Kissa pamintangan.

Posted by Mohammad G. Indalal 2009/07/26 0 comments

Kahapan Pagmatalew Sampurna'.


"يحكى انه في القرن الاول الهجري كان هناك شابا تقياً
يطلب العلم ومتفرغ له ولكنه كان فقيرا وفي يوم من الايام خرج من بيته من شدة الجوع
ولانه لم يجد ما يأكله فانتهى به الطريق الى احد البساتين والتي كانت مملؤة باشجار التفاح
وكان احد اغصان شجرة منها متدليا في الطريق ... فحدثته نفسه ان ياكل هذه التفاحة
ويسد بها رمقه ولا احد يراه ولن ينقص هذا البستنان بسبب تفاحة واحده ...


Tasuwi suwi si First Centrury si Tahun Hijri, nya’ dambuwa’ subul magmatalew manamal sarta' basag pamaratsaya’ nen Tudju Allahu taala, magtuntut Ilmu’duk pilmi hadja si kabimbangan sabab ilmu’. Sumaguwa’ kaniyaan nen miskin iye makalandu’,Dambuwa’ ellew paguwa’ iye amban luma’ ne sabab kabawnusan iye manamal duk ga’ iye makasuwa’ kinakan ne, sampay umabut iye si kakabbunan apple, duk dambuwa’ amban me’pange kayu apple miyaan, pasayad ne si lan, bune iye pi kineyo keyo we’ hawa nafsu ne mangan buwa’ kayu miyaan, supaya hadja tambal in kawugtu’ ne miyaan, ga’ du sab nya’ makakite iye, duk gey du sab halin kabbun miyaan, sabab dambuwa’ du buwa’ apple.


فقطف تفاحة واحدة وجلس ياكلها حتى ذهب جوعه ولما رجع الى بيته بدات نفسه تلومه
وهذا هو حال المؤمن دائما جلس يفكر ويقول كيف اكلت هذه التفاحة وهي مال لمسلم ولم استأذن منه
ولم استسمحه فذهب يبحث عن صاحب البستان حتى وجده فقال له الشاب يا عم بالامس بلغ بي الجوع مبلغا عظيماً واكلت تفاحة من بستانك من دون علمك وهئنذا اليوم أستأذنك فيها
فقال له صاحب البستان .. والله لا أسامحك بل انا خصيمك يوم القيامة عند الله!!!


Bune iye pi ngettu’ buwa’ apple miyaan, bu ningko’ patanam mamangan apple in sampay tahala’ ne kawugtu’ nen, pagsakay iye tekka si luma’ ne, bu ne hep iye sinususan we’ ginhawa baran nen, saien ne pain kahalan mu’min sampurnain kahaba, Bu ne iye ningko’ mikil mikil missa si di ne, weey takakan ku apple myaan? Bu pangalta’ ien dambuwa’ muslim? Bu ga’ pe sab ku bisan makabaid? Duk ga’ du sab ku kapagpamaaf si iye? Bu ne palengngan miha dapu’ kabbunin, sampay kasuwa’ ne ne, na missa ne subul2x miyaan : Oh apa’, diilew kabawnusan ku marasahi sarta’ makakan ku apple amban kabbunan nu inin si ga’ panghati nu, na tya’ ne ku kuitu ellew inin maid ku si kau, na sambung dapu’ kabbunan miyaan, sapahan ku si Allahu taala, gey kew maaf ku, maniya’ nya’ kuntara nu pe ku si Ellew Qiyamat si Hadarat Allahu taala.






