakahinang bi"

Damikkiyan Sabda sin Nabi tebi Muhammad sallallahu alayhi wasallam:

إذا قمت إلى الصلاة فأسبغ الوضوء ثم استقبل القبلة فكبر

Magkulang maglabi in mahna sin Hadith inin: "Apabiye kew sung nambahayang, pahapun pag-ayil nun, pag-ubus paharap kew tudju KIBLAH (location of Ka'bah), ampe kew nakbir".

Allahu A'lam Bissawab

maku ku kamaapan si kaam labi si Allahu taala bang sawpama niyah kasaan ku, asal iyuh du meh kaguruhan ten bi,,ambat sah pabentel de.

kasilasa c kaam kemon

Pasal paglingka c samabahayang

2009-09-04T14:18:00.000-07:00

Tasabbut we Rasulullah pain ne (Kalu gey tumawwa pag meaning kun) : "Bang hadja katauhan iye aa palabei si dehelluhan aa nambahayang ine duse nen, atawa ine maka tawwa si iyehin, mas eddo nepe ngagad 40 (Days - Years) mankin iye palabei, au kama kal.
قال صلى الله عليه وآله وسلم : ( لو يعلم المار بين يدي المصلي ماذا عليه لكان أن يقف أربعين
خيرًا له من أن يمر بين يديه )

Tahati te amban hadith ilien in hukuman mapalabei amban dehelluhan aa nambahayang "Gey manjari" Sarta tasabbut pe we Rasulullah si saddi hadith si ma'na nen bang niya palabei si dehelluhan aa nambahayang suga peges manambahayangin duk tangan ne, iye ne hadja bang me makanak bune wal mag labeyan na mas hap pe gai ne sabab kalu maka distract si aa manambahayang lei.
Pandak answer kulei duk kalu ga tantu kaansweran question nulei tuwan Ahmad, na pahati sa kew.

Post by :

Sigupan Haram !

2009-09-04T05:59:00.000-07:00

Assalamu Alaikum:Pasal sigupan sis tampal ne masa kuitu (HARAM) parman allahutaalla (LATAKTULU AMPUSAKUM) da papateyun bi in ginhawa baran bin,

1-In sigupan si manusiya magsigup gey kaam papatey ne magtuy sumagawa imut imut ne kaam inurung saki,magdambuwa in ulama in sigupan haram pasal makasaki,damikyan doktor sin baran si dunya pinangajian weh de si OXPFORD university si UK in sigupan makasaki.

2-Pitwa DAR_Ifta sin Egypt waktu si Doctor Naser Fareed amban meh ulama AZHAR university pinablik weh ne tuu si egypt in sigupan HARAM.

3-Damikyan Fitwa ulama sin Saudi mangdagang kew sigupan HARAM, magtanem kew sigupan HARAM, melli kew sigupan HARAM,

3-Apabila kew mangan HARAM sababan gey tinayma weh allahutaalla in duwaa nun.Hadis:INNALLAHA TAYYIB LAYAKABLU ILLA TAYYIB:IN ALLAHUTAALA SANGAT LANU GEY NAYMA BANG KEW GEY LANU,
LANU AMBAN MEH HARAM LANU AMABN MEH MAHSIYAT LANU AMBAN MEH KOTOKOTO PITNA,JINGKI,JAHULAKA. GILA.

Post by: Mohammad gafor Indalal

Pasal Mawluod

2009-09-04T05:56:00.000-07:00

Bennal nen, in pagmawlurin hinang bahau si agama Islam, dumain amban iye,hati nen, ine2x hinang minaksud para pangeddoan tumbas bu dumain amban Islam,inenan iye (Bid-ah)

عن أبي هريرة رضي الله عنها قالث: سمعت رسول الله صلى الله عليه وسلم يقول:((من أحدث في أمرنا هذا ما ليس منه فهو رد.(مردود)

Suwi suwi amban Abu Huraira radiya Allahu anhu, amban Aisha anda rasullahi sallahu alayhi wasallam, magpain, takale ku pain ne in rasullahi sallallahu alayhi wasallam,magsabda:(Sine2x pain ne maghinang hinang bahau si agama pakaradjaan (agama) te bi inin dumain amban iye, na ien pinagbalik du iye hati ne gana' tumbas ne.Tasuwi suwi du sab amban rasulllahi sallahu alayhi wasallam in iye magsabda:

لاتطروني كما أطرت النصارى ابن مريم)) رواه الألباني في الصحيح

Hati nen:

Hatinen: Da ku pain ne ellegun bi makalandu' kowe' pangelleg Isa (alayhissalam) sin me' Christian)). Mayam ne kite si me' hal sahabat siye pe tamanan malasa si panghu te Sallahu alayhi wasallam, sa' gana' du pain takite te, magmawlud, atawa magcelebrate si ellew duk bulan panganakan iyehin. Allahu a'ahlam

Post by: Ridah kusain

Makapag jimah maglawlakibini.

2009-09-04T05:37:00.000-07:00

Bismillah wassalatu wassalamu ala Rasulillah

Apabiye makapagJIMA dendehin duk ella ne si Bulan Ramadan, ba'tal ne puase ren. Subey teed siye mag Qada' , (In hati sin Qada' pag-puase si saddi ellew para ganti' si menge ellew gah kapuasehan, atawa pangganti' si pagpuase maba'tal ley). Damikkiyan wajib, subey siye mag kifarat in hati sin kifarat (kaffarah bang si bahasa arab), pagbayed si mge duse tahinang.
Kifarat nen subey siye magpaleppa dambuwah ipun or alipin(samabatan tagalogin), sumagawah bang gah niyah takasuwah de ipun atawa gai takaya re magpaleppa ipun, subey siye magpuase duwe bulan gah niyah bekkatan ne (fasting w/in 2 months straight sambatan aggalisin), Sumagawa bang gai takaya re magpuase duwe bulan gah niyah bekkatan ne, subey siye magpapakan ennempuh 60 miskin.