بدأ الشاب المؤمن يبكي ويتوسل اليه أن يسامحه وقال له انا مستعد ان اعمل اي شي بشرط ان تسامحني وتحللني وبدا يتوسل الى صاحب البستان وصاحب البستان لا يزداد الا اصرارا وذهب وتركه والشاب يلحقه ويتوسل اليه حتى دخل بيته وبقي الشاب عند البيت ينتظر خروجه الى صلاة العصر... فلما خرج صاحب البستان وجد الشاب لا زال واقفا ودموعه التي تحدرت على لحيته فزادت وجهه نورا غير نور الطاعة والعلم فقال الشاب لصاحب البستان يا عم انني مستعد للعمل فلاحا في هذا البستان من دون اجر باقي عمري او اي امر تريد ولكن بشرط ان تسامحني.
عندها...
Bu ne subul Mu’min sampurna’ miyaan magtangisan ne, nganggaga ne miki maaf si dapu’ kabbun miyaan, sarta’ missa pe subul miyaan, saddiya ku, maghinang si kau sharat nen subey hadja ku maaf nu duk urungan nu labeyan, sampay asal gana dehengan saien ne pain kahalan nen gey pahali miki maaf, bu hadja pataykut tahala dapu kabbun miyaan inambanan hadja sawe’ nen, sumaguwa’ subul miyaan masi paturul turul supaya hadja minaaf, sampay paasek ne dapu’ kabbun miyaan pa diyalem luma’ ne, ubus lai ne hadja subul miyaan si guwa’ sarta’ ngagad ngagad paluwas ne bang ne tekka waktu asar in. pagtekka ne saien in dapu’ kabbun miyaan, takite ne nehep subul miyaan ga’ halin si panengge nenggehan nen, bu ne paselluy in bohe’ mata subul ne miyaan tudju bongot ne, bu hadja magtatamba in sahaya sin paluwehan nen saddi pe amban pagsahaya pagtaat duk pamratsaya duk panghati, na missa ne hep subul miyaan si dapu kabbunin, oh apa’, saddiya ku maghinang bisan sa’ pain magtunggu atawa magtanem si kabbunan nu inin, ga’ niya paggadji duk tegteban umul kun, si teggelan ku maellumin atawa ine pe pakaradjaan daak nu si aku, sharat nen, maafun hadja ku, billai amban ien.


اطرق صاحب البستان يفكر ثم قال يا بني انني مستعد ان اسامحك الان لكن بشرط فرح الشاب وتهلل وجهه بالفرح وقال اشترط ما بدى لك ياعم؟
Bu ne nali’2x dapu’ kabbunin mikil, ubus missa ne hep : Oh Toh, In bennal nen aku saddiya ku ngamaaf kau, sa’ duk sharat ne, Bu ne katauhan nu sinna Subul myaan kegan, sarta’ magsinglap ne in paluwehan nen we’ sinnahin, pain ne: pihun ko’ apa’ bang ine sharat nu ley?


فقال صاحب البستان شرطي هو ان تتزوج ابنتي !!!ا
Na missa ne hep dapu’ kabbun myaan, sharat kun inin: saingge mag anda kew si anak kun?


صدم الشاب من هذا الجواب وذهل ولم يستوعب بعد هذا الشرط ثم اكمل صاحب البستان قوله ...
ولكن يا بني اعلم اني ابنتي عمياء وصماء وبكماء وايضا مقعدة لا تمشي ومنذ زمن
وانا ابحث لها عن زوج استأمنه عليها ويقبل بها بجميع مواصفاتها التي ذكرتها
فإن وافقت عليها سامحتك.


Takeddut subul miyaan we’ sambung ien, sarta’ sawale, duk ga’ tahati ne bang ine teed asal sharat ien, ubus tinambus ne hep we’ ne in bissa ne miyaan, Oh toh. Sumaguwa’ anak ku Dende ien, pessek duk bisu, duk umew, damikkiyan gey du sab iye umusa’ amban paningkoan ne
( paralyzed) gey tapalengngan, kamuwe teggel masa ien ne pinihahan we’ ku ella kapangandelan ku para si iye duk taima’ ne sab anak ku miyaan duk kemon ne sipat tasabbut ku miyaan, na bang iye taima’ nu maaf te nekew.


صدم الشاب مرة اخرى بهذه المصيبة الثانية
وبدأ يفكر كيف يعيش مع هذه العلة خصوصا انه لازال في مقتبل العمر؟
وكيف تقوم بشؤنه وترعى بيته وتهتم به وهي بهذه العاهات ؟
بدأيحسبها ويقول اصبر عليها في الدنيا ولكن انجو من ورطة التفاحة !!!!
ثم توجه الى صاحب البستان وقال له يا عم لقد قبلت ابنتك واسال الله ان يجازيني على نيتي
وان يعوضني خيرا مما اصابني فقال صاحب البستان .... حسناا يا بني موعدك الخميس القادم عندي في البيت لوليمة زواجك وانا اتكفل لك بمهرها


Takeddut subul miyaan balik si pakala si kaduwe ien, bu ne nali’ mikilan bang saingge kaellum ne duk dende masakihan miyaan lagi pe isab si pangumulan bata’ 2x? Duk saingge pangahatul ne iyehin, duk pagmemes ne lumain bang isab saien ne saki nen?
Bu ne pi neteg pamikil nen, pain ne si di nen magsabar ne kew pain ne si iye si Dunya supaya hadja kew lappas amban pakala nu sabab apple ley du. Bu ne iye itu Lumengngan hap dapu’ kabbunanin, pain ne si iye : Oh apa’ tayma’ ku ne anak nun, nganduwaa ne hadja kew tudju Allahu taala, bang pain sab ku tumbasan ne si niyat kun, duk gantian ne si aku pakala kun hap amban makatawwa’ aku inin,. na pain dapu kabbunan myaan : hap ne Toh, keddew pangawinan kauhin ellew Khammis si luma’ ku magkaradjaan sarta’ aku ne kuwiraw si Ungsuran nun.


فلما كان يوم الخميس جاء هذا الشاب متثاقل الخطى... حزين الفؤاد... منكسر الخاطر...
ليس كأي زوج ذاهب الى يوم عرسه فلما طرق الباب فتح له ابوها وادخله البيت
وبعد ان تجاذبا اطراف الحديث قال له يا بني... تفضل يالدخول على زوجتك وبارك الله لكما وعليكما وجمع بينكما على خير واخذه بيده وذهب به الى الغرفة التي تجلس فيها ابنته فلما فتح الباب ورآها ....
فاذا فتاة بيضاء اجمل من القمر قد انسدل شعركالحرير على كتفيهافقامت ومشت اليه
فاذا هي ممشوقة القوام وسلمت عليه وقالت السلام عليك يا زوجي ....


Pag ellew Khammis ne, tekka ne hep Subul miyaan agen ne gey taboo ne parasahan nen, bohat ne bisan patekang nen, landu’ kadukka jantung, halubilu pikilan, domain kowe’ me’ lella (pangantin) kasinduwehan pangantin patudju hap pangawinan iyehin, pag sakay tinotok we’ ne gawangin ilukahan ne hep we’ amma’ dende hin, ubus pinaasek ne iye we’ ne padiyalem luma’. Pagpuwas ne siye magsuwi suwi duk matoa ne miyaan, pain ne oh Toh : pi nekew pi si anda nu ( sarta’ nganduwaa ne para si siye duwangan mag ella andahin) bang pain isab pagbarkat Allahu taala si kaam karuwangan duk pagdambuwa’ ne kaam si kahapan, ubus inantan ne we’ ne tangan ne myaan tinundan pariyalem bilik paningkoan anak ne dende myaan (anda nen ne) pagluka ne gawangin, sarta’ takite ne ne, iyu hep sangka’ langkewan nen, bu ne nalam: Kasanyangan luu si kau oh kew ella ku.






اما صاحبنا فهو قد وقف في مكانه يتأملها وكأنه امام حورية من حوريات الجنة
نزلت الى الارض وهو لا يصدق ما يرى ولا يعلم مالذي حدث ولماذا قال ابوها ذلك الكلام ...
ففهمت ما يدور في باله فذهبت اليه وصافحته وقبلت يده وقالت انني عمياء من النظر الى الحرام وبكماء من الكلام الى الحرام وصماء من الاستماع الى الحرام ولا تخطو رجلاي خطوة الى الحرام ....


وانني وحيدة ابي ومنذ عدة سنوات وابي يبحث لي عن زوج صالح فلما اتيته تستاذنه في تفاحة
وتبكي من اجلها قال ابي ان من يخاف من اكل تفاحة لا تحل له حريّ به ان يخاف الله في ابنتي
فهنيئا لي بك زوجا وهنيئا لابي بنسبك