Pahati
Apabiye Dendehin kalegesan, hati nen ileges ted iye weh ella ne Magjima, Gaine mag kifarat Dendehin, Ella ne hadja magkifaratin. Sumagawa bang c kabayaan de ru karuwangan magjima, na subey teed siye magkifarat karuwangan ella duk Anda ne.

Allahu A'lam Bissawab

Post by: Phenzhaman

Pajimah si kaandahan si bulan ramadan.

2009-09-04T05:30:00.000-07:00

أحل لكم ليلة الصيام الرفث إلى نسائكم

mag kulang maglabi in maana ne parman allahutaala.... halal ne si kaam in kaandahan bin si sangem ramadan( pajimah).

Minsan kaam meke mandi puwas azan sambahayang subuh gey ru batal puwase bin...

Post by: Mohammad gafor Indalal

Napukan kaiyan,ngangguwa kaiyan.

2009-09-04T05:16:00.000-07:00

Assalamu alaykum warahmatullahi taala wabarakatuhu

عن أبي سعيد الخدري رضي الله عنه قال : سمعت رسول الله صلى الله عليه وآله وسلم يقول : من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان ] رواه مسلم

Mgkulang maglabi in mahna sin hadith inin: "Habal amban Abu Saeed Alkhudry, takale ku painne in Rasul Sallallahu alayhi wasallam magsabda: "Sine sine kaam makakite maghinang munkar(mahsiyat), subey pindahan ne atawa pegesanne ne duk tangan ne,(hati nen pinapeddian bng gey takoleh koleh), sumagawa bang gey tapeges ne duk tangan ne, na subey paesseban ne, sumagawah bang gey tapaessebanne, na bisan sa' dugal dem pangateyan ne si pasal mahsiyat takite neley, na iye ne ili in pamaratsaya salamma lamma. (Riwayat amban si Muslim)

Hati nen tuan, bng sawpama takite nu maghinang kasaan anda pongtinai nun, atawa sine2x ne takite nu amban meh pongtinai nu Muslim maghinang kasaan(mahsiyat), bang niyah dapat subey teed pegasannu atawa paesseban nu, koweh ne tasabbut si hadith iyan.

Sumagawah tapukanun ne kaiyaan(mahsiyat) tahinang neley. Sabab magkulang maglabi sabda sin Nabi Muhammad Sallallahu alayhi wasallam: "Sine sine napukan kaiyaan pongtinai ne muslim, tapukan Allahu taala rusav kaiyaan nen si Dunya duk ellew akhira". (Riwayat amban Abu Hurayra)

عن أبي هريرة قال قال رسول الله صلى الله عليه وسلم من فرج عن أخيه كربة من كرب الدنيا فرج الله عنه كربة من كرب الآخرة ومن ستر أخاه ستره الله في الدنيا والآخرة والله في عون العبد ما كان العبد في عون أخيه

magmaaf sah c kaam kemon, bng sawfama niyah kasaan ku..asal iyuh du meh kaguruhan ten bi, ambat sah pabentel de

Post by:Phenzhaman

Tilew sainge Bang takakan buwah kayu tinanem?

2009-08-25T19:50:00.000-07:00

عَنْ اَنَسِ بْنِ مَالِكٍ، عَنِ النَّبِيِّ صلى الله عليه وسلم قَالَ ‏"‏ مَا مِنْ مُسْلِمٍ غَرَسَ غَرْسًا فَاَكَلَ مِنْهُ اِنْسَانٌ اَوْ دَابَّةٌ اِلاَّ كَانَ لَهُ صَدَقَةً ‏"‏‏ رواه البخاري

Amban si anas kinalasahan weh allahutaalla,magsabda rasullah sallallahu alaihi wasallam…sine sine kaam makapag tanem ine ine amban tinanem.buh takakan weh manusiya.atawa kan hinayep kaniyaan ne sadakka.

Salassayan:

Pahati si kaam pungtinae ku si agama Islam, da ne isab daran panuyuan bi bang takakan tinanem bin, subey isab tinugguan pahap bang saupama nen tatakakan weh hinayep atawa aa kinawugtu, dane kaam manuyuh sadakka bi ne katekkahan bi ne si ellew

Tilew pasal puwase takaipat makakan

2009-08-22T02:22:00.000-07:00

Salam pungtinae magsukul si pag join nu si usbawaris mura2han pinagdayah kew weh allahutaalla dunya akhirat.

Pasal tlew nu inin, gah niya ine2 puwase nun bang takaipat nu makakan kew atawa kan maka inum tangbusun in puwase nun, allahu ahlam
عَنْ اَبِي هُرَيْرَةَ، - رضى الله عنه - قَالَ قَالَ رَسُولُ اللَّهِ صلى الله عليه وسلم ‏"‏ مَنْ نَسِيَ وَهُوَ صَائِمٌ فَاَكَلَ اَوْ شَرِبَ فَلْيُتِمَّ صَوْمَهُ فَاِنَّمَا اَطْعَمَهُ اللَّهُ وَسَقَاهُ : رواه مسلم

Amban Huraira kinalasahan weh tuhan magsabda, magsabda in rasululla sallallahu alaihi wasallam sine sine kaam dem puwase makakan atawa kan makainum si takalupah bi nah, tangbusun bi puwase bin pinakan kaam weh allahutaalla duk pinainum.

Kalabbiyan sin bulan Ramadan

2009-08-22T02:16:00.000-07:00

قال تعالى: (شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدىً لِلنَّاسِ وَبَيِّنَاتٍ مِنَ الْهُدَى وَالْفُرْقَانِ) البقرة:185.
In bulan ramadan bulan pinaturun weh allahutaalla in qur-an panghidayat si meh manusia duk sarta pinatarrang luu in pamanduh sin hidayat duk ka sabennalan duk kalaungan.

Pasal tilew Bang ine hap hininang si bulan Ramadan???
In bulan siyam bulan mahamulliya amban kemon bulan, subey pagsaddiyahan pag-ibadatan.