وبعد عام انجبت هذا الفتاة من هذا الشاب غلاما كان من القلائل الذين مروا على هذه الأمة اتدرون من ذلك الغلام ؟
انه الامام ابو حنيفة صاحب المذهب الفقهي المشهور
Adapun Lella miyaan ga’ umusa’ amban tampat nen mandangan anda ne ne miyaan, kowe’ iye hantang si Dehellum birarali amban me’ birarali Surga’ paturun tudju bulak Dunya, gey iye agen kahagad si takite nen, duk gey tahati ne bang weey saien magjatuhin, duk bang weey saien panipat iye we amma’ neley.
Mugtuy isab tahati we’ anda ne miyaan bang ine tinali ne ley, duun2x ne patudju si ella nen duk sineken we’ ne ( shake hand) sarta’ inuk we’ ne tangan ella ne myaan duk missa ne hep: Bennal nen in aku pessek ku gey ku makapayam tudju Haram , duk umew ku bang pagbissahin pasal Haram, duk Bisu ku bang pinakalehin haram, duk gey patekang bettis kun bisan dan tekang bang tudju Haram,
Duk aku dendang dendangan ku du ku, duk si amma’ isab. Si amma’ du mamihahan aku ella mahatulin ( Salih), pag sakay kew tekka, maid kew pusi amma’sabab du dambuwa’ apple, duk sarta’ magtangisan kew sabab tinalew kew makakan haram, Na tasambat si ammain , sabennal iye matinalew mamangan dambuwa’ apple gey halal si iye, mamarahi ne katalew ne tudju Allahu taalahin,duk hap ne si Anak ku, na kau ne pagsinna sinna kun oh kew ella ku, duk kabantuhan si amma’ ne tubuan nun.


Pagpuwas dantahun, nganak ne hep dende miyaan amban ella ne ru ien, nakanak liyang amban me kaekka ren amban me’ ummat inin, katauhan bi bang sine nakanak miyaan ?iye ne hep ien Imam Abu Hanifa iye ne dapu’ mazhab fiqhi mabantuhin.[1]


Translated by : Ridah J. Kusain

Pangkatan

Posted by Mohammad G. Indalal 0 comments

Sugsugan usbawaris sumisip sampay hap tipo2

PANGKATAN APUH AHANG DUK APUH TABAH.

AHANG (muwang) Andanen si TABA lahat den si bohe manakayan Gifayeen taga anak siye sampuk dambuwa,

1-Kapeng 2-Timing 3-Ibbing 4-Karing 5-Lawing 6-Tuljaun 7-Asali 8-Tibrani 9-Ahala 10-Awwala 11-Dayyala

Bahi Kapeng Nganak:1-Taalal 2-Pakamlahu 3-kabliya 4-Bahdiya 5-Kuddaman 6-Napsihi 7-Insang
1-Nganak Taalal Anak si kapeng waluh (9)siye Magpungtinae
(1)-Indalal 2-Hatalal 3- Barih- 4-Huddina 5-Andebo 6-Jakiyan 7- Kapatas 8-Rehok 9-Kagannyan

(1)-Nganak Indalal
1-Hatamad 2-Janiran 3-Lakijan 4- (Ammad) 5-hawina 6-Hashima 7-Hawanad
(2)-Nganak hatalal
1-Jangkisan 2-Abugarul 3-Malatal 4-kobang 5-Gairan 6-Damayan 7- samanul

(3)-Nganak si Barih
1-Jakiral 2-Jaddatal 3-Sakatta 4-oficial

(4) Nganak Huddina
1-Hadji Hattab 2-Atakul 3-Muksiril 4-Sabilian 5-Engo 6-Sururan 7-Majidhan 8-olleh

(5) Nganak Andebo
1-Sattahul 2-Junirul 3-Hadjinul 4-Darasinul 5-Sakiyan 6-Manjiyan

(6) Nganak Jakiyan
1-Saddapahul 2-Majjanul 3-Damansiya 4-Nuring 5-Ukah
(7)-Nganak Kappatas
1-Kuriras 2-Jaddiya 3-Haplaiya

(8)-Nganak si Rehok
1-Maliya 2-Sattarul
(9)Nganak Kagannayan____pihaun bi pls

(2)-Nganak Pakamlahu
1-Hantian 2-Gannayan 3-Bingkisan

(3)Nganak Kabliya
l-Lidjaman 2-Hasad 3-Pantusan 4-Untian

(4)Nganak Bahdiya
1-Musallam 2-Taayun 3-Sahirulla 4-Jakiya

(5)Naganak Kuddaman
1-Sahina 2-Jaida 3-Hataman 4-Mahluman 5-Dandahan

(6)Nganak Napsihi
1-Maalup 2-Usman 3-isbatan 4-Timabaan

(7)Nganak si Insang
1-Sampuluna 2-Janalhatib 3-Maarup 4-Ajarul 5-Sahibil
Taman tuu anak apu taalal anak si kapeng anak si aha