1-Sambahayang jamma lime waktu si langal domain si patulihan,subey kaam patulahad apabila takale bi ne in waktu AZAN si langgal.
2-Sambahayang tarawe si kahaba sangem,duk sambahayang tahajjud puwas tenga bahangi.
3-Magbassa qur-an daran si bulan Ramadan labi hap nen bang taubus bi in qur-an binassa.
4-Patala amban kemon tasabbut inin
pitna,jingki,jahulaka putting,marupang,nangkew,ngalimut,duk music,labi lubah nen patala isab amban anda bang ellew.

أن رسول الله صلى الله عليه وسلم قال : " الصيام والقرآن يشفعان للعبد يوم القيامة ، يقول الصيام : أي رب منعته الطعام والشهوة ، فشفعني فيه ، ويقول القرآن : منعته النوم بالليل ، فشفعني فيه ، قال : فيُشفعان
Kalabbiyan sin puwase.
Hadis jungjungan te rasululla sallallahu alaihi wasallam

Bennal in rasululla sallahu alaihi wasallam: magsabda.in puwase duk qur-an napaat ipun (kaam) si ellew qiyamah, pain puwase hin pahgang kami amban meh kinakan duk kananapsuhan(bang ellew) sapaat ku, pain isab qur-anin pahgang kami amban patuli sangem(pagbassa qur-an) sapaat ku, duwe iyan napaat kaam

Kalabbiyan pagbassa qur-an.
Hadis nabi mohammad sallahu alaihi wasallam

، قال صلى الله عليه وسلم : " من قرأ حرفاً من كتاب الله فله حسنة ، والحسنة بعشر أمثالها ، لاأقول آلم حرفاً ولكن ألف حرف ، ولام حرف ، وميم حرف " [ أخرجه الترمذي وقال حديث
Sabda rasululla sallahu alaihi wasallam sine2 massa qur-an nah niya kahapan, in kahapan nen sampu manglipat, (dem dambuwa hurup) dumain in alif lam hurup,sumagawa ALIF hurup,duk LAM hurup, MIM hurup.

Tellu hurup sadja amban ayat qur-an tabassa nu 30 ne pahala nun, saingge ne bang tabasaanu kemon in qur-an, donga ne kaam magbasaa qur-an, bulan inin bulan pagibadatan sautanun bi in kakeseg bin si gey pe kaam taabut lamma pamaran bin

Kalabbiyan pagbassa qur-an,
Hadis nabi te mohammad sallallhu alaihi wasallam

وقال صلى الله عليه وسلم : " اقرؤوا القرآن فإنه يأتي يوم القيامة شفيعاً لأصحابه أخرجه مسلم
Sabda rasululla sallallahu alaihi wasallam, Bassahun bi in qur-an nah bennal teed tekka si ellew dambuli napaat kaam.

Inin jawab si kau # 1
In # 2 dakew rahu paste ku ru insaalla

Rukun Islam Lime!

2009-08-03T15:43:00.000-07:00

01بِسْمِ اللَّهِ الرَّحْمَنِ الرَّحِيمِ:

01-Tagnaan ku in kemon lapal kabatangan duk hilalaungan ku, lapey ne in ammal ibadat ku si alen allahutaalla, malasa si kemon pinapanjari duk labi makasi maase si meh ipun ne.

Pasal pagbassa sin ayat amban meh ka ayat ayatan dem qur-an, subey tinagnaan duk bismillahirrahmanirrahim, puwas billai si parihalan pag bassa sin (bismillahirrahmanirrahim) si diyalem sambahayang magparrak in meh ampat mujahab si tellu kawul 1-bang pusi imam malik gah ne ilamud weh ne amban surah alfatiha 2-bang si imam safie lamud amban ayat fatiha, 3- si meh sinduwe imam pinalamud wehde si tiyap tiyap surah.

Si parihalan tenged pagpatanug duk gey pagpatanug sin bismillah si diyalem sambahayang si tellu waktu kuweh ne 1- waktu magrib 2-waktu esah 3-waktu subuh, nah makajari ru iye binassa pinatanug duk gey pinatanug,duk gey binassa,

Gey kite bi makajari ngabahtal, ngandah dah atawa kan gey nuhut si pamaham de duk pikilan ineddo weh de amban meh purna ulama atawa kan imam sin tiyap tiyap ummat islam amban ampat mujahab.
Si parihalan pag inum makan, lapey ne si pag asek badju pag-asek tawumpa duk si ine ine ne tibayhuan kawul piil duk umbang payaw te nah subey iye tinagnaan sin (bismillah) hasupya makahasil barakat amban allahutaalla,

Si tenged pag-ayir atawa kan pag wuduh, mamarahi ne massa sadja sin kalima (bissmillah) si gey ne binassa kemon in bissmillah hirrahmanirrahim,

02 الْحَمْدُ لِلَّهِ رَبِّ الْعَالَمِينَ:

02- in fatiha, inalenan duk binansagan iye inah sin kitab atawan kan inah sin qur-an, bat sabab iyene iyan in panagnaan sinulat si qur-an duk sarta wajib binassa si tiyap tiyap rakaat si diyalem sambahayang, sarta in iye pitu ayat, duk gey tinayma in sambahayang si gey tabassa luu si diyalem ne in suratul al-fatiha, pain meh mananapseer in fatiha minduwe iye pinaturun weh allahutaallah, mintedde si makka duk mintedde si madinah.

(In sampurna pupunjihan duk sasanglitan teppet si mahasutci allah, tuhan tag amulahi si kemon alam.)

in kalima alhamdulilla magmahna iye panginduwa duk pagsukur tunggal si allahutaala,

In tiyap tiyap pakaradjaan tekka si bangsa manusia sibuh du haggut pasuh, rizziki hekka neke atawa kan kulang niya duk gah, subey pinadeket si bigi jantung duk si pikilan sarta ilagtik weh della ekhlas amban pangateyan in kalimah (ALHAMDULLLAH) tanda paglillah si allahutaalla.

In kalima (alhamdulillah) iyene sa hap hap lapal kabtangan ilagtik weh della supaya tahinang sabab kahasil te karidaan sin allahutaallah, sarta iyene lapal parsababan pangalasa kau sin mahasutsi allah,

Hingga dem pekew parasahan atawa kan si kasigpitan, samantara luu pe si kau in kaellum nun, subey daran in pagsabbut sin kalimah alhamdulillah, dumain ne sadja kitebi magsukur bang kitebi katekkahan arta salaksa, atawa kan pagnakura, luu neke magkamali kaam, kulang, hekka, duk gah, subey du kaam magsukur, tanda paglilla bi,si dalil sin gah niya ne saddi magbayah tunggal in allah,

Subey hati te bi pahap,gey tebi teed taikapat weh allahutaalla,hatatkala daran pangesseb tebi si iye duk pagsabbut atawan pagjikir pagtasbih sin kalimah alhamdulilla.

(Allahu ahlam bissawab)

allahutaalla in labi makahati sinkasampurnaan ne

03الرَّحْمَنِ:

03- (malasa maase) makasi si ipun moslim kapil duk kemon ne tapapanjari si babew dunya, gah niya pininig, pinakakan ginastauhan, pinapanjari in rizki weh allahutaalla si babew dunya para si ipun, magdul bayah kaam nginum mangan, adapun rahmat allahutaalla dambuwa du pinaduwaihnen si babew dunya kagastuhan kemon moslim kapil magduhul bayah kaam nginum mangan si gey magka ubus.

-03الرَّحِيم:

03-(maase)Nah bang taabut si ellew dambuli pineneh weh allahutaalla,yeru kinalasahanen muhmeen, nah kapil hap narka jahanam gey ne magsali kuweh si dunya hin, muhmeen hap surga, pagtekka si surgah si siyampuh duk siyam rahmat ne hekka rizki si ellew dambuli, sumagawa kulang mangan sabab siyampuh duk siyam rahamt ne, si dunya dambuwa du si dunyahin makakan ne kaam kemon ine ine kabayaan bi kinakan, sainge ne bang si ellew damabuli siyampuh duk siyam rahamat tuhan,

pinaku ru si kaamin dinaak kaam pasujud nambahayang duk nuhut sarah qur-an duk hadis nabi mohammad sallallahu alaihi wasallam, sumagawa kahekkahan amban kaam pinahadje bin sarah magkapinadahin, buwat adapun sarah allahutaalla yene qur-an gey magkapinda gey ngalaung kaam gamman nunyukan kaam pikilan hap, duk nuran kaam hap surga si gah niya pagbista.

04مَالِكِ يَوْمِ الدِّينِ

04-(Allahutaalla magbayah si ellew qiyamah duk tagdapuh ellew qiyamah) duk magnakaura si ellew qiyamah, nah pungtinae ku si agama islam tiyap tiyap kaam pinagnakuraan subey kaam nuhut sarah duk pinturu, gah niya saddi labeyan subey hininang malaingkan ammal ibadat sambahayang pasal gey ne kaam kapasuwey, dakaam bimbang duk suse amban pagdayah si dumain halal duk da kaam bimbang si pagnakura, pag tekka in waktu nambahayang kaam iyan du makatabangin pag taabut kaam si ellew pinag nakuraan,

hatihun bi pahap niya ellew pagtilew pagtammat si kemon ipun tinelew ne kaam, sine ne painne magnakura si ellew inin, nah allahutaalla magbayah duk magnakura in, nah sainge sah paharap bi si tuhan bang gah niya ammal ibadat bi, gey ne magguna pagdayahin, duk pagnakura bin, magsusunne magsusunin, magtangis ne bang magtangisin, ngasang ne bang mangasangin, ngillahap ne bang mangillahapin, weey be paine gah ku kapag ammal ibadat, nah gey ne magmumpaat si kaam susunin sangsah kaam tinepparan senessekan hap narka jahannam,

kabtangan si omar kinalasahan weh allahutaala sahabat rasullulla sallallahu alaihi wasallam, bistahun bi dehellu baran bin si gey pe tekka ellew pagbista, duk timbangun bi baran bin si gey pe tekka ellew pagtimbang gey ne kaam tumapuk magtapukan kuwe si dunyahin, paguwa ne kemon kagilahan bin, kemon kudjil kahibal bin si dunyahin dem listahan, luu ne mangandupangin, luu ne manangkewin, luu ne magmahsiyatin, luu ne makuriputin, luu ne duwal manampakin luu ne maputinganin luu ne mag-usaha mag-anak sinin, luu ne mamapateyin, kaam du mamasa kitab bin si ellew pagtammat.

Nah in mohmeen magkegkeg ne palaksuh ne bang mapalaksuhin hawa kegden, manjari nilew ne meh tanarkain si tasurgah in, pain tanarkah in sainge paasek bi surga iyan, sambung tasurga in pain de 1-bang kami jinuri atawa kan sinigaan atawa kan pinakitalew pagsabar kami, 2-duk bang kami pinakaatan atawa kan jinuri in kami magpahap hap si siye, 3-duk bang kami pamakuhan tabang arta niya sigpit kaelluman de tabang kami, kinawugtu neke pakan kami, atawa kan katekkahan kasusehan gey pasagran kami, duk gey kuriputan kami, nah magsusun ne meh dayahanin duk magnakurah gey ma adilin sambil siye sinessekan tudju narka jahannam.