2-Timing puntunae si kapeng
(1)Nganak si Timing
1-Jawallun 2-Dungkal 3-Kalabiyan 4-Mislihi

(Nganak) Jawallun
1-Abantu 2-Danu 2-Mahliya

(Nganak) Dungkal
1-Salisin 2-Tahajid 3-Langkiyan
(Nganak)kalabiyan
1-antituh 2-hudjatal 3-Saliat 4-Batata

(Nganak)Mislihi
1-Dalilan
Taman tuu anak apuh Timing

3-Ibbing puntinae si Kapeng
(Nganak)si Ibbing
1-Tiyuh 2-Saparan 3-Agaran
(Nganak) si tiyuh
1-Saaban 2-Sagaran

(Nganak)Saparan
1-Ispital 2-Janajanmeen 3-Siputuk

(Nganak)Agaran
1-Saraban
Taman tuu anak apuh si Ibbing

4-Karing pungtinae si Kapeng
(Nganak) si Karing
1-Sawbang 2-Atal 3-baila 4-Hujuman 5-sugpangan 6-Sellegan 7-Talusan

(Nganak) sawbang
1-Lippung 2-ubat 3-Hujuman 4-Inkas 5-Hasan 6-Kende

(Nganak si atal
1-Bakiki 2-Baira 3-Bandun 4-Sabbuhun 5-Baakal 6-Pambatal 7-Nusdahiya

(Nganak)Baila
1-Muru 2-issek 3-Takin 4-Musallim 5-Dagiran 6-ambahan

(Nganak)Sellegan
1-Sulaman 2-Kammalin 3-Bikku 4-Sawiya 5-asiya

(Nganak) Sugpanagn
1-Singkabung 2-hakkul 3-taying

(Nganak)Talusan
1-Kumbisan 2-Sahilang 3-Pulunsiya 4-Lambayun 5-Nawila 6-Mawila 7-Basila 8-Bahali 9-Abdan

5-Ahala pungtinae si kapeng
(Nganak)Ahala
1-Baal 2-Hawisa 3-Sallani 4-Tajammal 5-Muddil 6-Utusan 7-ilani 8-Jamjinan 9-Junang 10-Dinang 11-Tumawan 12Gawiran

6-Tibrani pungtine si kapeng
(Nganak)Tibrani
1-Tibug 2-Amila

7- Awwala pungtinae si kapeng
(Nganak) Awwala
1-Nuhing 2-Lumpo 3-Gindali 4-Junniya 5-alilan 6-Jannamg
Taman inin ,bng makajari pihahun bi aku inin pungtiane bahi kapeng inin gah talista ku pegge bng ubus piha bi hinang ku ru isab poket book
8-Lawing 9-Tuljaun 10-Asali 11-Dayyala
Read more...
Posted by USBA_92 at 8:57 AM 0 comments
Labels: Qissa
dahwa duk tableeg in islam !
>> 2009/06/19
INSAALLA MASIRU PASTE KU IN MAUDU KU INI SI WAKTU SAMET,,,
Read more...
Posted by USBA_92 at 10:42 PM 0 comments
Labels: Qissa
PAHATI !
Masa kuweitu song ne kite bi ligap weh pangari ngari dunya, sabab kahekkahan ilapung ne kitebe weh arta duk magduhul bayah magnakura naikutan ulama kaw paine pinakuhan kite arta,manjari tilewun bi ko baran bin bang tungan ka tudjuhan bin,sulga ke katekkahan bin atawan kan narka jahannam lumah bin.HATIHUN BI IN ISLAMIN PAHAP, ulama in mag mumpaat.
Maaf ne sadja kaam bahu inin magtagnah magdahwa duk magnasihat minsan in kaniyaannen si internet sabab in computer duk internet si massa kuitu sa hajje hajje nihmat amban allahutaalla bang usal te bi si pagdahwa,hatihun bi pahap pain dambuwa imam ibnu kayyim,painne sa lankew langkew darajat ibadat iyene kau ehklas magdahwa sabab tumapit kaam si allahutaalla duk maut kaam magkalasa ilasa duk diyalem kaam tumpukan sin kanabinabihan si ellew qiyamah sabab siye meh kanabihan hinang den magdahwa siye si waktu jaman.
Read more...