-05إِيَّاكَ نَعْبُدُ وَإِيَّاكَ نَسْتَعِينُ:

05- (Gah niya saddi pasujuran kami, duk gah niya saddi pamakuhan kami tabang tunggal kau) nah pungtinae ku si agama islam nah bang kaam mabayah maku pagdayah, duk pagnakura labi labi nen ilmu tuhan, paharap kaam maku si allahutaalla, tuhan mag-urungin duk managgain, kahekkahan amban kaam maku tabang si meh kajinjinan duk shaitan magkillahapan magbahasa maku tabang, atawa kan palengan magpapayam bulan duk ellew duk oras sampay minit gey ne kalumengananin, pasal ngagad bulan duk ellew ne duk magpaliggit ko bahasa pawas si sin hasupaya nguntung, nahas ko painne, iyan amban kakahinang sirik sakutu si allahutaalla haram haram,

subey kaam ngandel si tuhan magbayah si kemon tapapanjari duk magsarahakan, niya qur-an ngakahan kaam, duk hadis nabi mohammad sallallahu alaihi wasallam, hatihun bi pahap asal kaam dem undang undang allahutaalla bang tasulat si kaam subey magjatu gah dapat, sumagawa duwaa si allahutaalla makasagang iyehin duk makasapaat iyehin, andang isab niya janji tuhan si kaam bang kaam nganduwa maku tinaymah, kahekkahan amban kaam lisuh nilew si ka guruhan dakaam palisuh luu in ilmuh tuhanin duk hadis mohammad sallallahu alaihi wasallam, siye maka pahamin nelew kaam.

06اهْدِنَا الصِّرَاطَ الْمُسْتَقِيمَ:

06-(Hidayatanun kami si lan bentel) nah pungtinae ku si agama islam in hidayat kalagihan pinaku si allahutaalla sababan maka sannang kaam duk sababan maka hap pikilan duk sababan mabaya kaam ngahati ilmu agama islam, duk sababan nunyukan kaam pikilan sannang amban kemon hinang makahap kaam si anak anda bi, si pungtinae bi, si matattoe bi, duk makahap pag-usaha bi duk si usba waris bi duk si pagnakura bi si kawman bi lagi luba maut kaam hap surga.

Maana hidayat (iman,) noan kaam si lan bentel pikilan hap duk pagpabasag pamaratsaya si tuhan, bang mikit ne si kaam in hidayat gey ne kaam tagengo ngengo weh meh bangsa satru, duk meh arta dumain halal si kaam, in arta allahutaalla banes subey dinaak kaam weh allahutaalla miha arta usaha gah niya siggul sagga ne minsan kuweh diki dikian tapung, hidayat hatihun nuran kaam hap surga,

Bang manusiya duwal si panensongan minsan dumain si iye eddoh ne, magdapuh, ngungkal, nigah, ngagew, pegge iye bahasa labung pamilya nen, atawa kan bahani atawa kan hekka sinapang ne, gey katikbih tikbian nampak, makitalew duk sadjata ne, nah sipat gah pe kahidayatan, makaase, makaluuy, sumuh duk sumuddeh gey ru tapaglagi ne gamman nuran iye hap narka jahannam, kaam kahidayatanin dumain isab gamman sinuknaan sabab pungtinae bi ih, subey isab daran pinakuhan si tuhan bang man siye hinidayatan weh allahutaalla, teggel samet nen,

7 صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ:

07- (kuweh meh siye kahidayatannu meh kanabi nabihan,mohmeen sampurna duk meh siye mabasag mag-ammal ibadat ley) duk pa saddihun kami isab amban kasuknaan weh nu meh bangsa yahudi duk kapil, bangsa kapil duk yahudi kasuknaan ne siye laung ubus ilaung pe weh de baran den tahati re niya agama islam, sumagawa gey siye mabayah ngahati pegge bang siye ngahati agama islam leppas pain de agama ren.

pungtinae ku si agama islam anak bi atawa kan puntinae bi sali bi,bang kaam kasulutan si julbahasa si yakan iyan tawfix amban allahutaalla,bang niya gah katawwaan bi pagmaana ku maaf duk maku ku ampun si allahutaalla,sali bi bang niya malih ne sahawihun bi sah duk magsulat sah kaam,(usba92@yahoo.com

Pangkatan

2009-08-01T18:30:00.000-07:00

Sugsugan usbawaris sumisip sampay hap tipo2

PANGKATAN APUH AHANG DUK APUH TABAH.

AHANG (muwang) Andanen si TABA lahat den si bohe manakayan Gifayeen taga anak siye sampuk dambuwa,

1-Kapeng 2-Timing 3-Ibbing 4-Karing 5-Lawing 6-Tuljaun 7-Asali 8-Tibrani 9-Ahala 10-Awwala 11-Dayyala

Bahi Kapeng Nganak:1-Taalal 2-Pakamlahu 3-kabliya 4-Bahdiya 5-Kuddaman 6-Napsihi 7-Insang
1-Nganak Taalal Anak si kapeng waluh (9)siye Magpungtinae
(1)-Indalal 2-Hatalal 3- Barih- 4-Huddina 5-Andebo 6-Jakiyan 7- Kapatas 8-Rehok 9-Kagannyan

(1)-Nganak Indalal
1-Hatamad 2-Janiran 3-Lakijan 4- (Ammad) 5-hawina 6-Hashima 7-Hawanad
(2)-Nganak hatalal
1-Jangkisan 2-Abugarul 3-Malatal 4-kobang 5-Gairan 6-Damayan 7- samanul

(3)-Nganak si Barih
1-Jakiral 2-Jaddatal 3-Sakatta 4-oficial

(4) Nganak Huddina
1-Hadji Hattab 2-Atakul 3-Muksiril 4-Sabilian 5-Engo 6-Sururan 7-Majidhan 8-olleh

(5) Nganak Andebo
1-Sattahul 2-Junirul 3-Hadjinul 4-Darasinul 5-Sakiyan 6-Manjiyan

(6) Nganak Jakiyan
1-Saddapahul 2-Majjanul 3-Damansiya 4-Nuring 5-Ukah
(7)-Nganak Kappatas
1-Kuriras 2-Jaddiya 3-Haplaiya

(8)-Nganak si Rehok
1-Maliya 2-Sattarul
(9)Nganak Kagannayan____pihaun bi pls

(2)-Nganak Pakamlahu
1-Hantian 2-Gannayan 3-Bingkisan

(3)Nganak Kabliya
l-Lidjaman 2-Hasad 3-Pantusan 4-Untian

(4)Nganak Bahdiya
1-Musallam 2-Taayun 3-Sahirulla 4-Jakiya

(5)Naganak Kuddaman
1-Sahina 2-Jaida 3-Hataman 4-Mahluman 5-Dandahan

(6)Nganak Napsihi
1-Maalup 2-Usman 3-isbatan 4-Timabaan

(7)Nganak si Insang
1-Sampuluna 2-Janalhatib 3-Maarup 4-Ajarul 5-Sahibil
Taman tuu anak apu taalal anak si kapeng anak si aha

2-Timing puntunae si kapeng
(1)Nganak si Timing
1-Jawallun 2-Dungkal 3-Kalabiyan 4-Mislihi

(Nganak) Jawallun
1-Abantu 2-Danu 2-Mahliya

(Nganak) Dungkal
1-Salisin 2-Tahajid 3-Langkiyan
(Nganak)kalabiyan
1-antituh 2-hudjatal 3-Saliat 4-Batata

(Nganak)Mislihi
1-Dalilan
Taman tuu anak apuh Timing

3-Ibbing puntinae si Kapeng
(Nganak)si Ibbing
1-Tiyuh 2-Saparan 3-Agaran
(Nganak) si tiyuh
1-Saaban 2-Sagaran

(Nganak)Saparan
1-Ispital 2-Janajanmeen 3-Siputuk

(Nganak)Agaran
1-Saraban
Taman tuu anak apuh si Ibbing

4-Karing pungtinae si Kapeng
(Nganak) si Karing
1-Sawbang 2-Atal 3-baila 4-Hujuman 5-sugpangan 6-Sellegan 7-Talusan

(Nganak) sawbang
1-Lippung 2-ubat 3-Hujuman 4-Inkas 5-Hasan 6-Kende

(Nganak si atal
1-Bakiki 2-Baira 3-Bandun 4-Sabbuhun 5-Baakal 6-Pambatal 7-Nusdahiya

(Nganak)Baila
1-Muru 2-issek 3-Takin 4-Musallim 5-Dagiran 6-ambahan

(Nganak)Sellegan
1-Sulaman 2-Kammalin 3-Bikku 4-Sawiya 5-asiya

(Nganak) Sugpanagn
1-Singkabung 2-hakkul 3-taying

(Nganak)Talusan
1-Kumbisan 2-Sahilang 3-Pulunsiya 4-Lambayun 5-Nawila 6-Mawila 7-Basila 8-Bahali 9-Abdan

5-Ahala pungtinae si kapeng
(Nganak)Ahala
1-Baal 2-Hawisa 3-Sallani 4-Tajammal 5-Muddil 6-Utusan 7-ilani 8-Jamjinan 9-Junang 10-Dinang 11-Tumawan 12Gawiran

6-Tibrani pungtine si kapeng
(Nganak)Tibrani
1-Tibug 2-Amila

7- Awwala pungtinae si kapeng
(Nganak) Awwala
1-Nuhing 2-Lumpo 3-Gindali 4-Junniya 5-alilan 6-Jannamg
Taman inin ,bng makajari pihahun bi aku inin pungtiane bahi kapeng inin gah talista ku pegge bng ubus piha bi hinang ku ru isab poket book
8-Lawing 9-Tuljaun 10-Asali 11-Dayyala
Read more...
Posted by USBA_92 at 8:57 AM 0 comments
Labels: Qissa
dahwa duk tableeg in islam !
>> 2009/06/19
INSAALLA MASIRU PASTE KU IN MAUDU KU INI SI WAKTU SAMET,,,
Read more...
Posted by USBA_92 at 10:42 PM 0 comments
Labels: Qissa
PAHATI !
Masa kuweitu song ne kite bi ligap weh pangari ngari dunya, sabab kahekkahan ilapung ne kitebe weh arta duk magduhul bayah magnakura naikutan ulama kaw paine pinakuhan kite arta,manjari tilewun bi ko baran bin bang tungan ka tudjuhan bin,sulga ke katekkahan bin atawan kan narka jahannam lumah bin.HATIHUN BI IN ISLAMIN PAHAP, ulama in mag mumpaat.
Maaf ne sadja kaam bahu inin magtagnah magdahwa duk magnasihat minsan in kaniyaannen si internet sabab in computer duk internet si massa kuitu sa hajje hajje nihmat amban allahutaalla bang usal te bi si pagdahwa,hatihun bi pahap pain dambuwa imam ibnu kayyim,painne sa lankew langkew darajat ibadat iyene kau ehklas magdahwa sabab tumapit kaam si allahutaalla duk maut kaam magkalasa ilasa duk diyalem kaam tumpukan sin kanabinabihan si ellew qiyamah sabab siye meh kanabihan hinang den magdahwa siye si waktu jaman.
Read more...

Salassayan al-fatiha.

2009-08-01T04:58:00.000-07:00

01بِسْمِ اللَّهِ الرَّحْمَنِ الرَّحِيمِ:

01-Tagnaan ku in kemon lapal kabatangan duk hilalaungan ku, lapey ne in ammal ibadat ku si alen allahutaalla, malasa si kemon pinapanjari duk labi makasi maase si meh ipun ne.
Pasal pagbassa sin ayat amban meh ka ayat ayatan dem qur-an, subey tinagnaan duk bismillahirrahmanirrahim, puwas billai si parihalan pag bassa sin (bismillahirrahmanirrahim) si diyalem sambahayang magparrak in meh ampat mujahab si tellu kawul 1-bang pusi imam malik gah ne ilamud weh ne amban surah alfatiha 2-bang si imam safie lamud amban ayat fatiha, 3- si meh sinduwe imam pinalamud wehde si tiyap tiyap surah.
Si parihalan tenged pagpatanug duk gey pagpatanug sin bismillah si diyalem sambahayang si tellu waktu kuweh ne 1- waktu magrib 2-waktu esah 3-waktu subuh, nah makajari ru iye binassa pinatanug duk gey pinatanug,duk gey binassa,
Gey kite bi makajari ngabahtal, ngandah dah atawa kan gey nuhut si pamaham de duk pikilan ineddo weh de amban meh purna ulama atawa kan imam sin tiyap tiyap ummat islam amban ampat mujahab.