bang kaam paasek si lumah

Posted by Mohammad G. Indalal 2009/07/22 0 comments

وَعَنْ انَس رضي الله عنه قَاَلَ: قَاَلَ لي رسول الله صلي الله عليه وسلم: يابُنَيَّ اذَا دَخلْت عَلَي اَهْلكَ فَسَلّمٍ يكُنْ بَرَكَةَ عَلْيكِ وَ عَلَيَ أهْلِ بَيتكَ رواه ترميذي

amban si anas kinalasahan weh allahutaalla magkbtangan
magsabda si aku rasululla sallallahualaihi wasallam, oh kew
anak apabila kew paasek si ahli nu nah salam kew barakat si kau duk si aa lumah.
Salassayan:
Bang kaam paasek si lumah bi,atawa kan sine2 lumah patekkahan bi salam kaam si dapuh lumah, salam bin, Assalamu alaikum, sambung bin alaikumu ssalam warahmatullahi wabarkatu.

pahapun pag alen anak bin

Posted by Mohammad G. Indalal 2009/07/20 0 comments

Pahati!!! Dakaam mag alen duk alen bisaya kapil magsabda rasululla s.w.a

قال رسول الله صلى الله عليه وسلم ( فإذا سميتم فأحسنوا أسمائكم لأنكم تنادون يوم القيامة بإسمائكم وأسماء أبائكم
Maana: Apabila kaam mag alen( si anak bi) palingkatun bi pag-alen bin bennal teed taabut si ellew qiyamah tinawag kaam si alen bin duk kaalenan alenan kamatattoehan bi.

Kandayan kabisayaan,maghalli,

Posted by Mohammad G. Indalal 0 comments

بسم الله الرحمن الرحيم
hukuman mangan si kandayan si lahat kabisayaan, jolibee, kfc, macdonald, domain iye haram, sumagawa bangkatauhanu niya luu haram atawa kan subahat, kuweh meh pamapa manuk atawa kan safi iyan haram, ubus gah pe gili kinosean, haram kew mag-order ,duk kandayan iyan haram,
pahati!!!
Labi lugah ne luu si lahat subey pahalli te meh kaanakanin amban meh kandayan tasabbut inin, Labi ne teed ko jollybee iyan pain kahekahan makakitehin subey teed iyan kalamuran bawih.

da kaam nalla pagkakan.

Posted by Mohammad G. Indalal 2009/07/17 0 comments

وعن أبى هريرة رضى الله عِنهُ أنه قَال: مَا عَاب رسولِ الله صَلىِ الله عَلَيِهِ وَسَلَم طَعَاَماً قَطُ كَان إذَا اِشْتَهِى شيئِاً أكَلهُ وإن كرهَهُ تَركَهُ : متفق عليه .

Amban huraira kinalasahan weh allahu taalla, gah teed rasululla sallahhu alaih wasallam nallah nallah kinakan, apila iye seban ine ine kinakan kakan ne, bang gey kaseban ne dehengan ne.
Salassayan:
Pahati si kaam pungtinae ku si agama islam bang kaam mabayah mangan si niya pamakan kaam kinakan mangan kaam, bang kaam gey mabayah da isab kaam ngudju ngudju si kinakan pungtinae bi, buh isab gey ngandu ngandu si kamiskinan nen, duk magduse kaam hallianun bi ha supaya niya pagkasilasa si antara magpungtinae.


seera

Posted by Mohammad G. Indalal 0 comments

soon inshaallah

pasal saih sama'

Posted by Mohammad G. Indalal 2009/07/10 0 comments

عَنْ اَبِي هُرَيْرَةَ رضى الله عنه قَالَ جَاءَ رَجُلٌ اِلَى رَسُولِ اللَّهِ مَنْ اَحَقُّ بِحُسْنِ صَحَابَتِي قَالَ ‏‏ اُمُّكَ ‏: قَالَ ثُمَّ مَنْ قَالَ ‏"‏ اُمُّكَ ‏"‏‏.‏ قَالَ ثُمَّ مَنْ قَالَ ‏"‏ اُمُّكَ ‏"‏‏.‏ قَالَ ثُمَّ مَنْ قَالَ ‏"‏ ثُمَّ اَبُوكَ.
Amban huraira kinalasahan weh allahutaala, magkabtangan niya tekka dambuwa lella ngaru si rasulullah sallallahu alaihi wasallam, sine labi patut hap saweh saweh ku, magsabda sainu ubus painne sine pe, magsabda, sainuh ubus sine pe magsabda, sainuh ubus sine pe, sabda ne samah nu,
Pamanun rasulullah sallallahu alaihi wasallam mintellu binalik balik weh ne saih nu, hatihun bi siyam bulan kaam boo boo ne atas ne gey hap pamanganin duk patulihin sabab kaam anakin dem pakandangan, jinagahan inayurahan pahap, bang kaam paguwa ne gey ne isab hap patuli hin bang kaam nangis sinayug sayug ne kaam ilangan langan lasa duk esseb si anakin, bang kinawugtu, nah pinasusu pinakaan ne kaam nandal karuh duk kawugtu bang sadja kaam dem parasahan, pag hadje bi lahang bi pasagaran bi ambanan bi gey bisan tindew bi, makabusung duk sababan gey kaam pinaasek surga.

Kissa pasal matattoe pinasagaran.

Dambuwa aa alen nen Alkama landu basag mag ibadat si allahutaalla kahaba mag sambahayang si masjid sadja sarta dambuwa iye amban makanak miskin, duk landu hap pangaddatan ne si saih ne, gey iye mangan sahinga gey makakan saih nen, duk gey mag paesso mangan sahinga gey tapakan ne saih nen, duk kahaba ellew gey mag bekkat pagtindew nen tanda pagtaat nen, hatatakala maka anda ne iye landu lingkat duk anak dayahan, takaipat nene saih nen tinewdew duk pinakan sabab landu lasah nen si anda ne miyaan, pegge bahasa dayahan duk hap dende, taabut man iye moleh si hadarat tuhan gah bekkat napas nen diyalem tellu ellew, manjari dambuwa lella nilew si rasulullah sallallahu alaihi wasallam paine oh rasululla? Alkama painne tellu ellew ne gah bekkat napas nen buh painne alkama landu basag mag ibadat si masjid duk hap pe pangaddatan nen si pangkahi ne, sambung rasululla sallallahu alaihi wasallam, painne niya peke matattoe alkama, manjari nambung ne manambungin painne niya pe oh rasululla abahi dende magtungkudtungkud ne pinaeddo weh rasululla sallallahu alaihi wasallam saih ne miyaan, pagtekka abahi dende hin si rasululla sallallahu alaihi wasallam, painne kau ne inah alkama hin painne awe, ine be painne kahalan anak nu alkama iyan, painne saih nen anak ku iyan painne landu basag mag ibadat samabahayang magsadakka magsamabahayang si masjid duk gey ku taykaipat ne tinindew ellew ellew, nilew kahalan ku duk gey mangan bang gey ku makakan, hatatkala maka anda pain iye amban dende dayahan takaypat nene ku tinindew, pain rasululla sallallahu alaihi wasallam, maafun pain ne anak nu ALKAMA inajab ajab iye sarta dem narka jahannam iye minsan in kaniyaanen hekka ibadat ne, pasal bekkat pangateyannu si iye, pain abahi dendehin gey maaf ku painne, pain rasululla sallallahu alaihi wasallam bang gey maaf nu alkama dem narka jahannam iye, pain rasululla sallallahu alaihi wasallam oh bilal eggasun painne ALKAMA tiya du gey maaf saih ne, hap pe painne inajab si dunya daa sadja inajab si ellew qiyamah, nah suse ne saih nen pegge dinaak inggas ALKAMA, pain saih alkamahin maase ne si anak nen oh rasululla maaf kune ALKAMA,dunya akhirat, pain rasululla sallallahu alaihi wasallam tindewin painne oh bilal alkama bang ine ne kahalan ne pag tekka si bilal makasahadat ne alkama sarta bekkat ne napas nen

Pahati sine sine amban kaam pahadje ne andanen amban saih samah nen gey kaam inampun weh allahutaalla minsan kaniyaan bin mag-ibadat ellew sangem sarta narka jahannam lahat bin,

archive

Followers

Usbawaris

free counters

About Me

My Photo
Mohammad G. Indalal
sponsored by:Ustaza:hadji Amina Ampao.
View my complete profile