Si parihalan pag inum makan, lapey ne si pag asek badju pag-asek tawumpa duk si ine ine ne tibayhuan kawul piil duk umbang payaw te nah subey iye tinagnaan sin (bismillah) hasupya makahasil barakat amban allahutaalla,

Si tenged pag-ayir atawa kan pag wuduh, mamarahi ne massa sadja sin kalima (bissmillah) si gey ne binassa kemon in bissmillah hirrahmanirrahim,

02 الْحَمْدُ لِلَّهِ رَبِّ الْعَالَمِينَ:

02- in fatiha, inalenan duk binansagan iye inah sin kitab atawan kan inah sin qur-an, bat sabab iyene iyan in panagnaan sinulat si qur-an duk sarta wajib binassa si tiyap tiyap rakaat si diyalem sambahayang, sarta in iye pitu ayat, duk gey tinayma in sambahayang si gey tabassa luu si diyalem ne in suratul al-fatiha, pain meh mananapseer in fatiha minduwe iye pinaturun weh allahutaallah, mintedde si makka duk mintedde si madinah.

(In sampurna pupunjihan duk sasanglitan teppet si mahasutci allah, tuhan tag amulahi si kemon alam.)
in kalima alhamdulilla magmahna iye panginduwa duk pagsukur tunggal si allahutaala,

In tiyap tiyap pakaradjaan tekka si bangsa manusia sibuh du haggut panas, rizziki hekka neke atawa kan kulang niya duk gah, subey pinadeket si bigi jantung duk si pikilan sarta ilagtik weh della ekhlas amban pangateyan in kalimah (ALHAMDULLLAH) tanda paglillah si allahutaalla.
In kalima (alhamdulillah) iyene sa hap hap lapal kabtangan ilagtik weh della supaya tahinang sabab kahasil te karidaan sin allahutaallah, sarta iyene lapal parsababan pangalasa kau sin mahasutsi allah,

Hingga dem pekew parasahan atawa kan si kasigpitan, samantara luu pe si kau in kaellum nun, subey daran in pagsabbut sin kalimah alhamdulillah, dumain ne sadja kitebi magsukur bang kitebi katekkahan arta salaksa, atawa kan pagnakura, luu neke magkamali kaam, kulang, hekka, duk gah, subey du kaam magsukur, tanda paglilla bi,si dalil sin gah niya ne saddi magbayah tunggal in allah,
Subey hati te bi pahap,gey tebi teed taikapat weh allahutaalla,hatatkala daran pangesseb tebi si iye duk pagsabbut atawan pagjikir pagtasbih sin kalimah alhamdulilla.

03الرَّحْمَنِ:

03- (In allahutaalla malasa, maase, makasi, isi ipun bangsa moslim duk bangsa kapil duk kemon ne tapapanjari ne si babew dunya)

Duk gah niya pininig weh allahutaalla, pinakan kite bi ginastuhan, pinapanjari in rizki weh allahutaalla si babew dunya para si ipun ne, magdul bayah kaam mag-inum makan, adapun in rahmat allahutaalla dambuwa du pinaturun nen si babew dunya kagastuhan ne kemon moslim kapil,binatang,duk kemon ne katumbutumbuhan pinasambuh weh allahutaalla, magduhul bayah kaam mag-inum makan si gey magka ubus.

-03الرَّحِيم:

03-(In allahutaallah malasa makasi si ipun ne bangsa mohmeen si ellew qiyamah)

Nah bang taabut si ellew dambuli pineneh ne weh allahutaalla in manusiya.yeru kinalasahanen meh siye bangsa muhmeen, nah in bangsa kapil hap narka jahanam gey ne magsali kuweh si dunya hin.

Muhmeen hap surga, pagtekka si surgah si siyampuh duk siyam rahmat allahutaallah, banes rizki allahutaallah si ellew dambuli, sumagawa kulang manusia mangan sabab siyampuh duk siyam rahmat ne, si dunya dambuwa du makakan ne kaam kemon ine ine kabayaan bi kinakan, sainge ne bang si ellew damabuli siyampuh duk siyam rahamat allahutaalla.
pinaku ru si kaamin dinaak kaam pasujud nambahayang duk nuhut sarah qur-an duk hadis nabi mohammad sallallahu alaihi wasallam, sumagawa kahekkahan amban kaam pinahadje bin sarah magkapinadahin, buwat adapun sarah allahutaalla yene qur-an gey magkapinda gey ngalaung kaam gamman nunyukan kaam pikilan hap duk nuran kaam hap surga si gah niya pagbista.

04مَالِكِ يَوْمِ الدِّينِ

04-In allahutaalla magbayah, magnakura, tagdapuh, sin ellew qiyamah.

nah pungtinae ku si agama islam tiyap tiyap kaam pinagnakuraan subey kaam magtaat nuhut sarah duk pinturu, gah niya saddi labeyan subey hininang malaingkan ammal ibadat sambahayang pasal gey ne kaam kappa suwey, dakaam bimbang duk suse amban pagdayah si dumain halal duk da kaam bimbang si pagnakura bi pag tekka in waktu, sambahayang kaam iyan du makatabangin pag taabut kaam si ellew pinag nakuraan,

hatihun bi pahap niya ellew pagtilew pagtammat si kemon ipun tinelew ne kaam, sine ne painne magnakura si ellew inin, nah allahutaalla magbayah duk magnakura in, nah sainge sah paharap bi si allahutaalla bang gah niya ammal ibadat bi, gey ne magguna pagdayah bin, duk pagnakura bin, magsusunne magsusunin, magtangis ne bang magtangisin, ngasang ne bang mangasangin, ngillahap ne bang mangillahapin, weey be paine gah ku kapag ammal ibadat, nah gey ne magmumpaat si kaam susunin sangsah kaam tinepparan senessekan hap narka jahannam,

kabtangan si omar kinalasahan weh allahutaala sahabat rasullulla sallallahu alaihi wasallam, bistahun bi dehellu baran bin si gey pe tekka ellew pagbista, duk timbangun bi baran bin si gey pe tekka ellew pagtimbang gey ne kaam tumapuk magtapukan kuwe si dunyahin, paguwa ne kemon kagilahan bin, kemon kudjil kahibal bin si dunyahin dem listahan, luu ne mangandupangin, luu ne manangkewin, luu ne magmahsiyatin, luu ne makuriputin, luu ne duwal manampakin luu ne maputinganin luu ne mag-usaha mag-anak sinin, luu ne mamapateyin, kaam du mamasa kitab bin si ellew pagtammat.

Nah in bangsa mohmeen si ellew qiyamah magkegkeg ne siguraw ne pain de surga in, palaksuh ne bang mapalaksuhin hawa kegden, manjari nilew ne meh tanarkain si tasurgah in, pain tanarkah in sainge paasek bi surga iyan, sambung tasurga in pain de 1-bang kami jinuri atawa kan sinigaan atawa kan pinakitalew pagsabar kami, 2-duk bang kami pinakaatan atawa kan jinuri in kami magpahap hap si siye, 3-duk bang kami pamakuhan tabang arta niya sigpit kaelluman de tabang kami, kinawugtu neke pakan kami, atawa kan katekkahan kasusehan gey pasagran kami, duk gey kuriputan kami, nah magsusun ne meh dayahanin duk magnakurah gey ma adilin sambil siye sinessekan tudju narka jahannam.

-05إِيَّاكَ نَعْبُدُ وَإِيَّاكَ نَسْتَعِينُ:

05- Gah niya saddi pasujuran kami, duk gah niya saddi pamakuhan kami tabang tunggal kau.

Nah pungtinae ku si agama islam nah bang kaam mabayah maku pagdayah, duk pagnakura labi labi nen ilmu tuhan, paharap kaam maku si allahutaalla, tuhan mag-urungin duk managgain, kahekkahan amban kaam maku tabang si meh kajinjinan duk shaitan magkillahapan magbahasa maku tabang, atawa kan palengan magpapayam bulan duk ellew duk oras sampay minit gey ne kalumenganan nen, pasal ngagad bulan duk ellew ne duk magpaliggit ko bahasa pawas si sin hasupaya nguntung, nahas ko painne, iyan amban kakahinang sirik sakutu si allahutaalla haram haram,
Subey kaam ngandel si allahutaallah magbayah si kemon tapapanjari duk magsarahakan, niya qur-an ngakahan kaam, duk hadis nabi mohammad sallallahu alaihi wasallam, hatihun bi pahap asal kaam dem undang undang allahutaalla bang tasulat si kaam subey magjatu gah dapat, sumagawa duwaa si allahutaalla makasagang iyehin duk makasapaat iyehin, andang isab niya janji tuhan si kaam bang kaam nganduwa maku tinaymah, kahekkahan amban kaam lisuh nilew si ka guruhan dakaam palisuh luu in ilmuh tuhanin duk hadis mohammad sallallahu alaihi wasallam, siye maka pahamin nelew kaam.
06اهْدِنَا الصِّرَاطَ الْمُسْتَقِيمَ:

06-Hidayatanu, tunyukanun kami si lan bentel,

Nah pungtinae ku si agama islam in hidayat kalagihan pinaku si allahutaalla sababan maka sannang kaam duk sababan maka hap pikilan duk sababan mabaya kaam ngahati ilmu agama islam, duk sababan nunyukan kaam pikilan sannang amban kemon hinang makahap kaam si anak anda bi, si pungtinae bi, si matattoe bi, duk makahap pag-usaha bi duk si usba waris bi duk si pagnakura bi si kawman bi lagi luba maut kaam hap tudju surga.
Maana hidayat (iman,) noan kaam si lan bentel pikilan hap duk pagpabasag pamaratsaya si allahutaalla bang mikit ne si kaam in hidayat gey ne kaam tagengo ngengo weh meh bangsa satru, duk meh arta dumain halal si kaam, in arta allahutaalla banes subey dinaak kaam weh allahutaalla miha arta usaha gah niya siggul sagga ne minsan kuweh diki dikian tapung, hidayat hatihun bi pahap nunyukan kaam tudju surga,
Bang manusiya duwal si panensongan minsan dumain si iye eddoh ne, magdapuh, ngungkal, nigah, ngagew, pegge iye bahasa labung pamilya nen, atawa kan bahani atawa kan hekka sinapang ne, gey katikbih tikbian nampak, makitalew duk sadjata ne, nah sipat gah pe kahidayatan, makaase, makaluuy, sumuh duk sumuddeh gey ru tapaglagi ne gamman nuran iye hap narka jahannam, kaam kahidayatanin dumain isab gamman sinuknaan sabab pungtinae bi ih, subey isab daran pinakuhan si tuhan bang man siye hinidayatan weh allahutaalla, teggel samet nen.

7 صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ:

07- kuweh meh siye kahidayatannu,katunyukannu si lan kabentelan meh kanabi nabihan,mohmeen sampurna duk meh siye mabasag mag-ammal ibadat ley duk meh mamatey shahid ley, duk pa saddihun kami amban meh kasuknaanu bangsa yahudi duk kapil.
bangsa kapil duk yahudi kasuknaan ne siye laung ubus ilaung pe weh de in baran den tahati re niya agama islam, sumagawa gey siye mabayah ngahati pegge bang siye ngahati agama islam leppas pain de agama ren.

(Allahu ahlam bissawab)
allahutaalla in labi makahati sinkasampurnaan ne
Read more...